Marcu 14:2 - ꞌRe Ihâimana Uꞌâsi Mono Zadawa Wasuꞌu

² Ãne te sima ãma roti za'ra: — Dato hã hâimana ré, wa te wasiwi âri õ di za, wama dazahi za'ra õ'umnhasite, uburé hã wazada hâimana za'ra tõ da.

Marcu 14:2 ပူးပေါင်းရင်းမြစ်များ

Provébiu 19:21

Dapẽ'ẽ 're, da te 're irowa'õtõ za'ra mono zé hã ahâ di. Tane nherẽ, Uburé Danhib'apito te te dama 're i'apisutu mono zéb zarina si te za tô dama 're wairébé.

Provébiu 21:30

Ti'ai ãma rowaihu hã duré da'rã nhimiza're hã, Uburé Danhib'apito da hã siptete waihu'u õ di.

Mateu 26:2

— Romhuture di oto, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi na hã. Awẽ amo na te za iwa waptãrã, bâdâ hã. Ãne hã aima waihu'u pese za'ra wa'aba di. Tawapsi te za oto dasiwi ĩhâiba nhomri ni, Danho'reptui'wa da 'Re ihâimana u'âsi mono te te ĩpisudu hã, da te dasiwi ĩzasõmri da hâiwi, wedepo'o nhonhi'rãmi na.

Mateu 26:5

Ãne te sima ãma roti za'ra: — Dasa hã da te 'manharĩ za'ra ré, wa te wasiwi âri õ di za, wazada dazahi za'ra õ'umnhasite, duré wazada dahâimana za'ra tõ da.

Marcu 11:18

Tawamhã aibâ norĩ hã ma tô iwasu'u hã wapari za'ra, sasedoti ipire norĩ hã, rowahutu'wa norĩ zama. Ãne hã te te wapari za'ra wamhã, ma tô ta norĩ hã sima ãma rosa'rata za'ra, te te siwi wĩrĩ da. Tane nherẽ, Zezusihi nhimiroti na, da'ahâ na ãma 're dawata za'ra mono wa, te te sima danhimimnhasi za'ra wa, te te siwi wĩrĩ õ di a'â.

Marcu 11:32

Tazahã dazadawa parap si, â dawabzuri te te dama 're i'ab'manharĩ mono na, wa te tãma waihu'u za'ra wamhã, te za wazada tazahi za'ra ni za. Ãne te 'râwi sima nharĩ za'ra, dapipa te, Zuwã Batista hã tô sena 'Re ihâimana u'âsi mono zadawa 'mahârâ'wa 're imorĩ na, da te 're saze za'ra mono wa.

Marcu 14:1

Maparane te oto sô rowaptâ bâtâ zô hã, dato hã da te 're i'manharĩ za'ra mono zéb u hã, 'Re ihâimana u'âsi mono, Ezitu hawi te te idawaibuzém na ãma dasipo're pu'u za'ra da, Pascowa na dato nhisi na hã. Tawapsi dasi'rã'õtõ ré, te za romhuri na i'u'ẽtẽ duptoi'õ hã huri ni. Tawamhã bâdâ iwa waptã'ã õ ré, te sasedoti ipire norĩ hã rowahutu'wa norĩ me, sima ãma rosa'rata za'ra, Zezusi hã pi'uriwi te te siwi âri da, da te dasiwi wĩrĩ da.

Marcu 14:3

Tawamhã Zezusi hã Betãnha ãma, te a'â tihâiba, Simahã nhorõwa ãma, i'wa're ré, aré ta hã. Tame sai ma, sãmra ré, ma tô we pi'õ hã ãzé, 'ri para u. Wedewa'u zadaze ẽtẽ 'manharĩ 'remhã, ma siré hã ãwisi. Wedewa'u zadaze hã, nadu na isisi hã, iwa'âbâ za'ẽne. Tawamhã isé hã ma tô sô pru. Taha pari, ma Zezusihi 'rã nhisiwi sa'wa.

Luca 20:6

Ma tô da te 're saze za'ra Zuwã hã, 'Re ihâimana u'âsi mono zadawa 'mahârâ'wa 're imorĩ na. Tawamhã dazadawa parap si, â dawabzuri te te dama 're i'ab'manharĩ mono na, wa te tãma nharĩ za'ra wamhã, ãté te za ẽtẽ na dasiwi wa'uprosi ni.

Luca 22:1

I'u'ẽtẽ duptoi'õ, da te 're ihuri mono zéb u hã, romhuture di oto, Pascowa na dato nhisi u hã.

Zuwã 12:19

Tawamhã da'ahâ na da te uzusi za'ra da, itẽme dasi'aba'réi wamhã, ãne te sima rowasu'u za'ra, farizeu norĩ hã: — Marĩ hã wa te 'manharĩ waihu'u za'ra õ di. Ma'ãpé 'madâ'â za'ra wa'aba. Õhõta te nemo isiré dasi'ré. Taré, wa nasi ãma wasima roti u'âsi za'ra ni.

Zuwã 7:40

Tawamhã Zezusihi mreme, da te wapari za'ra wamhã, te dasima ãma nharĩ za'ra ni, ãne: — Tô sena õ hã 'Re ihâimana u'âsi mono zadawa 'mahârâ'wa zô, 're idanhimipari za'ra mono.