Marcu 14:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã Zezusi hã ma tô tisiré 're inomro mono norĩ hã 'mazatõrĩ zahuré. Ãne ma tô tãma rob'ru zahuré: — 'Ri ahâ u, ane wa'aba. Tame te za aibâ hã isõpẽtẽ 'wa, piza'a te te i'âri hã, â ré. Tawamhã isarina te za ane wa'wa, 'ri tẽme.

Marcu 14:13 ပူးပေါင်းရင်းမြစ်များ

Mateu 8:9

Wa hã da'wapéi'wa norĩ wada'uri'wa zapari romhuri'wa. Ĩzapari te duré 're hâimana za'ra, da'wapéi'wa norĩ hã. Nimomo te 'mazatõrĩ wamhã, te za 'maimo. Duré sô ĩ'maihârâ wamhã, te za we ĩtẽme hã 'maimo. Duré ĩma romhuri'wai ma, marĩ hã te 'rui wamhã, te za 'manha awa'awi, ĩzadawa para.

Marcu 14:12

Tawamhã bâdâ ma tô oto iwa waptãrã, i'u'ẽtẽ duptoi'õ, da te ihurizéb da hã. Ã bâtâ na, imorĩ'rata na zudeu norĩ hã te za pone'ẽrebâ 'ra hã te te sima 're simro, tisa te te ãma ihurizéb da hã, Pascowa na dato nhisi na hã. Tawamhã Zezusihi siré 're inomro mono norĩ hã, te ãne siwi sadanha: — E momo ma tô asima iwẽ, asô iwa'manhipizéb da hã, Pascowa na dato nhisi na iwasaihurizéb da hã.

Marcu 14:14

Aibâ hã nimomo sébré wamhã, te za 'ri tede'wa hã isadanharĩ 'wa: “Rowahutu'wa hã te tinha: E ma niwĩ 'ri 're wa'wa hã, ĩsiré 're inomro mono norĩ me, iwa iwasaihurizéb da hã, Pascowa na dato nhisi na hã.”

Zuwã 15:14

Ĩnhimiroti si 're 'madâ'â pese uptabi za'ra wa'aba mono wamhã, ĩzawi pese 'wa, te za 're anomro aba mo.

Zuwã 2:5

Tahawa, te ina hã romhuri'wa norĩ ma tinha, ãne: — Tiha te te aima waihu'u za'ra wa'aba wamhã, ma'ãpé imreme hã 'manharĩ za'ra wa'aba za.

Hebreu 4:13

Marĩ hã 'Re ihâimana u'âsi mono wi isima'uri pese na hã 'maihâimana õ di, te te 're i'ab'madâ'â mono õ na hã. Ai'uréiwi te uburé marĩ hã tãma 're hâimana, sõ'awi. Taha ma si, wa za nimahã na hã wahâimanazém na tãma wasiwasu'u za'ra ni, wahâiba mono bâ. Tahawa, wahi'rata norĩ ne, 're wahâimana za'ra mono õ di za, wa norĩ hã.

Hebreu 5:9

Tawamhã Zezusi hã ti'ab ré, te te 're robzépata mono nherẽ, Imama te te tãma iwẽzéb zarina si te te 're ab'manharĩ mono wa, ma tô sina uwaimra, uburé isimiroti te te 're i'madâ'â pese za'ra mono norĩ hã te te 're sõ'reptu za'ra mono da, hâiwa ãma dâ'â ãna 're hâimana u'âsi za'ra mono da.