Marcu 16:1 - ꞌRe Ihâimana Uꞌâsi Mono Zadawa Wasuꞌu

¹ Tawamhã bâdâ oto sébré wamhã, tâibâ oto sabadu hã romhuri zahârizé zudeu norĩ te hã. Tawamhã pi'õ norĩ iwa'u zadaze hã, ma tô siwi uipra, te te siwi ãma hâiba u'ré da, Zezusi hã. Pi'õ norĩ nhisi hã Maria Madaréna, duré Salomé, duré Maria, Tiaguhu na hã.

Marcu 16:1 ပူးပေါင်းရင်းမြစ်များ

Zenezi 50:2

Tawamhã dawede'wa norĩ te te tãma 're iromhuri za'ra mono ma, ma tô tãma waihu'u za'ra, imama hã te te siwi hâiba u'ré da, 'ro tõ da. Ãne te te tãma waihu'u za'ra wa, ma tô imreme zarina ta norĩ hã siwi 'manha.

Marcu 14:3

Tawamhã Zezusi hã Betãnha ãma, te a'â tihâiba, Simahã nhorõwa ãma, i'wa're ré, aré ta hã. Tame sai ma, sãmra ré, ma tô we pi'õ hã ãzé, 'ri para u. Wedewa'u zadaze ẽtẽ 'manharĩ 'remhã, ma siré hã ãwisi. Wedewa'u zadaze hã, nadu na isisi hã, iwa'âbâ za'ẽne. Tawamhã isé hã ma tô sô pru. Taha pari, ma Zezusihi 'rã nhisiwi sa'wa.

Marcu 14:8

Pi'õ hã ma tô i'uwaibaba tô ĩma 'manha, iwẽ hã. Ã hã ĩdâ'â wana ré, ma tô ãma ĩhâiba zadaze, da te iré ĩnherẽzéb u.

Marcu 15:40

Pi'õ norĩ zama, romhâ hawi te Zezusi hã 'madâ'â za'ra. Nima norĩ nhisi hã ãne: Maria Madaréna, duré Salomé, duré Maria, Zuzé norĩ na hã Tiaguhu me. Tiagu hã ihâiba té.

Marcu 15:42

Sabadu u bâdâ 're ine mono u, te zudeu norĩ hã te te sima 're ropese za'ra, sabadu na hã te te 're romhuri za'ra mono õ na dâ'âsina. Tawamhã sabadu u oto hâiwahâ wa, romhuri 'rãsutuzéb ãma te Zuzé hã Pilatuhu u mo. Arimatéa ãma te aré 're hâimana, Zuzé hã. Zudeu norĩ ma roti'wa ipire, ta hã. Tahawa, te nasi si'rã'õtõ, siré dama roti'wa ipire za'ra norĩ me. Zuzé hã, 'Re ihâimana u'âsi mono da'ãma 're isib'a'uwẽ mono zéb zô, te 're simipari u'âsi. Tawamhã romhuri zahârizéb u, romhuture wa, ma tô sada aptete Zuzé hã, Pilatuhu u morĩ da, Zezusihi hâiba hã te te tiwi waptẽrẽ da, ab're siromo 're, te te sẽrẽ da.

Marcu 15:47

Ãne Zezusihi hâiba te te sẽrẽ ré, ma tô pi'õ norĩ hã ãma 'madâ'â zahuré, Maria Madaréna hã Mariaha me. Ta hã Zuzéhé na. Tawamhã ma tô sabu zahuré, nimame Zuzé te te isẽrẽzé hã.

Marcu 16:2

Tawamhã pi'õ norĩ hã mararé te ai'aba'ré, sa'a zahâpâ ab're u, bâdâ 'rãiwatobro wi, dumigu na.

Marcu 16:8

Tawamhã ma wairé ab're hawi, wara sina sisa'rei mono da. Tãma pẽ'ẽwara za'ra wa, te tirẽrẽ'ẽ za'ra. Pahi te, ni'wai ma, te te rowasu'u za'ra õ di a'â.

Luca 23:54

Ãhã romhuri 'rãsutu na ma tisẽ. Romhutu na te za zudeu norĩ hã romhuri zahârizé hã 'madâ'â za'ra.

Luca 23:56

Tawamhã 'ri tẽme te apâ ai'aba'ré. Tahawa, ma tô marĩ hã sada wa'u za'ra, wedewa'u isadaze hã, te te siwi ãma hâiba u'ré da. Romhuri zahârizém na hã ma tô tiwa'utu za'ra, 'Re ihâimana u'âsi mono te te ipisutuzéb zarina.

Luca 24:1

Dumigu na rowa'a wi, te pi'õ norĩ hã ai'aba'ré, ab're u. Marĩ wa'u te siré âri za'ra, isadaze hã.

Zuwã 19:25

Tame te pi'õ norĩ hã aimasa, Zezusihi za'ozéb 'rata ina norĩ hã, duré ina wapté, duré Maria, Coropasihi mro, duré Maria Madaréna.

Zuwã 19:31

Tawamhã dama ipire norĩ hã te Pilatuhu u ai'aba'ré, isõrõwa u. Itẽme sihutu wamhã, te ãma sadanharĩ za'ra, wedepo'o nhonhi'rãmi na isimnhana hã te te dama 'ru za'ra da, da te dasiwi hi'ẽ za'ra da. E marĩ da. Dâ'â su'u za'ra da, wedepo'o nhonhi'rãmi hawi da te dasiwi wamirĩ hâ. Ãne te ãma sadanharĩ za'ra. E marĩ wa. Romhuri zahârizém na simnhatã u'âsi wamhã, dama wẽ prã ti. Hâiwahâ pesere si te za bâdâ hã iwa waptãrã, romhuri zahârizé hã. Tawamhã romhuri zahârizéb u simnhatã ré, ãma hâiwahâ pese tõ za'ra da, te ãne ãma sadanharĩ za'ra, bâdâ hã dama pire uptabi wa, romhuri zahârizé hã.