Marcu 12:2 - ꞌRe Ihâimana Uꞌâsi Mono Zadawa Wasuꞌu

² Tawamhã oto 'rãi prédu mono wa, ma tô buru tede'wa tãma iromhuri'wa hã 'mazatõ tiburu u, uwa 'ru 'rã hã buru 'madâ'â'wa norĩ te te tãma ipo'o za'ra zô.

Marcu 12:2 ပူးပေါင်းရင်းမြစ်များ

Esdra 9:11

asadawa 'mahârâ'wa norĩ nho'õmoi baba wama isõmri za'ra hã. Ta norĩ hã ma tô te te 're wapo're pu'u siromo za'ra, ãma wanhipti'a za'ra da, ti'ai u za iwanhisisi hã iwẽ'õ 're isa'wari mono na hã. E marĩ wa. Taha 're, a'uwẽ norĩ ti'a zada'ré si'uiwa na tinhimi'manharĩ wasété uptabi na ro hã te te siwi 're sito mono wa.

Salmu 1:3

Ta hã a'uwẽ hã pazaihâ na rowede, da te i're, 're i'rãi mono zéb uwaibaba si, 're i'rãi pese mono ne, duré 're isui mre mono õ ne, te ta hã 're hâimana. Ta hã uburé marĩ te te 're i'a'manharĩ mono hã te wẽ na si 're wairébé.

Mateu 21:34

Tawamhã oto 'rãi prédu mono wa, ma tô buru tede'wa hã tãma iromhuri'wa norĩ hã satõrĩ za'ra tiburu u, uwa 'ru 'rã hã buru 'madâ'â'wa norĩ te te tãma ãma i'amo za'ra zô.

Marcu 12:1

Tawamhã tinhimirowasu'u na ma tô duré tãma ãma sãna'rata za'ra, ãne: — Aibâ hã te 're sãmra, buru tede'wa hã. Tawamhã tiburu ãma ma tô a're, uwa 'ru hã. Te te a're pari, ma tô buru 'wawi wa'ra. Ma tô duré ẽtẽ nhisiwi sada ab're, uwa 'rãi watizéb da hã, iwa'u zô. Taha pari, 'ri 'rãihâ hã ma duré buru wa'wa 'manha, isipsaihuri norĩ zô, dasipapara rob'madâ'âzéb da hã. Tawamhã ma tô ni'wam norĩ hã sisõ'a ré pisutu za'ra, iburu hã te te sô 're 'madâ'â za'ra mono da. Uwa 'ru 'rã hã 're 'rãi prédub za'ra mono wapsi, te za te te tãma 're po'o za'ra, buru tede'wai ma hã. Taha pari, te oto mo, buru tede'wa hã darob amoi u, tame a'â sãmra da.

Marcu 12:3

Tane nherẽ, itẽme wisi za'ra wi, ma tô siwi ti'â, te te siwi azâri da. Tawamhã ubana ma tô siwi satõ apâ.

Luca 12:48

Ãté, ni'wai ma, waihu'u pese õ di za, isib'apito nhimiroti hã. Tawamhã marĩ te za upa. Tahawa, te za iwapu na si suru na azâri ni, tãma waihu'u pese õ wa, isib'apito nhimiroti hã. Ãté te za ni'wai ma waihu'u pese, tinhimiroti hã, 'Re ihâimana u'âsi mono hã. Te te tãma waihu'u pese wamhã, te za sô 're simipari, danhipai u te te tãma ãma 're uwaimrami mono da, isimiroti hã.

Luca 20:10

Tawamhã oto 'rãi prédu mono wa, ma tô buru tede'wa hã tãma iromhuri'wa hã 'mazatõ tiburu u, uwa 'ru 'rã hã buru 'madâ'â'wa norĩ te te tãma ipo'o za'ra zô. Tazahã, buru u wisi wamhã, ma tô romhuri'wa hã siwi azâ, buru 'madâ'â'wa norĩ hã. Tahawa, te ubana siwi satõ apâ, isib'apito u.

Hebreu 1:1

Duréihã 'Re ihâimana u'âsi mono hã ma tô tizadawa 'mahârâ'wa norĩ ma te te 're rowasu'u, ta norĩ hã wahi'rata norĩ ma, te te oto ãma 're rowasu'u za'ra mono da, isadawa nhipai u. Ta norĩ ma, ma tô marĩ na misi si te te tãma 're rowasu'u za'ra, ãma ipu'u na hã, 'Re ihâimana u'âsi mono te te tãma 're iwaihu'u za'ra mono zép sidâpâsi.