Marcu 14:22 - ꞌRe Ihâimana Uꞌâsi Mono Zadawa Wasuꞌu

²² Tawamhã saihuri ré, ma tô ti'â, i'u'ẽne hã. 'Re ihâimana u'âsi mono ãma te tiwata, sõpru wa. Taha pari, ma tô te te wẽ'ẽ, i'u'ẽne hã. Te te wẽ'ẽi mono parimhã, tisiré 're inomro mono norĩ ma, ma tô te te sõmri. Ãne ma tãma sina waihu'u za'ra: — Ã, i'u'ẽne hã huri aba. Ã hã ĩhâiba, te wasu'u.

Marcu 14:22 ပူးပေါင်းရင်းမြစ်များ

Zenezi 41:26

Powawẽ iwẽ ihâipe, 7 na ihâiba hã te 7 na wahu hã wasu'u. Duré 7 na amnho te hawi iteihi mono bâ i'rã iwairébé, i'rã iwẽ uptabi isu wawẽ isurudu hã, aiwa te tô 7 na wahu hã wasu'u zahuré.

Mateu 14:19

Tawamhã te oto dama tinha, duiroi wa, dasi'ubumroi mono da. Taha pari, ma tô i'u'ẽtẽ wapu 5 na ihâiba hã oto waibu. Duré pe'a maparane ihâimana zahuré hã ma tô timra. Tawamhã hâiwa u te iré rob'madâ, Timama ãma wata da, sõpru wa. Taha pari, ma tô i'u'ẽtẽ wapu hã te te si'ẽ. Duré ãhã wamhã, tisiré 're inomro mono norĩ ma hã, ma tô tãma sõmri za'ra, te te dama sõmri za'ra mono da.

Marcu 10:16

Tawamhã awa'awi ma tô nasi ai'uté hã dawi azaza tipa. Duré tinhib'rata na te te nasi upi za'ra sina, 'Re ihâimana u'âsi mono wi, ma tô ãma arowaptẽ, iwẽ hã te te tãma 're anhomri mono da.

Marcu 14:21

Ti'ai ãma Dasiré Ipoto na duréihã ma tô idâ'âzém na rob'ui'éré siromo za'ra ibaihâ na, 'Re ihâimana u'âsi mono zadawa 'mahârâ'wa norĩ hã. Ãma irob'ui'érézéb zarina te za tô mo, tidâ'âzéb u. Tane nherẽ, aibâ ma, tãma 're ropipa uptabi mono di za, za te te dama ihâiba nhomri'wai ma hã. 'Re ihâimana u'âsi mono, za te te azâri wamhã, te za sima rosa'rata, ãne: “Ĩpoto õ 'wa'âhã, aré wẽ di, ãne na hã te aré 're robzépata mono õ wa.” Ãne te za 'râwi si'ãma rosa'rata, za dama ihâiba nhomri'wa hã.

Marcu 14:23

Taha pari, ma duré ti'â hâsizé hã, uwa 'rãi wa'ui ré hã. 'Re ihâimana u'âsi mono ãma te duré tiwata, sõpru wa. Taha pari, ma tô tãma sõmri za'ra, uwa 'rãi wa'ui ré hã. Tawamhã aihĩni ma âhu.

Marcu 14:24

Ãne ma duré tãma sina waihu'u za'ra, Zezusi hã: — Ã hã ĩwapru, te wasu'u. Rob'rãi wa'u za'wari ne, te za ĩwapru hã ĩwi asa'wa, da'ahâ zada ĩdâ'â wamhã. Ã hã ĩwapru hã ĩwi sisa'wari wamhã, 'Re ihâimana u'âsi mono hã tinhib'a'uwẽ ma, te te tãma iropisutuzé hã tô sena za te te tãma ãma 're i'uwaimrami mono zé, te wasu'u.

Marcu 6:41

Tawamhã ma tô oto i'u'ẽtẽ wapu hã waibu, 5 na ihâiba hã. Pe'a zama ma duré timra. Tawamhã hâiwa u te iré rob'madâ. Timama ãma te tiwata, sõpru wa. Taha pari, ma tô te te wẽ'ẽ, i'u'ẽtẽ wapu hã. Te te wẽ'ẽi mono pari, ma tô tisiré 're inomro mono norĩ ma sõmri za'ra, te te dama sõmri za'ra mono da. Pe'a zama, ma tô te te wẽ'ẽ zahuré, te te duré dama sõmri za'ra mono da hã.

Luca 22:17

Tawamhã ma hâsizé hã ti'â, uwa 'rãi wa'ui ré hã. 'Re ihâimana u'âsi mono ãma te tiwata, sõpru wa. Te duré tãma nharĩ za'ra, ãne: — Ã, âhuri aba, uburé.

Luca 24:30

Tawamhã i'rata te tinhamra zahuré, siré saihuri da. Sãmra wamhã, ma tô i'u'ẽne hã ti'â, Zezusi hã. 'Re ihâimana u'âsi mono ãma te tiwata, sõpru wa. Taha pari, ma tô te te wẽ'ẽ, i'u'ẽne hã. Ta hã ma tô duré tãma sõmri zahuré.

Zuwã 6:23

Tawamhã ni'wam norĩ hã ma tô uba're na datẽme saprĩ za'ra, zara u. Tiberiadi hawi ma tô datẽme saprĩ za'ra, 'ri nho'õmo hawi. Wanhib'apito hã 'Re ihâimana u'âsi mono ãma iwatazéb u, ma tô ãma roptob za'ra, dasa hã da te ihurizéb u.

1 Corĩtu 10:4

 hã 'Re ihâimana u'âsi mono te te dama i'õb za'ra mono na ma tô duré da te 're âhuri, aihĩni pese. Ẽtẽ zahâbâ itõmo wawẽ sipo'ozém hawi 're ipu'u mono na, ma tô da te 're âhuri, isimipawaptobzéb zarina. Ẽtẽ zahâbâ hã a'ubuni wi 're isa mono na, â hã da te ãma 're i'âhuri mono ne, ma tô Cristu hã 'râwi dasiré 're hâimana, te te 're da'apawapto mono da.

Galata 4:25

Arabia na daza'ru nhisi ãma, Sina'i na ẽtẽ 'rãihâ nhisi hã, Aga te wasu'u. Zeruzalẽ na 'ri nho'õmo nhisi, Aga hã te tô duré wasu'u. E marĩ wa. Zeruzalẽ 're, 're idahâimana za'ra mono norĩ hã danhimiwada'uri zarina, dapawa'âbâ ãna 're idahâimana za'ra mono norĩ ne, te robzei õ na 're dahâimana za'ra.