Marcu 15:47 - ꞌRe Ihâimana Uꞌâsi Mono Zadawa Wasuꞌu

⁴⁷ Ãne Zezusihi hâiba te te sẽrẽ ré, ma tô pi'õ norĩ hã ãma 'madâ'â zahuré, Maria Madaréna hã Mariaha me. Ta hã Zuzéhé na. Tawamhã ma tô sabu zahuré, nimame Zuzé te te isẽrẽzé hã.

Marcu 15:47 ပူးပေါင်းရင်းမြစ်များ

Mateu 27:56

Ta norĩ me, te Maria Madaréna hã za. Mariaha hâiba amo zama te duré isiré za'ra hã za. Taha 'ra hã Tiagu, duré Zuzé. Zebedehe mro zama te duré pi'õ norĩ me hã za.

Mateu 27:61

Zuzé hã Zezusihi hâiba te te sẽrẽ ré, te pi'õ norĩ hã ab're nho'õmoi baba aimasisi zahuré, Maria Madaréna norĩ hã, Maria na isisi hâiba amoi me. 'Râwi te te ãma 'madâ'â zahuré da, te i'rata aimasisi zahuré.

Mateu 28:1

Tawamhã sabadu hawi i'awẽ na rowa'a wi, dumigu na ma tô Maria Madaréna norĩ hã sisaprõni zahuré Mariaha me, sa'a zahâpâ ab're u, Zezusi da te isẽrẽzéb u.

Marcu 15:40

Pi'õ norĩ zama, romhâ hawi te Zezusi hã 'madâ'â za'ra. Nima norĩ nhisi hã ãne: Maria Madaréna, duré Salomé, duré Maria, Zuzé norĩ na hã Tiaguhu me. Tiagu hã ihâiba té.

Marcu 15:46

Tawamhã Zuzé hã zazahâ, ma sada uipra, ihâirã hã. Taha pari, Zezusihi hâiba hã ma tô oto si'ra, wedepo'o nhonhi'rãmi hawi. Tawamhã zazahâ ihâirã na ma ubu. Te te ubu pari, ma tô ab're 're tisẽ. Sa'a zahâpâ ẽtẽ wa, ab're siromo 're. Taha pari, te ẽtẽ tõmo wawẽ hã te te pizari, ab're te te ãma iré sitob da hã.

Marcu 16:1

Tawamhã bâdâ oto sébré wamhã, tâibâ oto sabadu hã romhuri zahârizé zudeu norĩ te hã. Tawamhã pi'õ norĩ iwa'u zadaze hã, ma tô siwi uipra, te te siwi ãma hâiba u'ré da, Zezusi hã. Pi'õ norĩ nhisi hã Maria Madaréna, duré Salomé, duré Maria, Tiaguhu na hã.

Luca 23:55

Tawamhã Zuzé hã ab're u morĩ wamhã, ma tô pi'õ norĩ hã isarina ai'aba'ré. Zezusihi zarina, Galiléa hawi we isi'aba'ré, pi'õ norĩ hã. Tawamhã ab're hã ma tô sabu za'ra. Duré Zezusihi hâiba, Zuzé te te isẽrẽzé hã ma tô sabu za'ra.