Marcu 15:3 - ꞌRe Ihâimana Uꞌâsi Mono Zadawa Wasuꞌu

³ Tawamhã sasedoti ipire norĩ hã te Zezusihi ãma iwasédé hã sa'ra za'ra taré, marĩ iwasétére na 'Re ihâimana u'âsi mono ma, da'ãma romhuri'wa norĩ ipire za'ra hã.

Marcu 15:3 ပူးပေါင်းရင်းမြစ်များ

Mateu 27:12

Tawamhã sasedoti ipire norĩ hã duré dama roti'wa norĩ hã ma tô siwi wasu'u wasété za'ra Zezusi hã, Pilatuhu ma. Tane nherẽ, Zezusi hã tizadawa na te te tãma ãma wa'rãmi za'ra õ di, asa.

Marcu 15:4

Tahawa, Pilatu te Zezusi 'mahâ, ãne: — Marĩ ahâ na ma tô ai'ãma sa'ra za'ra ni. E asadawa na tãma ãma wa'rãmi za'ra õ di za.

Marcu 15:5

Tane nherẽ, tizadawa na te te wa'rãmi õ di, Zezusi hã. Tahawa, ma tô Pilatu hã ãma titob'uzu, tizadawa na te te ãma iwa'rãmi õ zém na.

Zuwã 19:12

Tawamhã Zezusihi mreme te te sina waihu'u wa, ma tô sima wẽ, Zezusi te te satõrĩ da, apâ dawi morĩ da. Tane nherẽ, hârâ 'rãihâ na te nasi imreme wa'rãmi 'mahârâ za'ra, dama ipire norĩ hã, ãne: — Õ hã danhib'apito na ma tô 're siwasu'u. Ni'wa hã danhib'apito na 're siwasu'u mono wamhã, apito Séza hã danhib'apito na te te da'ãma waihu'u õ di za. Apâ morĩ da, tãma rob'rui wamhã, apito Séza hã aima toi õ di za.