Ãté a norĩ wa'wa hã te za 're anomro aba mo, 'Re ihâimana u'âsi mono nhorõwa u, marĩ hã tãma asõprubzéb da hã, wedeza ne nhisiwi 're sa'ra za'ra wa'aba mono da, tãma danhoprubzé nomrizé nhisiwi. Tawapsi ãté te za asina 're aipo're pu'u za'ra wa'aba mo, marĩ hã asiré ma, 're 'manharĩ wasété za'ra wa'aba mono wa, asisada 're aihâimana za'ra wa'aba mono zém na hã.
Marcu 11:25 - ꞌRe Ihâimana Uꞌâsi Mono Zadawa Wasuꞌu25-26 'Re ihâimana u'âsi mono ma, 're aimreme zusi aba mono da wamhã, te za a'â aiwi 're da'ru simani za'ra wa'wa. Dawasédé hã da'ãma 're 'madâ'â za'ra wa'aba mono õ di za oto. Tawamhã Aimama 'wa hã hâiwa ãma 're isãmra mono hã te te duré ai'ãma 're 'madâ'â za'ra wa'aba mono õ di za oto, aiwasété 'wa hã. အခန်းကိုကြည့်ပါ။ |
Marcu 11:25
13 ပူးပေါင်းရင်းမြစ်များ
— Duré ni'wam norĩ hã te te sima 're iwẽ za'ra mono zéb zarina, te danho'a 're mreme zusi, 'Re ihâimana u'âsi mono ma. Hâiwi 're simasa mono sina, te 'Re ihâimana u'âsi mono ãma 're idawata za'ra mono zéb ãma, 're mreme zusi, 're hâimana wẽ za'ra mono newa, da te 're 'madâ'â wẽ za'ra mono da. 'Ri nhi'riti wa, bâdâdi sitob ãma, te duré ãne 're mreme zusi, da'ahâ norĩ nho'a. Tawamhã da te 're 'madâ'â wẽ za'ra mono wa, ãma 're dawata za'ra mono wamhã, taha na si te za tô ãma 're hâimana za'ra. Nimahã na hã 'Re ihâimana u'âsi mono nhoprubzé hã tãma 're ihâimana za'ra mono da hã, mare uptabi di za, ta norĩ ma hã. Tô sena wa ãne na aima waihu'u siromo za'ra wa'wa.
Zasi wamhã, hâiwi te oto za, farizeu hã, rob'uiprazé arĩ ubumroi'wa nhiti. Ãne ma tô mre: “'Re ihâimana u'âsi mono, ãhã na, wa za ai'ãma ĩwata. E marĩ wa. Wa hã ĩsiré aibâ norĩ ne, ĩwasété na 're ĩmorĩ õ di. Danhibrob zô, te 're rob'ruiwapari mono õ di. Wa hã rob'uiprazém na, dawi 're ĩnhipsaihuri mono õ di. Duré pi'õ na zama, dawi 're ĩnhipsaihuri mono õ di. Tahawa, wa za duré ai'ãma ĩwata, õhõ ne, rob'uiprazé arĩ ubumroi'wa ne, 're ĩmorĩ õ wa.
— Dawasédé hã da'ãma 're isa'ra za'ra wa'aba mono zéb zarina, asiwi 're dawẽ'õ za'ra wa'aba mono õ di za. Tawamhã te te siwi 're aiwẽ'õ za'ra wa'aba mono õ di za, 'Re ihâimana u'âsi mono hã. Dawasédé hã da'ãma 're isa'ra za'ra wa'aba mono zéb zarina, dama 're nharĩ za'ra wa'aba mono õ di za. Tawamhã 'Re ihâimana u'âsi mono, te te aima 're anharĩ aba mono õ di za. Marĩ, da te aima 're i'manharĩ wasété za'ra wa'aba mono zé hã, asina 're 'madâ'â za'ra wa'aba mono õ di za. Tawamhã aiwasété 'wa hã te te 're ab'madâ'â mono õ di za, 'Re ihâimana u'âsi mono hã.
Marĩ iwẽ na te za dama 're asõprub za'ra wa'aba mo, da'ãma 're aipẽ'ẽzé za'ra wa'aba mono sina. 'Re ihâimana u'âsi mono hã Cristu dazada dâ'â wa, te te ai'ãma 're 'madâ'â za'ra wa'aba mono õ di oto, 're i'manharĩ wasété za'ra wa'aba mono zé hã. Tahawa, a norĩ wa'aba ma, iwasédé hã da te aima 're 'manharĩ za'ra wa'aba mono nherẽ, isine dawasédé hã duré oto da'ãma 're 'madâ'â za'ra wa'aba mono õ di za.
Ni'wam norĩ hã asiré nherẽ, marĩ na te te aiwi 're ro'wa'ré za'ra wa'aba mono nherẽ, ãma 're aiwa'a za'ra wa'aba mono õ di za, ta norĩ ãma hã. Duré marĩ na te te aiwi 're ro'wa'ré za'ra wa'aba mono nherẽ, ãma 're 'madâ'â u'âsi za'ra wa'aba mono õ di za. Wanhib'apito hã aiwasédé te te oto ai'ãma 're i'ab'madâ'â aba mono õ ne, ãma 're 'madâ'â za'ra wa'aba mono õ di za, ta norĩ ãma hã.
à norĩ hã azeitona wede ne, te duré 're hâimana zahuré, i'rãi wa'ui wabre hã iro'o pese ne, simi'ẽ na te te dama 're sadawa wasu'u zahuré mono wa. Rob'uiwẽzém ne, te duré 're hâimana zahuré, 'Re ihâimana u'âsi mono zadawa wasu'u na te te dama 're rob'uiwẽ zahuré mono wa. Uburé Danhib'apito nho'a te 're sima'wara zahuré.
ကြော်ငြာတွေ