— Daniéu, asib'a'uwẽ ma, duré ate 'ri nho'u iwazéb zahi ma, 'Re ihâimana u'âsi mono nhimihâzé ai'ãma za'ra wa'aba ihâimanazéb ãma hã te za ãma tiwahu, 70 x 7 na ãma iwahum na, õhõ wi 're i'aiwasété za'ra wa'aba mono zé hã isi'utõrĩzéb u. Tahawa, te za isib'a'uwẽ norĩ, 'Re ihâimana u'âsi mono, iwasédé te te oto ãma 're i'ab'madâ'â mono õ zé hã te te sina 're uwaimrami za'ra. Te za duré 'Re ihâimana u'âsi mono, i'uwaibaba na te te dama 're i'arowairébé mono zé isi'utõrĩ'õ hã dama pisutu. Duré uburé marĩ we i'a'madâ'â mono zém na, duré 'Re ihâimana u'âsi mono zadawa 'mahârâ'wa nhimirowasu'u na te za te te ãma a'uwaimrami. Te za duré isõrõwa 'ri 'rãihâ iwazéb zahi na apâ ãma da te dasima 're romhu'u za'ra.
Marcu 10:45 - ꞌRe Ihâimana Uꞌâsi Mono Zadawa Wasuꞌu45 Tane duré, ti'ai Dasiré Ipodo hã da te tãma 're romhuri za'ra mono da, we morĩ õ di, ti'ai u hã. Te te 're da'apawapto mono da si, te we datẽme mo, sihâiba zawi ãna dazada dâ'â da, da'upana te te da'awa'âbâ da. အခန်းကိုကြည့်ပါ။ |
Marcu 10:45
16 ပူးပေါင်းရင်းမြစ်များ
Tawamhã ã hã romhâimanazé oto isi'utõrĩ ãma, 'Re ihâimana u'âsi mono dama i'rã nho'õmo da, te te ipisudu hã te za dasiwi wĩrĩ ni, marĩ iwasédé te te 'manharĩ õ nherẽ. Taha pari te za danhib'ihâ'a hã tite dasi'wapéi 'manharĩ'wa norĩ siré 'ri nho'u hã duré 'Re ihâimana u'âsi mono nhorõwa 'ri 'rãihâ hã siwi te te prub za'ra. Tawamhã romhâimana 'rãsutuzé hã 're i'âpusi mono ne te za datẽme wi. Tahawa, te za dasi'wapé hã duré datẽme ãwisi, 'Re ihâimana u'âsi mono te te sima irowairébézéb zarina, marĩ te te i'uprosi da hã.
Wanhib'apito Zezu Cristuhu nhimizawi pese zé hã aima waihu'u pese za'ra wa'aba di oto. Ta hã Timama siré robze na 're hâimana u'âsi mono nherẽ, ma tô hâiwa ãma tihâimanazé hã we tirẽ a'â, ti'ai ãma si'a'uwẽ da, te te a'â dame 're robzépata mono da. Asada za'ra wa'aba, ma tô dawazari si'a'uwẽ, taha zarina, a norĩ wa'aba zama 'Re ihâimana u'âsi mono 'rata 're asimroi u'âsi aba mono da, hâiwa ãma hã. Tahawa, Wanhib'apito hã sisawi ãna 're ihâimana mono ne, te za asisawi ãna dama asõprub za'ra wa'wa, ate rob'uiprazé wa'aba na hã.
Wa norĩ hã wa te dame wasina tãma ãma 're uwaimrami za'ra mono õ di, 'Re ihâimana u'âsi mono nhimiroti mono hã. Tahawa, te aré duré te te siwi 're wa'awẽ'õ, 'Re ihâimana u'âsi mono hã. Tawapsi hã te aré duré wahâ za'ra, wawasété za'ra 'ru te. Tane nherẽ, te te 're wahâ za'ra mono tõ da, ma tô Cristu hã wẽ nherẽ, wazada sisõ, wa'upana 'Re ihâimana u'âsi mono te te azâri da. Taha na ma tô wa'awa'â, Cristu hã. Duréihã ma tô ãne na ãma rob'ui'éré ni: “Ni'wa hã wasété uptabi wa, te za dasiwi wĩrĩ ni. Taha pari, wede na te za dasiwi sasõmri ni, da te ãma waihu'u za'ra da, wasété uptabi wa, 'Re ihâimana u'âsi mono ma iwẽ õ na.” Tawamhã ãma irob'ui'érézéb zarina, Cristu hã wẽ nherẽ, wedepo'o nhonhi'rãmi na sa'o ré, ma tô siwi wẽ'õ, 'Re ihâimana u'âsi mono hã. Wa'upana ma tô azâ, wasété õ nherẽ.
Zezusi hã 'Re ihâimana u'âsi mono 'ra, 're hâimana mono nherẽ, ma tô te te 're robzépata, ti'ai ãma 're morĩ ré hã. Taha zarina ma tô ãne hã si'ãma waihu'u: Ni'wam norĩ hã, 'Re ihâimana u'âsi mono nhimiroti te te 're 'madâ'â pese za'ra mono da, te te sima 're wẽ za'ra mono wamhã, taha zarina te za tô te te 're robzépata za'ra, ti'ab ré. Ãne ma tô Zezusi hã si'ãma waihu'u.
Dazada idâ'âzém na si ma tô aiwa'âbâ za'ra wa'wa, iwapru hã tiwi ipu'uzém na. Ta hã te 're mo, pone'ẽrebâ iwẽ uptabi ne, da te dasiwi iwĩrĩ da hã, dawasété wa, dawa'âbâzéb da. Cristu hã wẽ uptabi na 're ihâimana mono hã ma tô tidâ'âzém na aiwasédé hã wa'âbâ za'ra wa'wa. Ta hã te te iwawa'âbâ za'ra zé hã wẽ uptabi di.
ကြော်ငြာတွေ