Marcu 10:41 - ꞌRe Ihâimana Uꞌâsi Mono Zadawa Wasuꞌu

⁴¹ Tawamhã Zezusihi siré 're inomro mono norĩ hã 10 na ihâiba za'ra hã, Tiagu norĩ mreme te te wapari za'ra wamhã, ma tô sada tinhiti'ru za'ra.

Marcu 10:41 ပူးပေါင်းရင်းမြစ်များ

Provébiu 13:10

'Râwi 're idasi'madâ'â ze za'ra mono zé hã te za damreme na dasi'wapézép si hã te te 're poto za'ra. Tane nherẽ, rowaihu iwẽ hã te roti iwẽ wapari zei 'wa norĩ ma si hã 're hâimana.

Mateu 20:24

Tawamhã Zezusihi siré 're inomro mono norĩ hã 10 na ihâiba za'ra hã, Zebedehe 'ra norĩ mreme te te wapari za'ra wamhã, ma tô sada tinhiti'ru za'ra.

Marcu 10:42

Tahawa, Zezusi te sô tihârâ za'ra, 'râwi itẽme si'rã'õtõ da. Tawamhã ãne ma tô tãma waihu'u za'ra: — Ti'ai ãma danhib'apito na da te 're iwamri za'ra mono norĩ hã te pire uptabi na dama 're hâimana za'ra. Sa'ẽtẽ te duré te te 're dawada'uri za'ra, isimiroti hã da te 're 'madâ'â za'ra mono da.

Luca 22:24

Tawamhã sima i'maipire zô sima isõpré na ãma sisaze za'ra õ wa, te timreme na 'râwi si'wapé za'ra, isiré 're inomro mono norĩ hã.

Luca 22:25

Tahawa, te Zezusi tãma nharĩ za'ra, ãne: — Ti'ai ãma danhib'apito norĩ hã, simiwada'uri pese za'ra di. Duré, isiwaihu'u zarina, te za dama marĩ 'manharĩ wẽ 'wa na, da te 're sisi za'ra.

Roma 12:10

Dasisãnawãi uptabi 're idasisawi pese za'ra mono ne, te za a norĩ wa'wa hã 're asisawi pese za'ra wa'aba mo, Cristuhu ãma asisãnawã oto asiré 're aihâimana za'ra wa'aba mono wa. Te za duré 're asiwazé pese za'ra wa'aba mo.

Filipu 2:3

'Râwi asima si 're irosa'rata za'ra wa'aba mono zéb zarina, marĩ hã asima 're 'manharĩ za'ra wa'aba mono õ di za. Duré aipire na dama 're aihâimana za'ra wa'aba mono newa, taré asina 're aiwata za'ra wa'aba mono da, marĩ hã asima 're 'manharĩ za'ra wa'aba mono õ di za. Duré dama aipire na 're asi'madâ'â ze za'ra wa'aba mono õ di za. Taha wa'rãmi te za iwẽ na si 're idahâimana wazéb za'ra wa'aba mo, aima dapire na da'ãma 're irosa'rata za'ra wa'aba mono zéb zarina.

Tiagu 4:5

Duréihã ma tô ãne imreme na rob'ui'éré, 'Re ihâimana u'âsi mono zadawa 'mahârâ'wa hã, ãne: “Wamama, Tipẽ'ẽzani te te wama 're isõmri mono hã, wapẽ'ẽ 're wama 're hâimana za'ra mono da, te te sima 're wa'awẽ uptabi, Wamama zawi'wa na oto 're wanomro mono da.” E taré ma tô ãne na hã rob'ui'éré, ibaihâ na hã. Mare di. Taré te te ãma rob'ui'éré õ di. Tô sena ma tô ãma rob'ui'éré.