Marcu 12:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã 'Re ihâimana u'âsi mono ma, da'ãma romhuri'wa norĩ hã ma tô farizeu norĩ hã 'mazatõrĩ za'ra, Zezusihi u si'aba'ré da. Erodihi niwĩ 're ihâimana za'ra mono norĩ zama, ma tô itẽme 'mazatõrĩ za'ra, tinhimiroti na te te upai wa, te te siwi wẽ'õ za'ra da.

Marcu 12:13 ပူးပေါင်းရင်းမြစ်များ

Salmu 140:5

Aibâ 'râwi 're isi'madâ'â ze za'ra mono norĩ, ma tô abaze mramizém na ne ĩzada siwi ãma rob'manha. Duré wasété uptabi na si 're ihâimana za'ra mono norĩ, ma tô ĩnhibâdâdi wa abazipara na ãma siwi ro'razâ, taha na te te ãma siwi ĩ'âri da.

Mateu 16:6

Tawamhã Zezusi hã ma tô tãma nharĩ za'ra, tisiré 're inomro mono norĩ ma, ãne: — Ma'ãpé 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, duré saduseu norĩ nhimi'manharĩzém nhiti.

Marcu 12:14

Tawamhã itẽme sihutu wamhã, te siwi sadanha, ãne: — Rowahutu'wa, tô sena na wa tô aimreme na aiwaihu'u za'ra ni. Danhimirosa'rata na nare a hã 're aihâimana mono õ di. Duré dapire na 're dahâimana za'ra mono nherẽ, aima hã aiwapsi dahâimanazé hã. 'Re ihâimana u'âsi mono nhimiroti zarina si, te uburé marĩ hã dama 're i'awaihu'u mo, sena na. Tahawa, te za asimirosa'rada hã wama iwaihu'u za'ra, wa te aiwapari za'ra da. E Roma ãma danhib'apito uptabi ma, wa za rob'uiprazé hã wa te 're arĩ za'ra, isimiwada'uri zarina. E 'Re ihâimana u'âsi mono ma, wẽ di. E tãma wẽ õ di.

Marcu 3:6

Te te pese pari, ma awa'awi wairé, farizeu norĩ hã. Tawamhã Erodihi niwĩ 're ihâimana za'ra mono norĩ me, ma tô sima ãma roti za'ra, Zezusi te te sima hâiba za'ré za'ra da hã.

Marcu 8:15

Tawamhã Zezusi ma ãne tãma waihu'u za'ra: — Ma'ãpé, 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, apito Erodihi me.