Marcu 12:37 - ꞌRe Ihâimana Uꞌâsi Mono Zadawa Wasuꞌu

³⁷ — Danho'reptui'wa da hã tinhib'apito na ma tô sisi, Dawi hã. Isib'apito 're morĩ nherẽ, e niha te za isa'u si poto nherẽ, Danho'reptui'wa da hã isihudu na 're hâimana. Tawamhã Zezusihi nhimiroti hã wẽ wa, ma da'ahâ na wapari ze za'ra ni.

Marcu 12:37 ပူးပေါင်းရင်းမြစ်များ

Mateu 11:25

Tawamhã Zezusi hã te duré ãne Timama ma hã mre: — Ĩmama, a hã Danhib'apito uptabi, hâiwa ãma hã, duré ti'ai ãma zama. A hã ma tô rowaihu'u pese 'wa norĩ wi roti iwẽ hã 're i'anhito mo, te te 're waihu'u za'ra mono tõ da hã. Rowaihu'u prãi 'wa na 're ihâimana za'ra mono norĩ ma si, ma tô marĩ iwẽ hã 're i'awaihu'u mo. Tahawa, wa ai'ãma ĩwata, asõpru wa.

Mateu 11:5

Itob'a norĩ hã to pese za'ra wa, ma tô apâ te te 're rob'madâ'â za'ra. Imorĩ'õ norĩ hã te duré oto para na 're nomro. Duré i'wa're ré norĩ hã ma tô 're pese za'ra. Tahawa te oto duré hâiba wẽ na hã 're nomro. Duré ipo'reptõ norĩ hã te oto po're 'repu'u wa 're simipari za'ra. Duré 're idâ'â za'ra mono norĩ hã ma tô duré apâ 're hâiwa'utu za'ra. Ĩwasu'uwẽ hã ma tô duré isibrob'õ norĩ hã te te 're wapari za'ra. Ãne na te za tãma irowasu'u za'ra wa'wa, Zuwãhã ma.

Mateu 21:45

Tawamhã sasedoti ipire norĩ hã, duré farizeu norĩ hã, Zezusi te te ãma iromnhimiré'ézé hã te te wapari za'ra wamhã, ma tô sina waihu'u za'ra, tô õ norĩ udâna te te ãma iromnhimiré'é mono na hã.

Mateu 21:46

Tahawa, ma tô aré sima hâiba 'ru za'ra, te te dama 'ru za'ra da, dazazéb 're da te dasiwi sẽrẽ da, Zezusi hã. Tane nherẽ, ma tô dama tipahi za'ra aibâ norĩ hã, Zezusi hã 'Re ihâimana u'âsi mono zadawa 'mahârâ'wa, oto 're imorĩ na da te 're saze za'ra mono wa, da'ahâ na.

Luca 19:48

Tane nherẽ, Zezusi te te siwi wĩrĩ da nherẽ, te te siwi wĩrĩ õ di. E marĩ wa. Te te 're iwapari za'ra mono norĩ hã ahâ wa, te te siwi wĩrĩ waihu'u õ di.

Luca 21:38

Awẽ wi, te nasi itẽme dasito, 'Re ihâimana u'âsi mono nhorõwa u, imreme hã da te nasi wapari za'ra da hã.

Zuwã 12:9

Tawamhã da'ahâ na ma tô waihu'u za'ra ni, Zezusi Betãnha ãma isãmra na hã. Tahawa, da'ahâ na ma tô we itẽme ai'aba'ré ni, da te sabu za'ra da. Zezusihi u si, we dasi'aba'réi õ di. Lazaruhu u zama te we ai'aba'ré ni, ab're hawi te te ihâiwa'utu u zama, da te sabu za'ra da.

Roma 9:5

Wahi'rata norĩ nhihudu uptabi, te ta norĩ hã 're hâimana za'ra, dama ipire uptabi za'ra norĩ nhihudu. Cristu hã zudeu hâiba na, ma tô podo, ti'ai ãma. Cristu hã ta hã, 'Re ihâimana u'âsi mono, uburé marĩ hã te te 're i'ab'madâ'â mono. Taha ãma uburé 're wawata u'âsi za'ra wa'aba mono. Tô sena, wa ãne na aima ãma rowasu'u za'ra wa'wa.

1 Timotiu 3:16

Tô sena Zezu Cristuhu wasu'uwẽ hã wẽ uptabi di, aré dama sa'rese õ nherẽ, Wamama hã te te oto dama ihâi'ré hã wa te 're isaze za'ra mono zé hã, ãma 're iwanomro wẽ mono zéb da hã. Ãne te te dama iwaihu'uzé hã: “A'uwẽ na ma podo, ti'ai ãma. Duré tô sena i'ra 're imorĩ wẽ uptabi na, ma tô Tipẽ'ẽzani na dama waihu'u za'ra. Duré hâiwa ãma 'Re ihâimana u'âsi mono ma romhuri'wa norĩ hã ma tô titõmo na 'madâ'â za'ra. Duré a'uwẽ mono bâ 're idahâimana za'ra mono norĩ hã ma tô iwasu'uwẽ na da te 're dapo're pu'u za'ra, daro mono bâ. Ma tô duré da te dasina 're umnhasi za'ra. Duré rowẽ uptabi u ma tô mo, hâiwa u.”

Tiagu 2:5

Ĩsisãnawã norĩ, ĩma i'asawi pese za'ra wa'aba norĩ, ma'ãpé ĩwapari pese za'ra wa'aba. Ti'ai ãma, simarĩ ãna 're ihâimana za'ra mono norĩ, ma tô 'Re ihâimana u'âsi mono hã pisutu za'ra, te te sina 're i'umnhasi za'ẽtẽ za'ra mono na si, 're hâimana za'ra mono da, duré da'ãma 're isib'a'uwẽ mono zéb 're rowẽ uptabi na i'rata 're hâimana u'âsi za'ra mono da, isawi'wa norĩ ma, te te tãma iropisutu za'ra zéb zarina.

Apocalipsi 22:16

Tawamhã Zezusihi mreme hã wa tô duré wapa. Ãne te ĩma tinha: — Wa hã Zezusi, wa tô hâiwa ãma ĩma romhuri'wa hã we atẽme satõ, ã hã te i'awaihu'u mono hã te te aima awaihu'u mono da, 'ri nho'õmo mono bâ ĩzazei'wa norĩ, siré 're isi'rã'õtõ u'âsi mono norĩ ma, awaihu'u mono da, isipai u. Wa hã apito Dawihi nhihudu, za isine ĩpire na te 're ida'ab'madâ'â mono. Wa hã awẽ u, wasi wawẽ 're ro'o pese mono ré, da'ãma 're i'awẽ za'ra mono ne, wa za romhâimanazép té, te dama 're apisutu, Ĩmama nhib'a'uwẽ norĩ ma.