Marcu 14:61 - ꞌRe Ihâimana Uꞌâsi Mono Zadawa Wasuꞌu

⁶¹ Tane nherẽ, te Zezusi hã ari'iwi za, te te ãma wa'rãmi ãna timreme na hã. Tawamhã 'Re ihâimana u'âsi mono ma da'ãma romhuri'wa ipire uptabi hã te duré sadanharĩ na sahu, sasedoti ipire uptabi hã, ãne: — E tô sena a hã, 'Re ihâimana u'âsi mono te te aipisudu, Danho'reptui'wa da. E tô sena 'Re ihâimana u'âsi mono 'ra, duré a hã.

Marcu 14:61 ပူးပေါင်းရင်းမြစ်များ

Salmu 119:12

Uburé Danhib'apito, wa ai'ãma 're ĩwata! Asimiroti na, ma'ãpé ãma ĩma rowahutu.

Salmu 2:7

Tawamhã apito te tinha ãne: “Uburé Danhib'apito te te ĩma iwaihu'uzé, wa za dama sadawa 'mahâ. Uburé Danhib'apito, te ĩma tinha ãne: ‘A hã, ĩ'ra. Ã bâtâ na wa tô aimama na aima 're ĩhâimana mono da hã ĩsi'ãma a'ube.

Mateu 16:16

Tawamhã Sima Pedru ma te ãne asa ãma sada'â: — A hã Cristu, 'Re ihâimana u'âsi mono te te i'aipisudu, Danho'reptui'wa da. A hã 'Re ihâimana u'âsi mono 'ra.

Mateu 3:17

Tawamhã hâiwa hawi te we tinha ãne: — Ã hã ĩ'ra. Ĩma sawi uptabi di. Tãma ĩto za'ẽtẽ uptabi di. — Ãne te we tinha, Imama hã.

Mateu 8:29

Tawamhã rosa'rese õ ré, ma tô sa'ẽtẽ 'mahârâ zahuré Zezusi hã, ãne: — 'Re ihâimana u'âsi mono 'ra, e marĩ wa'ãma 'manharĩ da, te we aimo, wawa'wai baba. E ropsi'utõrĩzé wana wa'ahâri da, te we aimo, wa te oto robzépata mono da.

Marcu 14:60

Tawamhã 'Re ihâimana u'âsi mono ma da'ãma romhuri'wa ipire uptabi hã dawa'wa ma hâiwi za, Zezusi hã uihâ na te te sadanharĩ da, ãne: — E asadawa na dama ãma wa'rãmi ãna, da te dasiwi i'aiwasu'u wasété na hã. E tô isarina ma tô aiwasédé hã ai'ãma hiri zahuré. E taré.

Zuwã 1:34

Wa hã wa tô ãma 'madâ. Tô sena, wa aima rowasu'u za'ra wa'wa. Õ hã, 'Re ihâimana u'âsi mono 'ra.

Zuwã 10:24

Tamomo ma tô itẽme si'rã'õtõ, dama ipire norĩ hã, Zezusihi u. Taha wamhã, te tãma nharĩ za'ra, ãne: — E niwa te za wama asiwasu'u za'ra. Wama asiwasu'u za'ra zéb zô hã, wanhimipari wa'a za'ra di. A hã, tô sena Danho'reptui'wa da, 'Re ihâimana u'âsi mono te te aipisutu wamhã, ma'ãpé sõ'awi wama asiwasu'u za'ra na, wa te aiwaihu'u za'ra da.

Zuwã 18:37

Tahawa, ma tô Pilatu hã asa duré sadanha, ãne: — E a hã danhib'apito. Zezusi te duré tãma tinha, ãne: — Tahata ma tô tane hã ĩ'ãma iwaihu. Taha da, wa tô ti'ai ãma podo. Taha da, wa tô we ti'ai u datẽme mo, roti tô sena uptabi hã te dama 're wasu'u mono da. Ni'wam norĩ hã roti tô sena uptabi hã te te sima 're wẽ za'ra mono wamhã, ta norĩ si te za te te 're ĩwapari ze za'ra.

Zuwã 19:7

Tahawa, te asa tãma nharĩ za'ra, dama ipire norĩ hã, ãne: — Ti'ai ãma poto nherẽ, ma tô dama 're siwasu'u, 'Re ihâimana u'âsi mono 'ra na. Mreme wẽ'õre di. Wahi'rata norĩ hã ma tô dama roti za'ra, ãne ni'wa, 're siwasu'u mono wamhã, wa te wasiwi wĩrĩ da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:32

Rob'ui'éré te te isõré mono hã ãne: “Pone'ẽrebâ, da te wĩrĩ da, da te dasiwi isaprõni ne, ma tô dasiwi saprõni ni, da te dasiwi wĩrĩ da. Tawamhã dawi sisawi ãna ma tô dama mo. Duré pone'ẽrebâ 'ra hã da te séré nhihâri wamhã, isadari õ ne, ari'iwi ma tô tihâiba.

1 Timotiu 1:11

Roti tô sena na si, wa tô te dama ãma 're aroti, Wanhib'apito wasu'uwẽ na te dama 're rowasu'u mono wamhã. Wẽ uptabi di, Wanhib'apito wasu'u hã. Taha da, ma tô ĩma pisutu, iwasu'uwẽ na te ãma 're da'apo're pu'u mono da, 'Re ihâimana u'âsi mono hã, rowẽ u'âsi 're imorĩ hã.

1 Timotiu 6:15

Bâdâ te te ipisutuzém na te za 'Re ihâimana u'âsi mono hã tãma tinha, apâ wei morĩ da, Wanhib'apito hã. Wẽ uptabi di, 'Re ihâimana u'âsi mono hã. Õhõ si uburé Danhib'apito uptabi. Uburé ti'ai ãma danhib'apito norĩ nhipai u, pire uptabi di. Duré uburé dama ipire norĩ nhipai u, pire uptabi di.

1 Pedru 2:23

Da te tãma 're nharĩ wasété za'ra mono nherẽ, asa te te dama 're nharĩ wasété mono õ di. Duré da te tãma irob'manharĩ wasété mono na te te robzépata nherẽ, te te dama ropipa õ di asa hã. 'Re ihâimana u'âsi mono ma si, ma tô sisõ, taha si dahâimanazéb zarina da'ãma rowairébé'wai wa, te te ãma dama 're a'upai mono õ wa.