Marcu 13:31 - ꞌRe Ihâimana Uꞌâsi Mono Zadawa Wasuꞌu

³¹ Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimiroti hã si'utõrĩ waihu'u õ di za. Pire na te za dama 're hâimana u'âsi.

Marcu 13:31 ပူးပေါင်းရင်းမြစ်များ

Salmu 19:7

Uburé Danhib'apito nhimiroti hã wẽ uptabi na te 're hâimana. Te duré wanhiptetezé ité hã te te wama 're anhomri. Tô ibâre isimiroti hã umnhasi na dama 're ihâimana mono zéb zarina, te rowaihu'u prãi'wa norĩ ma, rowaihu iwẽ hã te te tãma 're anhomri.

Mateu 24:35

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimirowasu'u hã si'utõrĩ waihu'u õ di za. Pire na te za dama 're hâimana u'âsi.

Mateu 5:18

Tô sena, wa za ãne aima waihu'u siromo za'ra wa'wa. Hâiwa norĩ hã ti'ai me 're sa'wari zahuré mono ré hã, duréihã 'Re ihâimana u'âsi mono nhimiroti 'rata na rob'ui'éré hã pire na te za tô dama 're hâimana u'âsi. Nima hã dawi 'masi'utõrĩ waihu'u õ di za, iwaptẽrẽ mono bâ hã i'ui'éré misi hã, duré i'ui'éré 'rãzazazé hã. Za niha dama 're iromhâimana mono zéb da hã, ibaihâ na duréihã isadawa wasu'u'wa norĩ te te ãma irob'ui'éré siromo za'ra zéb zarina, rob'rãsutuzéb u za niha dama 're romhâimana uptabi za'ra mono õ ré, si'utõrĩ za'ra õ di za, isimiroti na rob'ui'éré 'rata norĩ hã.

Marcu 13:30

Tô sena wa ãne hã aima waihu'u siromo za'ra wa'wa. Ã hã uburé rowasédé hã dazô 're wairébé mono ré, ti'ai ãma 're idasi'ubumroi mono norĩ hã 're dâ'â za'ra mono õ ré, te za isõ'a za'ra ti'rãsutu, rowasédé hã.

Marcu 13:32

Tawamhã ãne ma duré tinhimiroti 'rãsudu hã tãma waihu'u siromo za'ra, Zezusi hã: — Ãne hã uburé za daré 're iromhâimana mono zéb da hã, ni'wa hã bâdâ te te waihu'u õ di. Hâiwa ãma romhuri'wa norĩ zama hã te te duré waihu'u za'ra õ di. Wa hã 'Re ihâimana u'âsi mono 'ra nherẽ, te duré bâdâ hã waihu'u õ di. Ĩmama ma si, waihu'u pese di, bâdâ hã.

Luca 21:33

Nimahã na te za hâiwa norĩ hã ai'utõrĩ zahuré, ti'ai me. Si'utõrĩ zahuré nherẽ, ĩnhimiroti hã si'utõrĩ õ di za. Pire na te za dama 're hâimana u'âsi.

2 Timotiu 2:13

Wa norĩ hã Cristu hã wa te 're saze za'ra mono nherẽ, tiwi 're wasipizari za'ra mono nherẽ, te tô wama umnhasi u'âsi na 're hâimana, marĩ na te te taré dama ãma 're aropisutu mono õ wa.”

Titu 1:2

'Re ihâimana u'âsi mono hã sadawa nhipese õ di. Marĩ te te apoto mono õ ré, ma tô tizazei'wa norĩ ãma sima roti siro, rowẽ isi'utõrĩ'õ ãma i'rata 're hâimana u'âsi za'ra mono da. Taha zô si, wa wasina 're wanhimipari u'âsi za'ra.

Apocalipsi 20:11

Tawamhã wa tô duré 'madâ, danhib'apito simasisizé irã hã, isa'ẽtẽ uptabi hã. Ãma isãmra hã wa tô duré 'madâ. Tawamhã uburé pese hã, ma tô ti'a hã ai'utõ, duré hâiwa zama. Taha wamhã, marĩ õ uptabi di oto. Tahawa, da te 're 'madâ'â zahuré mono õ di oto, ti'a norĩ hã hâiwa me. Tâibâ ma tô ai'utõrĩ pese zahuré.