Marcu 15:46 - ꞌRe Ihâimana Uꞌâsi Mono Zadawa Wasuꞌu

⁴⁶ Tawamhã Zuzé hã zazahâ, ma sada uipra, ihâirã hã. Taha pari, Zezusihi hâiba hã ma tô oto si'ra, wedepo'o nhonhi'rãmi hawi. Tawamhã zazahâ ihâirã na ma ubu. Te te ubu pari, ma tô ab're 're tisẽ. Sa'a zahâpâ ẽtẽ wa, ab're siromo 're. Taha pari, te ẽtẽ tõmo wawẽ hã te te pizari, ab're te te ãma iré sitob da hã.

Marcu 15:46 ပူးပေါင်းရင်းမြစ်များ

Mateu 28:2

Tawamhã simiza'rese õ ré, ma tô ti'a hã iré 're tiwara zahuré, hâiwa hawi Wanhib'apito ma romhuri'wa hã itẽme wisi zahuré wamhã. Tawamhã hâiwa ãma romhuri'wa hã ma tô ab're nhitobzé hã sa'ré, ẽtẽ tõmo wawẽ hã. Te te sa'réi wamhã, ma tô duré isisiwi nhamra.

Marcu 15:45

Tawamhã tô sena Zezusi hã idâ'â na te te tãma rowasu'u parimhã, Zuzéhé ma, te oto Pilatu hã tãma ti'ru, Zezusihi hâiba hã ab're siromo 're, te te sẽrẽ da.

Marcu 15:47

Ãne Zezusihi hâiba te te sẽrẽ ré, ma tô pi'õ norĩ hã ãma 'madâ'â zahuré, Maria Madaréna hã Mariaha me. Ta hã Zuzéhé na. Tawamhã ma tô sabu zahuré, nimame Zuzé te te isẽrẽzé hã.

Luca 23:53

Tahawa, ma tô ãma saze, Pilatu hã. Tahawa, ma tô si'ra, wedepo'o nhonhi'rãmi hawi, Zuzé hã. Te te si'rai wamhã, ma tô hâiba ubu, zazahâ ihâirã na. Taha pari, ma tô tisẽ, ab're wa, ẽtẽ zahâpâ ab're siromo wa. Tame ma tô Zezusihi hâiba hã tisẽ, da te iwa ida'manherẽ'õ 're.

Zuwã 11:38

Tawamhã Zezusi hã ma tô apâ ipẽ'ẽzé uptabi hã iwab ãzé. Tahawa te mo, ab're u, sa'a zahâpâ ab're ihâimana u. Tawamhã ab're u wisi wamhã, da te dasiwi ãma sitom haré, te ẽne hã za, itõmo za'ẽne hã.

Zuwã 11:41

Tawamhã isitobzé ma tô dasiwi sa'ré ni. Ãhã wamhã, te hâimo oto rob'madâ, Timama ma mreme da, Zezusi hã. Ãne te tawamhã tãma tinha: — Ĩmama, da'ãma aima 're ĩmreme mono wamhã, ĩmreme te ĩma ãma 're i'a'uwaimrami u'âsi mo. Ãhã na te za duré ĩmreme hã iwapa. Ãne wa, ĩma rowẽ di. Tahawa, wa duré danho'a, ãne aima rowasu'u, aima ĩmreme ré, da te ĩwapari za'ra da. E marĩ da. Aibâ ãma aima ĩmremezé hã ãma ĩma uwaimrami wamhã, a hã we ĩzatõrĩ'wa na dama 're ĩsiwasu'u mono zém na, da te 're ĩzaze za'ra mono da.

Zuwã 20:1

Tawamhã pi'õ Maria Madaréna te robza'rã ré dumigu na ab're u hã mo. Tawamhã ab're u morĩ wamhã, ab're nhitobzé ẽne hã, baba di. Ni'wa ma tô iwana isiti hã sa'ré.