Marcu 10:6 - ꞌRe Ihâimana Uꞌâsi Mono Zadawa Wasuꞌu

⁶ Ropoto na'rata hawimhã, ãnei õ di. Ropoto na'rata hawimhã, ma tô 'Re ihâimana u'âsi mono hã aibâ hã poto, a'uwẽ na. Pi'õ zama ma tô duré poto.

Marcu 10:6 ပူးပေါင်းရင်းမြစ်များ

Zenezi 1:1

Ropoto na'rata hawimhã, 'Re ihâimana u'âsi mono, hâiwa duré uburé marĩ iwa 're isimasa mono da hã, ma tô simisutu ti'ai me hã poto za'ra.

Zenezi 1:27

Ãne ma tô 'Re ihâimana u'âsi mono, a'uwẽ hã poto na'rata za'ra. Isine 're ihâimana za'ra mono da hã ma tô te te apoto, aibâ duré pi'õ.

Zenezi 5:2

Tawamhã aibâ na duré pi'õ na ma tô ab'manha. Duré iwẽ te te tãma 're apisutu mono wamhã, ma tô a'uwẽ na wamri za'ra.

Marcu 13:19

E marĩ wa. Rowasédé hã oto dazô 're wairébé mono wamhã, te za oto robzépata za'ẽtẽ za'ra ni. 'Re ihâimana u'âsi mono te te i'aropoto na'rata mono zém hawimhã, ãne na da te irobzépata za'ẽtẽ uptabi za'ra õ. Niwamhã ãne na hã da te 're robzépata zahu za'ra mono õ di za.

Roma 1:20

Duréihã isãna'rata hawimhã, 'Re ihâimana u'âsi mono, ma tô te te ro'apoto, tiwaihu'u pese na. Tiwaihu'u pese na te te ro'apoto mono wa, ta hawim haré te isimiwaihu'u pese zém na, duré tô sena 're ihâimana mono na, da te ãma 're waihu'u pese za'ra, ihâiba hã da te 're 'madâ'â waihu'u za'ra mono õ nherẽ. E marĩ zarina tawamhã, 'Re ihâimana u'âsi mono, 're ihâimana mono na te za tô sena na da te ãma 're waihu'u pese za'ra. 'Re ihâimana u'âsi mono hã uburé marĩ hã te te i'apoto mono hã da te 're i'madâ'â za'ra mono zéb zarina, te oto da te ãma 're waihu'u za'ra, iwaihu'u pese na, duré tô sena õne u'âsi 're ihâimana mono na. Tahawa, tô sena 're hâimana mono nherẽ, da te dasiwi 're udâ waihu'u za'ra mono õ di za, 'Re ihâimana u'âsi mono hã.

Zuize 21:22

Tawamhã ãne zarina imama norĩ, duré isisãnawã norĩ wama siwapsari za'ra da, we si'aba'réi wamhã, wa za ãne tãma nharĩ za'ra ni za: “Ma'ãpé wazawi za'ra na hã ãma wama rowairébé za'ra wa'aba, si'ubumro da. E marĩ wa. Zabe-Ziliadi wa te 'wapé za'ra wamhã, uburé Bẽzamihĩ nhihudu norĩ ma da hã, pi'õ norĩ ibâ na wa te wasiwi waibui õ di. Duré a norĩ wa'wa hã ropisudu ihâimanazém na hã ãma upa za'ra wa'aba dai õ di. E marĩ wa. A norĩ wa'wa hã õ norĩ ma, ai'ra tãma sõmri za'ra wa'aba õ wa. Õ norĩ hã aima sa'rese za'ra wa'aba õ di. Pi'uriwi ma tô dasiwi waibu za'ra ni.”