Marcu 15:32 - ꞌRe Ihâimana Uꞌâsi Mono Zadawa Wasuꞌu

³² Ma'ãpé, ãne ré, wedepo'o nhonhi'rãmi hawi we te te si'ra wanho'a, Danho'reptui'wa Izaraéu nhihudu norĩ nhib'apito hã wa te wasina ãma 're i'umnhasi za'ra mono zéb da hã. Tawamhã isiré isa'o zahuré zama, te nasi tãma nharĩ wasété zahuré, Zezusihi ma.

Marcu 15:32 ပူးပေါင်းရင်းမြစ်များ

Mateu 1:17

Ãne 14 na dahi'rata norĩ hâiba za'ra hã, Abra'ãhã hawimhã, õ Dawihi u hã. Duré 14 na dahi'rata norĩ hâiba za'ra hã Dawihi hawimhã, Izaraéu nhihudu norĩ, da te isimroi mono zéb u hã, Babilonia u. Duré 14 na dahi'rata norĩ hâiba za'ra hã Izaraéu nhihudu norĩ, da te isimroi mono zém hawimhã, õ Cristu ipotozéb u hã.

Mateu 27:42

— Oro õ hã Izaraéu nhihudu norĩ nhib'apito za. E niha hã bété, tinhimiromhõsi na te te 're da'anho'reptui mono nherẽ, 'râwi sisõ'reptu waihu'u õ di bété oto. Ãhã na wedepo'o nhonhi'rãmi hawimhã, we pé te te si'ra, wa te wasina 're i'umnhasi za'ra mono zéb da hã wa te ãma waihu'u za'ra da.

Mateu 27:44

Tawamhã danhibrob zô dapãrĩ'wa norĩ hã ma tô duré nasi dasiré ãma tiwa'ẽ zahuré, isiré dâ'â zahuré da, da te dasiwi isasõmri zahuré hã.

Marcu 15:26

Zezusihi 'rãi uwaibaba wedepo'o na rob'ui'éré hã ma siwi tété, da te dasiwi iwẽ'õ za'ra zém na, da te dasiwi ãma waihu'u za'ra da. Ãne ãma irob'ui'éré hã: Ã hã, zudeu norĩ nhib'apito.

Marcu 15:27

Zezusihi siré, ma tô duré aibâ norĩ hã sasõmri zahuré ni, danhibrob zô dapãrĩ'wa norĩ hã. Zezusihi ãma te aiwa'aba zahuré isimire niwĩmhã, duré isimi'e niwĩmhã.

Zuwã 1:49

Tawamhã Natãnaéu asa te duré tãma tinha, ãne: — Rowahutu'wa, a hã 'Re ihâimana u'âsi mono 'ra. A hã uburé Izaraéu nhihudu norĩ nhib'apito.

Roma 3:3

Tane nherẽ, ni'wam norĩ hã zudeu norĩ hã 'Re ihâimana u'âsi mono nhimiroti zarina 're inomro mono na hã te te tãma ãma 're uwaimrami za'ra mono õ di. E tawamhã 'Re ihâimana u'âsi mono hã asa te te tãma ãma 're uwaimrami za'ra mono õ di za, uburé marĩ na te te tãma ãma 're iropisutu za'ra mono zéb zarina.

2 Timotiu 2:18

Ta norĩ hã senai'õ na rowasu'u na te te dama 're rowasu'u zahuré, ãne: “Tâibâ, bâdâ ma tô iwa waptã'ã pa, 'Re ihâimana u'âsi mono ab're hawi te te ida'ahâiwa'utuzéb da hã. Niwab da hã te te ãma sahu õ di za, te te ida'ahâiwa'utuzém na hã.” Ãne te ta norĩ nhimirowasu'u hã 're hâimana. Taha zarina ma tô dawi uprosi zahuré, Wanhib'apito wasu'uwẽ na da te 're isaze za'ra mono zé hã.