Marcu 12:18 - ꞌRe Ihâimana Uꞌâsi Mono Zadawa Wasuꞌu

^18-19 Taha pari, ni'wam norĩ hã ma itẽme aihutu, Zezusihi u, saduseu norĩ hã. Ta norĩ hã 're dadâ'â za'ra mono wamhã, ab're hawi apâ 're idahâiwa'utu za'ra mono õ na te te dama 're iroti za'ra mono. Ta norĩ hã te tãma rowasu'u za'ra, Zezusihi ma, ãne: — Rowahutu'wa, wahi'rada Mozési hã ma tô ãne dama roti: “Aibâ imro ré hã 'ra õ ré, dâ'â wamhã, tizédé'aba mro na te za timro ino hã, ai'uté hã te te 'maipoto da, iwamhã isédé'aba 'ra ne, 're morĩ da.” Ãne wahi'rata nhimiroti na rob'ui'éré hã.

Marcu 12:18 ပူးပေါင်းရင်းမြစ်များ

2 Timotiu 2:18

Ta norĩ hã senai'õ na rowasu'u na te te dama 're rowasu'u zahuré, ãne: “Tâibâ, bâdâ ma tô iwa waptã'ã pa, 'Re ihâimana u'âsi mono ab're hawi te te ida'ahâiwa'utuzéb da hã. Niwab da hã te te ãma sahu õ di za, te te ida'ahâiwa'utuzém na hã.” Ãne te ta norĩ nhimirowasu'u hã 're hâimana. Taha zarina ma tô dawi uprosi zahuré, Wanhib'apito wasu'uwẽ na da te 're isaze za'ra mono zé hã.