Marcu 12:35 - ꞌRe Ihâimana Uꞌâsi Mono Zadawa Wasuꞌu

³⁵ Tawamhã bâtâ na te Zezusi hã dama rowahutu, 'Re ihâimana u'âsi mono nhorõwa 'ri 'wawi, wa'ra 're. Tawamhã te te dama rowahutu ré, te da'mahâ: — E niha rowahutu'wa norĩ hã te te dama 're rowasu'u za'ra, Dawihi nhihudu 're imorĩ na hã, 'Re ihâimana u'âsi mono te te ipisutu na hã Danho'reptui'wa da.

Marcu 12:35 ပူးပေါင်းရင်းမြစ်များ

Mateu 26:55

Tawamhã Zezusi hã te oto dama rowasu'u, ãne: — E wa hã danhibrob zô dapãrĩ'wa pâ, ma te bété we ĩzô aihutu 'wa, sib'ézé 'wapa ré, duré uibroi ré zama. Bâtâ sidâpâsi wa tô asõ'a za'ra wa'aba 're ĩsimasisi, 'Re ihâimana u'âsi mono nhorõwa ãma 'ri 'wawi wa'ra 're, te dama 're rowahutu mono da. Oro zapre bété, tameb ré asiwi ĩ'âri aba õ di.

Mateu 9:27

Tawamhã 'ri para hawi watobro wamhã, morĩ ré, ma tô aibâ norĩ hã isarina tineb zahuré, itob'a zahuré hã. Tawamhã te 'mahârâ zahuré, ãne: — Dawihi nhihudu, ma'ãpé wa'ãma aipẽ'ẽzé na.

Marcu 10:1

Tawamhã Zezusi hã Cafanau hawi te oto mo, Zudéa na danhipti'a nho'õmo nhisi u, morĩ da. Tawamhã Zodã pa zara u, ma tô saprĩ. Te te saprĩ wamhã, da'ahâ uptabi na ma tô duré itẽme dasito. Tahawa, te duré dama rowahutu, te te dama 're irowahutu u'âsi mono zém na, Zezusi hã.

Marcu 11:27

Tawamhã ma tô apâ aihutu Zeruzalẽ u, Zezusi norĩ hã. 'Re ihâimana u'âsi mono nhorõwa ãma, 'ri 'wawi wa'ra 're, te 're mo, Zezusi hã. Tame 're morĩ ré, ma tô aibâ norĩ hã itẽme aihutu, sasedoti ipire norĩ hã, duré dama rowahutu'wa norĩ hã, duré zudeu norĩ ma roti'wa norĩ hã.

Marcu 14:49

Bâtâ sidâpâsi wa tô asõ'a za'ra wa'aba te 're da'apawapto, ĩnhimirowasu'u na, 'Re ihâimana u'âsi mono nhorõwa 'ri 'wawi, wa'ra 're. Zapre tameb ré, asiwi ĩ'âri aba õ di bété. Tane nherẽ, te za tô asiwi ĩ'âri 'wa, ĩ'ãma rob'ui'érézé hã te ĩsina uwaimrami hâ.

Luca 19:47

Tawamhã bâtâ sidâpâsi, te nasi dama rowasu'u Zezusi hã, 'ri 'wawi wa'ra 're. Ni'wam norĩ hã ma tô Zezusi hã sima 'ru za'ra, te te siwi wĩrĩ da. Ta norĩ hã 'Re ihâimana u'âsi mono ma, da'ãma romhuri'wa ipire norĩ hã, duré isimiroti na rob'ui'éré 'rata na dama rowahutu'wa norĩ hã, duré roti'wa norĩ hã.

Luca 20:1

Nimahã bâtâ na te Zezusi hã nhamra, 'Re ihâimana u'âsi mono nhorõwa 'ri ãma. 'Ri 'wawi wa'ra 're, te nhamra, te te dama rowahutu da, duré iwasu'uwẽ na te te da'apo're pu'u da. Tawamhã aibâ norĩ hã ma itẽme aimasa. Ta norĩ hã sasedoti ipire norĩ hã, duré 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ, duré zudeu norĩ ma roti'wa norĩ.

Luca 21:37

Tawamhã Zezusi hã bâtâ sidâpâsi, te nasi dama rowasu'u, 'ri 'wawi wa'ra 're, 'Re ihâimana u'âsi mono nhorõwa 'ri ãma. Bara na hã te nasi ne, Oriwera na ẽtẽ 'rãihâ nhisi u. Tame ma tô nasi ãma ti'awẽ.

Zuwã 18:20

Tawamhã Zezusi asa te tãma tinha, ãne: — Sõ'awi wa tô te dama 're rowahutu u'âsi, rowahutuzé mono bâ. Ãme dasi'rã'õtõzéb ãma zama, wa tô nasi dama rowahutu, 'Re ihâimana u'âsi mono nhorõwa 'ri ãma hã. Pi'uriwi te dama 're rowahutu mono õ di. E marĩ da, te ĩzadanha. Ĩwapari'wa norĩ hã te za isadanharĩ za'ra wa'wa, te te aima ĩzadawa wasu'u za'ra da. Ta norĩ ma, waihu'u pese za'ra di, ĩnhimirowasu'u hã.

Zuwã 7:42

Danho'reptui'wa da hã apito Dawihi nhihudu te za, u, 're mo. Belẽ ãma te za, u, podo, tihi'rata za'ru ãma, Dawihi za'ru ãma. Ãne duréihã ma tô ãma rob'ui'éré siro, 'Re ihâimana u'âsi mono zadawa 'mahârâ'wa hã.