Marcu 15:34 - ꞌRe Ihâimana Uꞌâsi Mono Zadawa Wasuꞌu

³⁴ Tawamhã si'ubdatõ bâtâ ãma, te Zezusi hã Timama hã sina 'mahâ, hârâ 'rãihâ na ãne: — Eloi, Eloi, lema sabactani. Ihârâzém na, ãma isaprĩzé hã, ãne: — Ĩnhib'apito, Ĩnhib'apito, e marĩ da, ma tô oto ĩsiwaprosi ĩrẽ ĩhâiba pisutu.

Marcu 15:34 ပူးပေါင်းရင်းမြစ်များ

Salmu 22:1

Ĩte 'Re ihâimana u'âsi mono, ĩte 'Re ihâimana u'âsi mono, e marĩ da, ma tô ĩrẽ. E marĩ da, ma tô romhâ na ĩnhiti aihâiba. E marĩ wa, duré ĩpawaptob da, ĩmreme 'rãihâ na te aiwi iwaptẽrẽzém na hã ĩwapari õ di.

Daniéu 9:21

Zahadu te rowaptẽrẽ ré, tô õ hã hâiwa ãma romhuri'wa Gabriéu, ĩnhotõ 'rowim ne ĩtõmo na te i'madâ hã, ma tô hâiwa hawi sa'ẽtẽ we wara. Ma tô ĩ'rata mazazâ 'râwi, si'ubdatõ ãma bâtâ za'ratazéb ãma, marĩ zata na 're idanhoprub za'ra mono zé bâtâ ãma hâiwahâ.

Mateu 27:45

Tawamhã ma tô oto ti'abzuma. Abzuma wamhã, ma tô tirobra, daro mono bâ. Bâdâ siprazéb u, te oto robra si nomro.

Mateu 27:46

Tawamhã bâdâ sipra wi, te Zezusi hã Timama hã sa'ẽtẽ sina 'mahâ: — Eri, Eri, rema sabatani. Ãne wamremezém na hã: “Ĩnhib'apito, Ĩnhib'apito, e marĩ da, ma tô oto ĩsiwaprosi ĩrẽ.”

Marcu 15:25

Zezusi te te siwi isasõmrizém na hã, bâdâ ma tô oto tinho're za'a.

Marcu 15:35

Tawamhã ni'wam norĩ i'rata isimasam norĩ hã Zezusihi hârâ te te wapari za'ra wamhã, ma tô sima rowasu'u za'ra, ãne: — Õhõta wapari aba. Eliasihi zô te hâ, te te we pawaptob da.

Luca 23:44

Tawamhã ma tô ti'abzuma oto. Abzuma wamhã, ma tô tirobra, daro mono bâ. Bâdâ siprazéb u, te oto robra si nomro.

Luca 23:46

Tahawa, ma tô Zezusi hã Timama ma tinha, mreme 'rãihâ na, ãne: — Ĩmama. Ãhãta, wa za ĩpẽ'ẽzani hã ãma aima tisõ, asib'rata. Tawamhã awa'awi ma pẽ'ẽ hai'utõ oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:3

Tawamhã nimahã bâtâ na bâdâ sipra wi, ma tô marĩ hã 'madâ, sõtõ 'rowim ne. Hâiwa ãma 'Re ihâimana u'âsi mono ma, romhuri'wa hã ma tô 'madâ. Ma tô we itẽme sina rotété. Taha wamhã, te 'mahâ oto ãne: — Coneliu.

Hebreu 5:7

Zezusi hã ti'ai ãma 're morĩ ré hã, ma tô wawa sina Timama ma mre, mreme 'rãihâ na, za te te irobzépatazém na te te pawaptob da. Tawamhã 'Re ihâimana u'âsi mono, Zezusihi mreme te te wapari wamhã, ma tô sima wẽ tô, te te pawaptob da. Zezusi hã uburé marĩ hã Imama te te tãma ipisutuzéb uwaibaba si, te te 're ab'manharĩ mono da, te te sima 're wẽ u'âsi mono wa, ma tô Imama hã sima wẽ, te te pawaptob da. Duré 'Re ihâimana u'âsi mono, niha na hã te te sima wẽ 'wa'âhã, te aré tô tiwaihu'u pese na hã sõ'reptu, dâ'â tõ da.