Marcu 15:23 - ꞌRe Ihâimana Uꞌâsi Mono Zadawa Wasuꞌu

²³ Tawamhã da'wapéi'wa norĩ hã te aré tãma sõmri za'ra, uwa 'rãi wa'u isé hã te te hâ'rẽne da, miha na wedepa wa'u nhisi na, iwazari ré hã. Tane nherẽ, te te hâ'rẽne õ di, Zezusi hã.

Marcu 15:23 ပူးပေါင်းရင်းမြစ်များ

Salmu 69:21

Mram na 're ĩhâimana mono wamhã, ma tô duré õ norĩ hã marĩ isé pire na iwazari na ĩsa hã te te ĩma 're sõmri za'ra. Duré 'rubu na 're ĩhâimana mono wamhã, ma tô vinagri marĩ zazazép si te te ĩma 're sõmri za'ra, te 're hâsi mono da hã.

Mateu 26:19

Tawamhã isiré 're inomro mono norĩ hã ma tô ãma uwaimrami za'ra, te te tãma iwaihu'u za'ra zéb zarina. Tinhipi ma tô 'manharĩ za'ra, Pascowa na dato nhisizém na dasazé hã.

Mateu 27:34

Tamomo te te siwi ãwisi wamhã, uwa 'rãi wa'u isé hã ma tô aré tãma sõmri za'ra Zezusihi ma, wedewa'u isé na iwazari ré hã, te te hâ'rẽne da. Tane nherẽ, te te téiwai wamhã, te te sima wẽ õ di, te te hâ'rẽne da, Zezusi hã.

Marcu 14:25

Tô sena wa za aima ĩsiwasu'u za'ra wa'wa. Ã hã rob'rãi wa'u hã te 're hâsi mono õ di za oto, a'â. 'Re ihâimana u'âsi mono hã za uburé da'ãma isib'a'uwẽzéb ãma si, wa za duré te 're hâsi.

Luca 22:18

à hã te 're hâsi mono õ di za oto, a'â. Niwapsi, wa za duré te 're hâsi, 'Re ihâimana u'âsi mono hã uburé da'ãma 're sib'a'uwẽ mono wapsi.

Luca 23:36

Da'wapéi'wa norĩ zama, ma tô ãma tiwa'ẽ za'ra. Tawamhã ma itẽme ai'ré za'ra, te te tãma wẽ za'ra da, uwa 'rãi wa'u isé hã, iwa'âbâ suru hã.