Marcu 11:18 - ꞌRe Ihâimana Uꞌâsi Mono Zadawa Wasuꞌu

¹⁸ Tawamhã aibâ norĩ hã ma tô iwasu'u hã wapari za'ra, sasedoti ipire norĩ hã, rowahutu'wa norĩ zama. Ãne hã te te wapari za'ra wamhã, ma tô ta norĩ hã sima ãma rosa'rata za'ra, te te siwi wĩrĩ da. Tane nherẽ, Zezusihi nhimiroti na, da'ahâ na ãma 're dawata za'ra mono wa, te te sima danhimimnhasi za'ra wa, te te siwi wĩrĩ õ di a'â.

Marcu 11:18 ပူးပေါင်းရင်းမြစ်များ

Mateu 21:15

Tawamhã ai'uté norĩ hã ma tô nasi sima 'mahârâ za'ra, ãne: “Apito Dawihi nhihudu ãma, 're wawata za'ra wa'aba mono.” Ãne te nasi sima 'mahârâ za'ra, 'ri 'wawi wa'ra 're, sãmra ré. Tawamhã 'Re ihâimana u'âsi mono ma, da'ãma romhuri'wa norĩ ma, ipire norĩ hã tisiré ma, duré isimiroti na rob'ui'éré 'rata na dama rowahutu'wa norĩ hã, ai'uté norĩ te te nasi sima i'mahârâ za'ra zé hã te te wapari za'ra wamhã, duré tinhimiromhõsi na Zezusi te te 're ida'apawapto mono zé te te 'madâ'â za'ra wamhã, ma tô sada tizahi za'ra, Zezusihi zada.

Mateu 7:28

Tawamhã Zezusi hã ãne na te te dama rowasu'u parimhã, ma tô ãma tatob'uzu za'ra ni, te te dama irowahutuzém na hã.

Marcu 1:22

'Re ihâimana u'âsi mono nhimiroti 'rata na rob'ui'éré na dama rowahutu'wa norĩ nhimirowasu'u nei õ di, Zezusi te te dama 're irowahutu mono zé hã. Simirowahutu pire na te dama hã rowahutu. Simirowasu'u wẽ wa, ma tô duré ãma tatob'uzu za'ra ni.

Marcu 11:32

Tazahã dazadawa parap si, â dawabzuri te te dama 're i'ab'manharĩ mono na, wa te tãma waihu'u za'ra wamhã, te za wazada tazahi za'ra ni za. Ãne te 'râwi sima nharĩ za'ra, dapipa te, Zuwã Batista hã tô sena 'Re ihâimana u'âsi mono zadawa 'mahârâ'wa 're imorĩ na, da te 're saze za'ra mono wa.

Marcu 12:12

Buru na romhuri'wa norĩ wasu'u hã te te dama wasu'u wamhã, tisiré zudeu norĩ ma, pire na 're ihâimana za'ra mono norĩ, te wasu'u, Zezusi hã, 'Re ihâimana u'âsi mono ma, da'ãma romhuri'wa norĩ hã, duré dama rowahutu'wa norĩ hã, duré dama roti'wa norĩ hã. Ãne na ma tô sina waihu'u za'ra. Taha 'ru te, te aré siwi ti'â. Tane nherẽ, da'ahâ nhimimnhasi te, te õne haré ai'aba'ré, isiti.

Marcu 3:6

Te te pese pari, ma awa'awi wairé, farizeu norĩ hã. Tawamhã Erodihi niwĩ 're ihâimana za'ra mono norĩ me, ma tô sima ãma roti za'ra, Zezusi te te sima hâiba za'ré za'ra da hã.

Luca 19:47

Tawamhã bâtâ sidâpâsi, te nasi dama rowasu'u Zezusi hã, 'ri 'wawi wa'ra 're. Ni'wam norĩ hã ma tô Zezusi hã sima 'ru za'ra, te te siwi wĩrĩ da. Ta norĩ hã 'Re ihâimana u'âsi mono ma, da'ãma romhuri'wa ipire norĩ hã, duré isimiroti na rob'ui'éré 'rata na dama rowahutu'wa norĩ hã, duré roti'wa norĩ hã.

Luca 2:47

Zezusi hã roti te te waihu'u pese wa, ma tô ãma tatob'uzu za'ra ni, isimirowaihu'u na hã.

Luca 20:19

Buru 'madâ'â'wa norĩ wasu'u te te dama wasu'u wamhã, ma tô sina waihu'u za'ra, dama rowahutu'wa norĩ hã. Sasedoti norĩ hã sima ipire za'ra norĩ me, ma tô sina waihu'u za'ra. Taha 'ru te, te aré sima wẽ za'ra, te te siwi âri da, Zezusi hã, awa'awi. Tane nherẽ, dama pahi za'ra wa, ma tô siwi ãma rosazâ a'â.

Luca 4:22

Tawamhã isimirowasu'u hã wẽ wa, aihĩni te ãma tawata za'ra ni. Mreme wẽ uptabi wa, ma ãma tatob'uzu za'ra ni. Tazahã, te dasima nharĩ za'ra ni, ãne: — E niha õ hã simirowasu'u waihu'u pese di, Zuzéhé 'ra nherẽ.

Zuwã 7:1

Tawamhã Zezusi hã te datẽme 're mo, Galiléa na danhipti'ai ãma si. Zudéa ãma oto datẽme 're morĩ õ di. E marĩ wa. Te te siwi wĩrĩ da, te te sima ãma roti za'ra wa, dama ipire norĩ hã. Tahawa, te oto isiti si datẽmemhã 're timorĩ za'ra, Galiléa ãmap si.

Zuwã 7:19

Duréihã Mozési hã ma tô aima sõmri za'ra wa'wa, 'Re ihâimana u'âsi mono nhimiroti hã, aihi'rata norĩ wa'aba ma hã. Tane nherẽ, isimiroti hã 're 'madâ'â pese za'ra wa'aba mono õ di. E marĩ wa, te bété asima iwẽ za'ra wa'wa, asiwi ĩwĩrĩ aba da.

Zuwã 7:46

Tawamhã ma te asa ãma tãma wa'rãmi za'ra, ãne: — Ni'wa te te ãma wabzu õ di, isimiroti wẽ na hã. Tahawa, wa te wasiwi âri õ di, wa te wei wasiwi saprõni da, atẽme za'ra wa'aba hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:25

Iwẽ na si 're idanomro mono zém na ma tô tãma rowasu'u, marĩ hã iwasédé hã da te dasiwi iwẽ'õzém na zama. 'Re danomro wasété mono wa, rob'rãsutu u 'Re ihâimana u'âsi mono, za niha te te dama irob'manharĩ pipa zém na ma tô duré tãma rowasu'u. Ãne hã te te tãma awasu'u wa, ma tô apito Peresi hã tipahi. Tahawa, te tãma tinha, ãne Pauluhu ma: — Ãhã na te za aimo a'â. Niwa te ĩsima wẽ wapsi, wa za duré ãma asô hâ apâ, te aiwapari da.