Marcu 14:68 - ꞌRe Ihâimana Uꞌâsi Mono Zadawa Wasuꞌu

⁶⁸ Tawamhã Pedru te asa, ãne tãma tinha: — Tane na ĩwaihu'u nherẽ, õ hã ĩma sa'rese õ di. Tawamhã 'ri nhi'riti u te oto mo, 'ridawa u morĩ da, dapusizéb u. Tawamhã si'a hã ma te oto hâ.

Marcu 14:68 ပူးပေါင်းရင်းမြစ်များ

Marcu 14:54

Zezusi hã da te dasiwi saprõni ré, te Pedru hã romhâ na te te pibu, sasedoti ipire uptabi nhorõwa u. Tawamhã 'ri 'wawi wa'ra 're, ma ãzé. Sébré wamhã, ma tô nhamra unhama dawa, hâi'ro da, romhuri'wa norĩ me.

Marcu 14:69

Tawamhã ma tô romhuri'wa sipi'õ hã tisã Pedru hã, 'ri nhi'riti ãma. Tawamhã i'rata isimasam norĩ ma, te wasu'u za'ra, ãne: — Ã hã Zezusi norĩ siré, 're imorĩ.

Marcu 14:70

Tawamhã Pedru te duré tiwi ai'udâ. Tawamhã ãma ronomro õ ré, te duré tãma nharĩ za'ra, i'rata isimasam norĩ hã: — Tô sena, a hã Zezusi norĩ siré, te 're aimo. A hã tô, Galiléa ãma 're i'aihâimana mono.

Marcu 14:72

Tawamhã si'a hã awa'awi ma tihârâ na sahu. Tawamhã Zezusi te te tãma iwaihu'uzém na, ma oto sina po're puru, Pedru hã. Ãne ma tô Zezusi hã aré tãma waihu'u siro: “Si'a hã tihârâ na te te sahu õ ré, te za si'ubdatõ dawi ĩ'udâ, ĩzadawa para õ nherẽ.” Tawamhã Zezusihi mreme na sina po're pu'u wa, te oto aiwa'õ, Pedru hã.