Marcu 15:4 - ꞌRe Ihâimana Uꞌâsi Mono Zadawa Wasuꞌu

⁴ Tahawa, Pilatu te Zezusi 'mahâ, ãne: — Marĩ ahâ na ma tô ai'ãma sa'ra za'ra ni. E asadawa na tãma ãma wa'rãmi za'ra õ di za.

Marcu 15:4 ပူးပေါင်းရင်းမြစ်များ

Mateu 26:62

Tawamhã sasedoti ipire uptabi hã ma tô hâiwi za, dawa'wa. Ãne te ta hã sadanha, Zezusi hã: — E asadawa na dama ãma wa'rãmi ãna, da te dasiwi i'aiwasu'u wasété na hã. E tô isarina ma tô aiwasédé hã õ norĩ ai'ãma hiri zahuré. E taré.

Mateu 27:13

Tawamhã Pilatu te oto duré sadanha, ãne: — E asina dazadawa 'rui õ di bété, da te nasi dasiwi aiwasu'u wasété za'ra zém na hã. E asi'uihâ na asadawa na wa'rãmi ãna, dama.

Marcu 15:3

Tawamhã sasedoti ipire norĩ hã te Zezusihi ãma iwasédé hã sa'ra za'ra taré, marĩ iwasétére na 'Re ihâimana u'âsi mono ma, da'ãma romhuri'wa norĩ ipire za'ra hã.

Marcu 15:5

Tane nherẽ, tizadawa na te te wa'rãmi õ di, Zezusi hã. Tahawa, ma tô Pilatu hã ãma titob'uzu, tizadawa na te te ãma iwa'rãmi õ zém na.

Zuwã 19:10

Tawamhã Pilatu te tãma tinha, ãne: — E niha bâ, ĩma asiwasu'u õ di. E dama ĩnhimiroti pire na ĩwaihu'u õ di bété, te asatõrĩ da, aimorĩ da oto, duré niha wamhã, te dama ai'ru da, da te dasiwi asasõmri da, wedepo'o nhonhi'rãmi na.