Marcu 10:29 - ꞌRe Ihâimana Uꞌâsi Mono Zadawa Wasuꞌu

²⁹ Tawamhã Zezusi hã ãne ma duré tãma waihu'u za'ra: — Tane tô. Ĩwapari pese za'ra wa'aba. Ãté ni'wa hã te te 're ĩzawi pese mono zéb zarina, te za tinhorõwa hã a'â tirẽ, te te dama 're ĩzadawa wasu'u mono da. Ãté tisisãnawã norĩ, duré tihidiba norĩ te za a'â rẽme za'ra. Ãté tina, timama, duré ti'ra norĩ hã te za a'â rẽme za'ra. Ãté tinhipti'a zama, te za a'â tirẽ.

Marcu 10:29 ပူးပေါင်းရင်းမြစ်များ

Zenezi 45:20

Tinhimarĩ te te irẽme za'ra na hã hâtâ'â za'ra õ di za, Ezitu ti'ai 'remhã za marĩ iwẽ uptabi hã tãma 're hâimana za'ra mono dâ'âsina.

Mateu 10:18

Duré ĩ'ãma si 're anomro aba mono wa, te za dama ipire norĩ u da te 're asimroi wa'wa, zudeu'õ norĩ nhib'apito norĩ u, te te 're aiwaihu'u za'ra wa'aba mono zéb zarina, te te siwi 're aiwẽ'õ za'ra wa'aba mono da. Taha ré, isõ're 're aimasa aba mono ré, te za õ norĩ ma hã ĩwasu'uwẽ na, duré isib'a'uwẽ norĩ ma zama hã tãma 're irowasu'u za'ra wa'aba mo za.

Mateu 19:29

Ãté ni'wam norĩ hã te za tinhorõwa hã te te 're rẽme pese za'ra, duré ãté tisisãnawã norĩ hã, duré ãté timama norĩ hã, duré ãté ti'ra norĩ hã, duré ãté tinhipti'a hã. Ãté ĩsiré 're nomro mono da, te za uburé marĩ hã te te 're rẽme pese za'ra. Ta norĩ ma, te za uburé marĩ te te 're irẽme za'ra mono zém nhipai u pese, 'Re ihâimana u'âsi mono te te tãma hã 're sõmri za'ra. Ta norĩ ma si te za duré dadâ'â ãna 're idanomro u'âsi mono zé hã te te tãma 're apisutu.

Mateu 6:33

'Re ihâimana u'âsi mono hã ãma 're isib'a'uwẽ za'ra mono norĩ ma, iwẽ uptabi hã te te tãma 're isõmri za'ra mono zéb zô si, te za asima 're asõpré u'âsi aba mo. 'Re ihâimana u'âsi mono te te sima 're aiwẽ za'ra wa'aba mono zéb zarina si, 're anomro wẽ wa'aba mono da, te za asima 're iwẽ u'âsi za'ra wa'aba mo. Tawamhã ãhã zô si 're asõpré wa'aba mono wamhã, marĩ zô aiwi 're irowaptâ'â za'ra wa'aba mono zéb uwaibaba, te za tô te te aima 're anhomri 'wa, Aimama 'wa hã.

Marcu 8:35

Ni'wam norĩ hã si'uihâ na tihâimanazép si te te sima 're sawi za'ra mono wamhã, rowẽ isi'utõrĩ'õ hã te te sina 're uwaimrami za'ra mono õ di za. Ni'wam norĩ hã ĩzarina 're nomro mono da, duré ĩzadawa wasu'u'wa 're nomro mono wa, 're sihâiba zawi za'ra mono õ wapsi, te za te te sina 're uwaimrami za'ra, rowẽ hã.

Luca 18:29

Tahawa, te asa tãma tinha, Zezusi hã, ãne: — Tane tô. Tô sena wa za aima waihu'u za'ra wa'wa. Ãté, ni'wam norĩ hã te za tinhorõwa hã rẽme za'ra, 'Re ihâimana u'âsi mono, da'ãma 're isib'a'uwẽ mono zé, te te dama 're wasu'u za'ra mono da. Ãté timro hã te za a'â te te 're rẽme za'ra, ãté, tisisãnawã norĩ hã, ãté timama hã, ãté tina hã, ãté ti'ra norĩ hã.

1 Corĩtu 9:23

Cristuhu wasu'uwẽ hã daro mono bâ da te 're iwaihu'u za'ra mono zéb da si, wa ãne dama 're ĩhâimana. Duré iwasu'uwẽ zarina, 'Re ihâimana u'âsi mono, isazei'wa norĩ ma, uburé marĩ iwẽ hã te te tãma 're i'anhomri mono zém na, dame 're ĩhâimana mono da, wa tô ãne dama 're ĩhâimana.

Apocalipsi 2:3

Da te 're ai'ruiwapari za'ra wa'aba mono wa, 're robzépata za'ẽtẽ za'ra wa'aba mono nherẽ, 're ĩrẽme za'ra wa'aba mono õ di. Duré ĩwi 're aipizari za'ra wa'aba mono õ di. Ĩ'ãma si te aihâimana nhiptete sina hã 're aihâimana za'ra wa'aba mo. “Ãne wa tô te 're aiwaihu'u za'ra wa'wa, 're i'aihâimana wẽ za'ra wa'aba mono zém na hã.