Marcu 10:2 - ꞌRe Ihâimana Uꞌâsi Mono Zadawa Wasuꞌu

² Tawamhã ni'wam norĩ farizeu hã, timreme na te te tãma ãma upa za'ra wa, te te siwi mreme wẽ'õ da, te ãne siwi sadanha: — Aibâ norĩ hã timro me sima 're siwanhizari za'ra mono wamhã, e wahi'rata norĩ nhimiroti zarina, te za timro hã time, aibâ hã.

Marcu 10:2 ပူးပေါင်းရင်းမြစ်များ

Mateu 15:12

Tawamhã isiré 're inomro mono norĩ, ma tô Zezusihi u hã itẽme ubumro, te te ãma siwi sadanharĩ da, ãne: — E ma tô asina iwaihu'u za'ra. Farizeu norĩ hã ma tô siwi aimreme wẽ'õ pese.

Mateu 16:1

Tawamhã farizeu norĩ hã duré saduseu norĩ hã ma tô Zezusihi u ai'aba'ré, te te tãma 'ru za'ra da, marĩ dama i'manharĩ waihu'u'õ hã te te 'manharĩ da, isõ'a za'ra, 'Re ihâimana u'âsi mono zadawa para di pâ, marĩ hã sena hã te te tô 'manharĩ zô. Ãne ma tô tãma 'ru za'ra, te te siwi pibu da, Zezusi hã.

Mateu 19:3

Tawamhã farizeu norĩ ni'wam norĩ hã ma tô itẽme aihutu Zezusihi u, te te siwi sadawa pibu da, timreme na te te upai wa, te te siwi mreme wẽ'õ da. Ãne ma tô taha wamhã siwi sadanha: — E aibâ hã te za timro marĩ ipire te te tiwi 're 'manharĩ za'ra mono õ nherẽ, te te 're rẽme za'ra. E wahi'rata norĩ nhimiroti zarina hã, ãne hã.

Mateu 22:35

Tawamhã 'Re ihâimana u'âsi mono nhimiroti 'rata na dama rowahutu'wa hã tô farizeu norĩ siré hã ma tô Zezusi hã sadanha, te te tãma ãma upa zô, te te pibu da, ãne:

Mateu 23:13

— Farizeu norĩ, duré dama rowahutu'wa norĩ, aihâimana uptabi õ na dama 're aihâimana za'ra wa'aba mono wa, aima 're ropipa uptabi za'ra wa'aba mono di za. 'Ridawa hã 're danhisisi tõ mono da, da te dawi 're isitob za'ra mono ne, te a norĩ wa'wa hã dawi 're isawi za'ra wa'aba mo, 'Re ihâimana u'âsi mono, da'ãma 're isib'a'uwẽ mono zéb u 're danomro tõ mono da hã. A norĩ wa'aba zama te 'Re ihâimana u'âsi mono wi 're asihâiba zawi za'ra wa'aba mo, ai'ãma 're sib'a'uwẽ za'ra wa'aba mono tõ da.

Mateu 9:34

Tane nherẽ, ma tô farizeu norĩ hã taré iwasédé hã ãma hiri za'ra, ãne: — Wa'uburé norĩ nhib'apito zadawa para, te õ hã wa'uburé hã te te dama 're anhamra, Satanasihi zadawa para.

Marcu 10:1

Tawamhã Zezusi hã Cafanau hawi te oto mo, Zudéa na danhipti'a nho'õmo nhisi u, morĩ da. Tawamhã Zodã pa zara u, ma tô saprĩ. Te te saprĩ wamhã, da'ahâ uptabi na ma tô duré itẽme dasito. Tahawa, te duré dama rowahutu, te te dama 're irowahutu u'âsi mono zém na, Zezusi hã.

Marcu 10:3

Tawamhã asa ma Zezusi hã ãma sada'âbâ za'ra, ãne: — E niha ma tô Mozési hã bété dama waihu'u aré, damro me dasiwi 're idasiwanhizari za'ra mono zém na hã.

Marcu 8:11

Tawamhã farizeu norĩ hã ma Zezusihi u aihutu, isimirowasu'u na te te saze za'ra õ wa, imreme wa'rãmi te te nasi tãma nharĩ za'ra da. Tawamhã Zezusihi wi, te oto rowaptẽrẽ za'ra, tiwaihu'u pese na marĩ dama i'manharĩ waihu'u'õ hã te te tãma 'manharĩ za'ra da. E marĩ da. Tô sena 'Re ihâimana u'âsi mono zadawa para, dama iwaihu'u'õ hã te te 're i'ab'manharĩ mono zô, te te siwi pibu za'ra da. Taré te te siwi wẽ'õ da, te ãne tiwi rowaptẽrẽ za'ra.

Marcu 8:15

Tawamhã Zezusi ma ãne tãma waihu'u za'ra: — Ma'ãpé, 're asi'madâ'â pese za'ra wa'aba mono, i'u'ẽtẽ wapuzém nhiti 're anomro aba mono da, farizeu norĩ nhimi'manharĩzém nhiti, apito Erodihi me.

Luca 11:39

Tawamhã ma tô Wanhib'apito hã tãma tinha, Zezusi hã: — Farizeu norĩ, wa za aima ãma romnhimiré'é za'ra wa'wa, ãne: Hâsizé hã duré pratu hã imana wawip si, da te 're upsõ za'ra mono wamhã, iwa'wamhã wasété di, zahadu upto wa. Tane, a norĩ wa'wa hã 're anomro wẽ wa'aba mono newa, da te 're ai'madâ'â wẽ za'ra wa'aba mono da, te 'Re ihâimana u'âsi mono nhimiroti ipire prã norĩ si 're i'madâ'â pese za'ra wa'aba mo, danho'a. Tane nherẽ, aipẽ'ẽ 'remhã asimirosa'rata wasété na te zahadu iré 're aihâimana u'âsi za'ra wa'aba mo. Danhibrob na si te duré 're ida'ruiwapari za'ra wa'aba mo. Aihâimana nhipese zarina, te duré marĩ na dawi 're asipsaihuri za'ra wa'aba mo.

Luca 16:14

Tawamhã farizeu norĩ hã ma tô Zezusihi mreme hã wapari za'ra. Tawamhã rob'uiprazé wẽ 'wa, 're nomro mono wa, ma tô Zezusihi ma nharĩ za'ra, ãne.

Luca 5:30

Tawamhã saihuri da, si'ubumroi ré, ma tô 'madâ'â za'ra farizeu norĩ hã, rowahutu'wa norĩ me. Tahawa, te ãne tãma nharĩ za'ra, Zezusihi siré 're inomro mono norĩ ma: — E niha bâ, te bété dawazari asaihuri 'wa, rob'uiprazé arĩ ubumroi'wa norĩ siré, dawasété na 're idanomro mono norĩ siré zama.

Luca 6:7

Tawamhã 'Re ihâimana u'âsi mono nhimiroti 'rata na rob'ui'éré na dama rowahutu'wa norĩ hã ma tô siwi 'madâ Zezusi hã, sabadu na te te pese zô, romhuri zahârizém na. Farizeu norĩ me, te simiza'rese sina 'madâ'â za'ra. Mozésihi nhimiroti te te 'madâ'â õ wa, te te siwi wẽ'õ da, te 'madâ'â pese za'ra.

Luca 7:30

Tazahã, farizeu norĩ hã rowahutu'wa norĩ me, ma tô siwi wẽ'õ za'ra 'râwi, 'Re ihâimana u'âsi mono te te sima ida'awẽzé hã. Tahawa, te te siwi wẽ'õ za'ra wa, â dawabzuri hã te te tãma 'manharĩ za'ra õ di, Zuwã hã.

Zuwã 11:47

Tawamhã isimirowasu'u hã te te wapari za'ra wamhã, tisiré norĩ zô te sitẽme tihârâ za'ra, dama ipire norĩ zô. Tahawa, ma sitẽme si'rã'õtõ, sasedoti ipire norĩ hã, duré farizeu norĩ hã duré uburé zudeu norĩ ma roti'wa norĩ zama. Sitẽme si'rã'õtõ wamhã, ãne te sima rowasu'u za'ra: — E marĩ, wa za bété wa norĩ hã wasiwi 'manharĩ ni. Õ hã te marĩ hã dama i'manharĩ waihu'u'õ hã te te dama 're ab'manharĩ u'âsi, tiwaihu'u pese na.

Zuwã 11:57

E marĩ wa. Zezusihi ãma te dama roti za'ra aré, dama ipire norĩ hã: — Ma'ãpé nimame isãmra na 'mai'madâ'â aba wamhã, wei wama wasu'u za'ra wa'aba za, wa te waihu'u za'ra da. Te te siwi âri da, ma tô ãne dama ãma nharĩ za'ra.

Zuwã 7:32

Tawamhã farizeu norĩ hã ma tô Zezusihi ãma dawapari za'ra. Tahawa, ma tô sô satõrĩ za'ra, Zezusi hã te te siwi âri da, 'ri 'madâ'â'wa norĩ hã, 'Re ihâimana u'âsi mono nhorõwa 'madâ'â'wa norĩ hã. 'Re ihâimana u'âsi mono ma, da'ãma romhuri'wa ipire norĩ me, duré sasedoti ipire norĩ me, ma tô sô satõrĩ za'ra.

Zuwã 7:48

E Danho'reptui'wa na hã ma tô dame siwi 'mazaze dama ipire hã, duré farizeu norĩ hã. Mare di. Ni'wa te te ãma sazei õ di.

Zuwã 8:6

Mozésihi nhimiroti zarina te te dama 'rui õ wa, te te siwi wẽ'õ za'ra da, ma tô ãne siwi ãma sadanha. Tane nherẽ, Zezusi hã asa te te ãma sada'âbâ za'ra õ di. Ti'a zô ma tô aiwẽ'ẽ, tinhiptõmo na te te ãma ui'éré da.

1 Corĩtu 10:9

Ta norĩ hã ma tô duré tiwasédé hã 'manharĩ za'ra, 'Re ihâimana u'âsi mono hã niha te te tãma rob'manharĩ za'ra õ zô, te te pibu za'ra da. Ãne 'ru te, ma tô duré wahi nhipsari na hã da'ahâ na da'uprosi, 'Re ihâimana u'âsi mono hã. Ãne na hã wa norĩ zama, wa te 're pibu za'ra mono õ di za, Wanhib'apito hã, wawasédé wa te 're 'manharĩ za'ra mono nherẽ, niha te te wama 're arob'manharĩ mono õ zô.