Marcu 14:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã mreme tete sina, te asa tãma tinha, Pedru hã, ãne: — Wa hã asiré ĩdâ'â da nherẽ, te dawi ai'udâ õ di za. Tawamhã uburé isiré 're inomro mono norĩ hã ma tô õhõ na si tãma siwasu'u za'ra, za te te dawi i'udâ za'ra õ na hã.

Marcu 14:31 ပူးပေါင်းရင်းမြစ်များ

Ezodu 19:8

Tawamhã uburé ma tô aiwapsi ãma sada'âbâ za'ra ni ãne: — Uburé Danhib'apito te te iwaihu'uzé hã, wa za tô wasiwi 'manharĩ ni uburé. Tawamhã Mozési, da te ãma isada'âbâ za'ra zém na hã, ma tô Uburé Danhib'apito ma hã ãma tãma siri apâ.

Provébiu 16:18

'Râwi 're idasi'madâ'â ze za'ra mono zé hã, te za da'uprosizéb u te te 're da'ãwisi za'ra. Duré dasina 're idawata za'ra mono zé hã, te za dahâimanazém na 're idarere'e mono zé hã dama 're hâimana za'ra.

Provébiu 18:24

Marĩ u'âbâ si dasisawizé hã, õne u'âsi ãma 're dasisawi za'ra mono õ di. Tane nherẽ, dasiwaihu'u uptabi te dama 're hâimana, dasisãnawã 'râwi nhipai u hã.

Provébiu 29:23

'Râwi 're idasi'madâ'â ze za'ra mono zéb zarina, te za 'râwi 're dasiwazéb za'ra. Tane nherẽ, dama dawapu na 're idasi'madâ'â mono zéb zarina, te za dama dawazé pese zé hã da te dasina 're sani za'ra.

Mateu 10:33

Tazahã, duré ni'wam norĩ hã ĩzazei'õ'wa na dama 're siwasu'u za'ra mono wamhã, wa hã wa za duré Ĩmama nho'a hã te 're awasu'u, ĩzazei'õ'wa na, hâiwa ãma 're isãmra mono nho'a. — Ãne ma tô tãma rowasu'u za'ra, Zezusi hã.

Marcu 10:39

Tawamhã asa te duré Zezusihi ma siwaihu'u zahuré: — Ĩhe. Sada wanhiptete di za, asine wa te irobzépata da hã. Tawamhã Zezusi ma duré asa ãma tãma wa'rãmi zahuré, ãne: — Te za tô ĩsine irobzépata za'ẽtẽ 'wa.

Marcu 14:30

Tawamhã Pedruhu ma, te Zezusi hã asa tinha, ãne: — Tô sena wa za aima waihu'u. Ã bara na, si'a hã tihârâ na te te sahu õ ré, te za si'ubdatõ dawi ĩ'udâ, aima ĩza'rese õ na.

Marcu 14:32

Tawamhã Zezusi norĩ hã ma tô aihutu, Zésemani na rob're nhisi u. Sihutu wamhã, ãne te tãma nharĩ za'ra: — Ãme ĩzô asimroi wa'aba. Wa hã wa za a'â asiti ĩmorĩ 'wa, romnhiwasi Ĩmama ma, ĩmreme da.

Luca 23:23

Tane nherẽ, te aihĩni norĩ hã ãma sé za'ra, mreme 'rãihâ na, ãne: — Wedepo'o nhonhi'rãmi na sa'o, dâ'â da. Tahawa, Pilatu ma tô oto dawapa.

Zuwã 13:37

Tawamhã Sima Pedru te duré asa tãma tinha, ãne: — E marĩ wa bété, ãhã na asarina ãma ĩmorĩ waihu'u õ di. Te asõ'reptu da, asada ĩdâ'â da hã ĩma wẽ di.