Marcu 14:72 - ꞌRe Ihâimana Uꞌâsi Mono Zadawa Wasuꞌu

⁷² Tawamhã si'a hã awa'awi ma tihârâ na sahu. Tawamhã Zezusi te te tãma iwaihu'uzém na, ma oto sina po're puru, Pedru hã. Ãne ma tô Zezusi hã aré tãma waihu'u siro: “Si'a hã tihârâ na te te sahu õ ré, te za si'ubdatõ dawi ĩ'udâ, ĩzadawa para õ nherẽ.” Tawamhã Zezusihi mreme na sina po're pu'u wa, te oto aiwa'õ, Pedru hã.

Marcu 14:72 ပူးပေါင်းရင်းမြစ်များ

Mateu 26:34

Tawamhã Zezusi te asa tãma tinha, Pedruhu ma, ãne: — Tô sena wa za ãhã na hã aima rowasu'u. Ãma aipo're pu'u za duré ĩmreme na hã. Ã bara na si'a hârâ õ ré, te za si'ubdatõ dawi ĩ'udâ, aima ĩza'rese õ na hã.

Marcu 14:30

Tawamhã Pedruhu ma, te Zezusi hã asa tinha, ãne: — Tô sena wa za aima waihu'u. Ã bara na, si'a hã tihârâ na te te sahu õ ré, te za si'ubdatõ dawi ĩ'udâ, aima ĩza'rese õ na.

Marcu 14:68

Tawamhã Pedru te asa, ãne tãma tinha: — Tane na ĩwaihu'u nherẽ, õ hã ĩma sa'rese õ di. Tawamhã 'ri nhi'riti u te oto mo, 'ridawa u morĩ da, dapusizéb u. Tawamhã si'a hã ma te oto hâ.

Marcu 14:71

Tawamhã Pedru te asa tãma nharĩ za'ra, ãne: — Mare di. Tane na ĩwaihu'u nherẽ, õ hã ĩma sa'rese õ di. Tô sena te aiwi udâ za'ra wa'aba di pâ, 'Re ihâimana u'âsi mono te te ĩ'azâri pé.

Luca 22:60

Tahawa, te duré Pedru hã asa tãma tinha, ãne: — Mare di. Tane ĩma inharĩ hã, te waihu'u õ di. Sa'rese õ di. Ãne na timreme hã te te 'rãsutu wi, ma awa'awi si'a hã hâ.

Luca 22:62

Ãne na oto imreme na sina po're pu'u wamhã, ma tô watobro rob u, Pedru hã. Tahawa, te oto aiwa'õ, sina pẽ'ẽzé uptabi wa.

2 Corĩtu 7:10

Isazei'õ'wa norĩ hã 're inomro wasété mono zéb zarina, robzei'õ u'âsi 're hâimana za'ra mono wa, te ta norĩ hã dâ'â u'âsi ne 're hâimana za'ra, tipẽ'ẽ 're. Tane nherẽ, 'Re ihâimana u'âsi mono te te dama 're i'apisutu mono zéb zarina si, dawi 're robzei'õ pese za'ra mono wamhã, tawapsi te za dawasété wi 're dasipizari za'ra. Taha zarina si, te za oto 'Re ihâimana u'âsi mono hã te te 're da'anho'reptu. Ãne wamhã, 're idahâimana wasété za'ra mono zém na 're dasiwẽ'õ za'ra mono õ di za oto.