Marcu 14:45 - ꞌRe Ihâimana Uꞌâsi Mono Zadawa Wasuꞌu

⁴⁵ Tawamhã Zuda hã Zezusihi u oto wisi wamhã, ãne te 'mahâ: — Rowahutu'wa. Tawamhã tob'rata hârâ na, ma tô sawi, Zezusi hã.

Marcu 14:45 ပူးပေါင်းရင်းမြစ်များ

Marcu 12:14

Tawamhã itẽme sihutu wamhã, te siwi sadanha, ãne: — Rowahutu'wa, tô sena na wa tô aimreme na aiwaihu'u za'ra ni. Danhimirosa'rata na nare a hã 're aihâimana mono õ di. Duré dapire na 're dahâimana za'ra mono nherẽ, aima hã aiwapsi dahâimanazé hã. 'Re ihâimana u'âsi mono nhimiroti zarina si, te uburé marĩ hã dama 're i'awaihu'u mo, sena na. Tahawa, te za asimirosa'rada hã wama iwaihu'u za'ra, wa te aiwapari za'ra da. E Roma ãma danhib'apito uptabi ma, wa za rob'uiprazé hã wa te 're arĩ za'ra, isimiwada'uri zarina. E 'Re ihâimana u'âsi mono ma, wẽ di. E tãma wẽ õ di.

Marcu 14:44

Taha wana, ma tô Zuda ãne dama ipire norĩ ma roti za'ra, te te ãma siwi iwaihu'uzéb da hã: — Aibâ te itob'rata hârâ hã, te za asiwi i'âri 'wa. Tawamhã asiptete sina, te za asiwi isaprõni 'wa.

Marcu 14:46

Tawamhã ma tô oto dasiwi âri ni.

Luca 6:46

— E marĩ da, ma tô Asib'apito na asiwi 're ĩnhisi za'ra wa'aba mo, ĩnhimiroti hã 're 'madâ'â pese za'ra wa'aba mono õ nherẽ.

Zuwã 20:16

Tawamhã Zezusi te tãma tinha, ãne: — Maria. Tawamhã tinhisi te te wapari wamhã, ma itẽme aipi'ra, Maria hã. Tawamhã hebreu norĩ mreme na te tãma tinha, ãne: — Raboni. (Ã hã damreme hã ãma isaprĩ na hã “Rowahutu'wa.”)

Zuwã 4:31

Taha ré, te isiré 're inomro mono norĩ hã pi'õ morĩ za'u si, ĩsa tãma 'ru za'ra, a'â sa da.