Marcu 10:19 - ꞌRe Ihâimana Uꞌâsi Mono Zadawa Wasuꞌu

¹⁹ A hã aima waihu'u pese di, 'Re ihâimana u'âsi mono nhimiroti hã. Ãne dama isimiroti hã: “'Re danhimroi wa'aba mono õ di za. Duré aimro na asiwi 're asipsaihuri za'ra wa'aba mono õ di za. Duré danhibrom na dawi 're asipsaihuri za'ra wa'aba mono õ di za. Duré dahâiba wasu'u na dama 're asadawa nhipese za'ra wa'aba mono õ di za. Duré dama 're asadawa nhipese za'ra wa'aba mono õ di za. Duré aimama hã te za 're iwazé pese mo, ana zama.” Ãne 'Re ihâimana u'âsi mono nhimiroti hã.

Marcu 10:19 ပူးပေါင်းရင်းမြစ်များ

Marcu 10:18

Tawamhã asa te Zezusi hã tãma tinha, ãne: — E niha te ĩ'ãma aiwa, ĩwẽ na. 'Re ihâimana u'âsi mono si iwẽ uptabi hã. Ni'wa isine hã hâimana õ di.

Luca 18:20

Aima waihu'u pese di, 'Re ihâimana u'âsi mono nhimiroti hã. Ãne, dama isimiroti hã: “Aimro na asiwi 're asipsaihuri za'ra wa'aba mono õ di za. Duré, 're danhimroi wa'aba mono õ di za. Duré, danhibrom na dawi 're asipsaihuri za'ra wa'aba mono õ di za. Duré, dahâiba na dama 're asadawa nhipese za'ra wa'aba mono õ di za. Duré aimama hã te za 're iwazé pese mo, ana zama.”

Roma 13:9

Duréihã 'Re ihâimana u'âsi mono, Mozésihi ma, te te iwaihu'uzéb zarina te te ãma dama irob'ui'érézé hã, ãne: “Aimro na asiwi 're asimisaihuri za'ra wa'aba mono õ di za. Duré 're danhimroi wa'aba mono õ di za. Duré dawi 're asimisaihuri za'ra wa'aba mono õ di za. Duré marĩ iwẽ hã dawi 're 'ruiwapari za'ra wa'aba mono õ di za.” Ã norĩ hã, duré aimawi hã isimiroti hã ahâ uptabi nherẽ, simisutu haré te wasu'u isimiroti hã, ãne: “Te za 're idazawi pese za'ra wa'aba mo, aihâimanazé hã 'râwi asima 're isawi pese za'ra wa'aba mono ne.”

Roma 3:20

E 'Re ihâimana u'âsi mono nhimiroti 'rata na rob'ui'éré zarina, marĩ hã da te 're i'manharĩ wẽ za'ra mono na, te za te te sima da'ãma 're aroti, dawasédé hã te te oto da'ãma 're ab'madâ'â tõ mono da, taha zarina te te oto 're da'awẽsãmri mono da, dapo're'õ nherẽ, te te 're da'ahâ za'ra mono tõ da. Mare di. Taha nai õ di. Uburé marĩ hã da te 're i'manharĩ wasété za'ra mono na, 'râwi 're dasiwaihu'u za'ra mono da si, te dama 're hâimana, rob'ui'éré 'rada hã.

Galata 4:21

Uburé õ nherẽ, ma tô asima iwẽ za'ra wa'wa, 'Re ihâimana u'âsi mono nhimiroti 'rata na rob'ui'éré zarina, 're rob'manharĩ za'ra wa'aba mono da, taha zarina si 'Re ihâimana u'âsi mono hã te te 're asõ'reptu za'ra wa'aba mono da newa. E aima waihu'u za'ra wa'aba õ di bété, 'Re ihâimana u'âsi mono wasu'uwẽ hã, Abra'ãhã 'ra norĩ ãma hã.

Galata 5:14

'Re ihâimana u'âsi mono nhimiroti 'rada hã ahâ uptabi nherẽ, simisutu haré te wasu'u, isimiroti hã ãne: “Ma'ãpé, 're dazawi pese za'ra wa'aba mono za. Marĩ iwẽ na asima 're irosa'rata za'ra wa'aba mono ne, te za duré dama zama sô 're asõpré wa'aba mo.” Ãne si isimiroti hã.

1 Tesalonita 4:6

Tane 're anomro aba mono õ di za. Isazei'wa norĩ hã, asisãnawã te 're anomro aba mo. Tahawa, asisãnawãi mro nherẽ, asiwi 're upi za'ra wa'aba mono õ di za, asiwi 're asimisaihuri za'ra wa'aba mono tõ da, aiwasédé hã duré asi'ãma 're 'manharĩ za'ra wa'aba mono tõ da. Tane, ni'wa hã tiwasédé te te 're 'manharĩ mono wamhã, 'Re ihâimana u'âsi mono hã te za niha tãma rob'manha. Ãne tô sena, wa tô aima waihu'u za'ra wa'aba ni, waihu'u pese za'ra wa'aba da. Tane nherẽ, wa duré ãma aima sahu za'ra wa'aba ni.

Tiagu 2:11

Ta hã ma tô ãne dama roti aré: “Aimro na asiwi 're asipsaihuri za'ra wa'aba mono õ di za.” Ma tô duré dama roti, ãne: “'Re danhimroi wa'aba mono õ di za.” Ãne isimiroti hã. Tane nherẽ, aimro na asiwi 're apsaihuri za'ra wa'aba mono õ nherẽ, oto 're danhimroi wa'aba mono wamhã, aiwasété na te za 're aihâimana za'ra wa'aba mo, Wamama nhimiroti hã 're 'madâ'â pese za'ra wa'aba mono õ wa.