Marcu 10:26 - ꞌRe Ihâimana Uꞌâsi Mono Zadawa Wasuꞌu

²⁶ Ãne imreme hã te te wapari za'ra wamhã, ma tô ãma titob'uzu za'ra. Tawamhã te ãma sisadanharĩ za'ra, ãne: — Isibro pese norĩ ma, waihu'u za'ra õ wamhã, e 'wam norĩ hã te za bété danho'reptuzé hã te te sina 're uwaimrami za'ra, dadâ'â ãna 're idanomro u'âsi mono zé hã. Ãté ni'wai õ di.

Marcu 10:26 ပူးပေါင်းရင်းမြစ်များ

Marcu 10:25

E niha te za awaru ba'õmore hã isi'uwazi para'õtõ zapu'u 're ãzé. Sébré waihu'u õ di. Tane, isibro pese norĩ hã si'uihâ na 're sisisi waihu'u mono õ di za, 'Re ihâimana u'âsi mono, da'ãma 're isib'a'uwẽ mono zéb u hã.

Marcu 10:27

Tawamhã Zezusi hã te 'madâ'â za'ra. Ãne ma tô tãma waihu'u za'ra: — Dasi'uihâ na danho'reptuzé hã, da te dasina 're uwaimrami za'ra mono õ di za. Dama waihu'u õ di. 'Re ihâimana u'âsi mono si siminho'reptu waihu'u pese di. Taha ma si, uburé marĩ hã 'manharĩ waihu'u pese uptabi di.

Marcu 6:51

Tawamhã awa'awi uba're wa, ma tô itẽme tizébré za'ra. Sébré wi, ma rowa'u hã sazâ. Tahawa, rowa'u te te isazârizém na, ma ãma titob'uzu za'ra, isiré 're inomro mono norĩ hã. E marĩ wa. Zezusi hã i'u'ẽtẽ wapu te te dama wẽ'ẽi mono wamhã, ahâ uptabi di. Tane nherẽ, te te siwi ãma waihu'u su'u õ di, iwaihu'u pese uptabi na hã.

Marcu 7:37

Tawamhã isimirowasu'u, da te wapari za'ra wamhã, ma tô ãma tatob'uzu za'ra ni. Ãne te Zezusi hã dasima wasu'u za'ra ni: — Tô sena, te uburé marĩ iwẽ hã te te dama 're ab'manharĩ. Ipo'reptõ mreme waihu'u'õ na 're ihâimana mono hã ma tô pese.

Luca 13:23

Tawamhã te ni'wa hã sadanha, ãne: — Apito, e da'umro na si, te za danho'reptuzé hã da te dasina 're waihu'u za'ra. Tahawa, ma tô Zezusi hã asa uburé dama tinha, ãne:

Luca 18:26

Tahawa, te iwapari'wa norĩ hã sadanharĩ za'ra, ãne: — Isibro pese norĩ ma, waihu'u za'ra õ wamhã, e 'wam norĩ hã te za bété danho'reptuzé hã te te sina 're uwaimrami za'ra, dadâ'â ãna 're idanomro u'âsi mono zé hã. Ãté ni'wai õ di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:31

Tawamhã ma tô asa tãma rowasu'u zahuré, ãne: — Wanhib'apito Zezusi asina umnhasi. Tawamhã ta hã te za asõ'reptu, asõrõwa ãma asiré 're ai'ubumroi wa'aba mono norĩ me.

2 Corĩtu 11:23

Cristuhu ma romhuri'wa na, te duré ta norĩ hã aima 're siwasu'u u'âsi za'ra wa'wa. Tane nherẽ, wa wa hã ta norĩ nhipai u, Cristuhu ma romhuri'wa na hã 're ĩhâimana. (Ãté ĩnhimiza'rese õ na 're ĩhâimana mono na, ĩ'ãma rosa'rata za'ra wa'aba da nherẽ, wa za tô ãne na aima ĩsiwasu'u za'ra wa'wa.) E marĩ wa, wa merẽ ta norĩ nhipai u Cristuhu ma romhuri wẽ 'wa na hã 're ĩhâimana. Wa tô te tãma 're romhuri pese uptabi, ta norĩ nhipai u. Dazazéb 're, ma tô da te dasiwi 're ĩzai u'âsi, ta norĩ 're ihâimana za'ra mono zém nhipai u. Ma tô duré da te dasiwi 're ĩ'ahâri u'âsi, powawẽ hânhorõ na, senai'õ na rowasu'u'wa norĩ hã da te dasiwi 're ihâ za'ra mono zém nhipai u. Ãne wa, wa tô aré 're ĩdâ'â u'âsi, te ĩsina 're romnhimimnhasi za'ẽtẽ mono wa.