Marcu 14:25 - ꞌRe Ihâimana Uꞌâsi Mono Zadawa Wasuꞌu

²⁵ Tô sena wa za aima ĩsiwasu'u za'ra wa'wa. Ã hã rob'rãi wa'u hã te 're hâsi mono õ di za oto, a'â. 'Re ihâimana u'âsi mono hã za uburé da'ãma isib'a'uwẽzéb ãma si, wa za duré te 're hâsi.

Marcu 14:25 ပူးပေါင်းရင်းမြစ်များ

Salmu 104:15

Te duré ti'ai ma 're inharĩ mo, uwa 'ru 're 'rãi pese mono da, iwa'u zô, taha na dama 're rowẽ za'ẽtẽ za'ra mono da. Azeitona wa'u tob zô zama, te duré tãma 're inharĩ mo, te te sina 're da'ubu waipo za'ra mono da. Te duré i'u'ẽtẽ wapu zô zama tãma 're ĩnharĩ mo, danhiptede hã te te dama 're sõmri za'ra mono da.

Zuéu 3:18

“Tô taha wahu mono na uwa'ru hã te za ẽtẽ'rãirã hã te te ubu. Duré tawamhã powawẽ norĩ hã te za tisa hã ropâ te te nasi huri, sa'a mono na. Duré â hã te za Zuda ti'a na 're praba, pa nhipti mono na. Duré ĩnhorõwa 'ri 'rãihâ hawi te za â na'rada hã watobro, Acasia na romharé nhisi te te 're idi'i mono da hã.

Mateu 26:29

Tô sena, wa za aima ĩsiwasu'u za'ra wa'wa. Ãne hã rob'rãi wa'u te 're hâsi mono õ di za oto, a'â. Niwapsi Ĩmama hã uburé da'ãma 're sib'a'uwẽ mono wapsi, wa za duré te 're hâsi, asiré wa'aba.

Marcu 14:24

Ãne ma duré tãma sina waihu'u za'ra, Zezusi hã: — Ã hã ĩwapru, te wasu'u. Rob'rãi wa'u za'wari ne, te za ĩwapru hã ĩwi asa'wa, da'ahâ zada ĩdâ'â wamhã. Ã hã ĩwapru hã ĩwi sisa'wari wamhã, 'Re ihâimana u'âsi mono hã tinhib'a'uwẽ ma, te te tãma iropisutuzé hã tô sena za te te tãma ãma 're i'uwaimrami mono zé, te wasu'u.

Marcu 14:26

Tawamhã Zezusi norĩ hã tinho're na te oto ãma tiwata za'ra, 'Re ihâimana u'âsi mono ãma. Taha pari, ma tô wairé, Oriwera na ẽtẽ 'rãihâ nhisi u si'aba'ré da.