Marcu 10:46 - ꞌRe Ihâimana Uꞌâsi Mono Zadawa Wasuꞌu

⁴⁶ Tawamhã Zezusi norĩ hã ma tô oto aihutu, Zerico na 'ri nho'õmo nhisi u. Zerico hawi duré si'aba'réi wamhã, da'ahâ uptabi na te isiré ai'aba'ré ni. Si'aba'réi ré, ma tô aibâ hã sõpẽtẽ za'ra itob'a hã, bâdâdi zababa isãmra hã. Itob'a hã Batimeu na isisi hã, Timezuhu 'ra. Rob'uiprazém na te nasi da'awa, da te tãma a za'ra da.

Marcu 10:46 ပူးပေါင်းရင်းမြစ်များ

Mateu 13:4

Tawamhã amnho hã te te anhamra mono wamhã, nima norĩ hã bâdâdi zababa ma tô rere'e. Tawamhã ta norĩ, sire hã ma tô uburé te te uprosi, poto mono õ ré.

Luca 16:20

Tawamhã aibâ ihâiba amo hã te 're sãmra, isibrob'õ hã, i'wa're ré hã, Lazaru na isisi hã. Isiwadi norĩ hã te te siwi 're mrami, isibro pese nhorõwa u, te te siwi 're simizusi mono da, 'ridawa u.

Luca 16:22

Tawamhã ma tô oto dârâ, isibrob'õ hã. Dâ'â wamhã, hâiwa u ma tô siwi ti'â, 'Re ihâimana u'âsi mono ma, romhuri'wa norĩ hã. Abra'ãhã 'rata, te oto 're sãmra, dame 're sai mono da. Isibro pe hã ma tô duré dârâ. Dâ'â wamhã, ma tô dasiwi sẽrẽ ni, ab're 're.

Luca 18:35

Tawamhã Zezusi norĩ hã ma tô rob'umhutu za'ra oto, Zerico na 'ri nho'õmo nhisi u. Tame te aibâ hã itob'a hã nhamra, bâdâdi zababa te te 're ida'awari mono hã.

Luca 19:1

Tawamhã Zezusi hã Zerico u, ma tô wi. Wisi wamhã, 'ri nho'õmo wa'wai baba, ma ro'razâ.

Zuwã 9:8

Tawamhã da te 'madâ'â za'ra wamhã, te ãne dasima wasu'u za'ra ni, aibâ hã: — E õ hã rob'uiprazém na te te 're da'awari mono da, 're isãmra mono. — Ãne te dasima wasu'u za'ra ni, isõrõwa 'rata 're idahâimana za'ra mono norĩ hã. Tob'a ré, te te siwi 're i'madâ'â za'ra mono norĩ me, te ãne sima wasu'u za'ra.