Marcu 14:5 - ꞌRe Ihâimana Uꞌâsi Mono Zadawa Wasuꞌu

⁵ Te te dama wede 'wa'âhã, aré iwa'â hã isa'ẽtẽ uptabi 300 na te aré tihâiba, rob'uiprazé isapotore hã, isibrob'õ norĩ ma, te te sõmri mono da. Pi'õi ãma, ma tô duré ãhã wamhã wasété za'ra.

Marcu 14:5 ပူးပေါင်းရင်းမြစ်များ

Mateu 18:28

Tawamhã ta hã aibâ te oto mo. Morĩ wamhã, ma tô tisiré romhuri'wa hã sõpẽtẽ. Taha wi, ma tô duréihã rob'uiprazé misi bâtâ na dapawa'âbâzé hã waptẽ suru na, apito hawi imorĩ wi. Tawamhã isõwa're're te te tãma sõmri õ wa, ma tô ti'â, ibutu na awa'awi. Ibutu na te te tété sina, ma tô tiwi waptẽ, ãne: “Ma'ãpé ãhã na ĩma sõmri, zahadu ĩma iwa'âbâ õ hã.” Ãne te tiwi waptẽ.

Marcu 14:4

Ni'wam norĩ hã tame ihâimana za'ra hã ma tô ãma wẽ'õ za'ra. Tahawa, ma tô sima rowasu'u za'ra, ãne: — E niha, ma taré ãma si'uba, wedewa'u zadaze na hã.

Marcu 14:6

Tawamhã Zezusi hã te tãma nharĩ za'ra, ãne: — Tô'ã. Pi'õ hã rowẽ na si hâimana. E marĩ da, ma tô sada asahi za'ra wa'wa. Pi'õ hã iwẽ uptabi hã ma tô ĩma 'manha.

Luca 15:2

Tawamhã farizeu norĩ hã te ãne tãma nharĩ za'ra, 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ me: — Õ hã ma tô ãma 're siwadi za'ra, siwa'ru 're inomro mono ãma hã. Ta norĩ siré, te nasi tisa.

Zuwã 13:29

Zuda, rob'uiprazé 'madâ'â'wa. Tahawa te ni'wam norĩ hã ãma rosa'rata za'ra, ãne: “Rob'uiprazé hã te te 're 'madâ'â mono wa, ãté marĩ hã wasazéb da, te te wama uipra za'ra da, te ãne tãma tinha.” Ihâiba amo norĩ hã te duré ãma rosa'rata za'ra, ãne: “Ãté isibrob'õ norĩ ma, suru na te te sõmri mono da, te tãma tinha.”

Zuwã 6:43

Tahawa, te Zezusi asa duré tãma nharĩ za'ra, ãne: — Tô'ã. Tane ĩma nharĩ za'ra wa'aba õ di za.

Zuwã 6:7

Tahawa, te Filipi hã asa tãma tinha, ãne: — Da'ahâ uptabi wa, wa aré taré dasazém na rob'uiprazé sa'ẽtẽ uptabi nherẽ, uprosi za'ra ni, 200 na ihâiba nherẽ. Tane nherẽ, te aré da'ãma ai'utõ duré, i'u'ẽtẽ wapu hã. Suru na dasa hã aiwapsi da te huri da nherẽ, aré duré aihĩni dasa hã da te huri waihu'u õ di.

1 Corĩtu 10:10

Wahi'rata norĩ hã ma tô duré Mozésihi ma nharĩ wasété za'ra. Ma tô duré taha wamhã tãma aiwapsari za'ra. Tahawa, ma tô 'Re ihâimana u'âsi mono hã hâiwa ãma tãma iromhuri'wa hã we satõ, Dapãrĩ'wa na isisi hã, ta hã te te da'uprosi da. Ãne õ'umnhasite, wa norĩ zama hã 'Re ihâimana u'âsi mono ma, wa te tãma 're nharĩ wasété za'ra mono õ di za.

Éfézu 4:28

Danhibrom na dawi 're i'asimisaihuri za'ra wa'aba mono zém na hã, duré oto 're asimisaihuri za'ra wa'aba mono na hã ãma 're sahu za'ra wa'aba mono õ di za. Te za oto asib'rata na 're iromhuri za'ra wa'aba mo, aihâimana wẽ na oto 're aihâimana za'ra wa'aba mono da, duré asimiromhuri na isibrob'õ norĩ hã 're pawaptob za'ra wa'aba mono da, ãne na si hã wẽ wa.

Filipu 2:14

Marĩ na 're nharĩ wasété za'ra wa'aba mono ãna, te za uburé marĩ hã 're i'manharĩ wẽ u'âsi za'ra wa'aba mo. Duré 're asisada'âbâ za'ra wa'aba mono ãna, te za marĩ iwẽ si uburé 're i'manharĩ u'âsi za'ra wa'aba mo.

Zuda 1:16

Ta norĩ hã te 're siwapsari u'âsi za'ra, soto wasété na. Si'upana si te duré ta norĩ hã dawasédé hã te te da'ãma 're sa'ra, 're danomro wẽ mono nherẽ. Si'uihâ na marĩ hã te te sima 're iwẽ za'ra mono zéb uwaibaba si, te te 're 'manharĩ za'ra, iwasétére hã. 'Râwi te ta norĩ hã duré sina 're wata u'âsi za'ra, tiwẽ na. Te duré taré dawẽ te te da'ãma 're sa'ra, iwa'rãmi marĩ iwẽ hã da te tãma 're sõmri za'ra mono da.