Marcu 1:9 - ꞌRe Ihâimana Uꞌâsi Mono Zadawa Wasuꞌu

⁹ Tawamhã ãne te te dama 're wasu'u mono ré, ma tô Zezusi hã itẽme wi, Nazaré na 'ri wa'õtõ nhisi hawi. Galiléa na danhipti'a nho'õmo nhisi ãma, Nazaré hã. Itẽme wisi wamhã, ma â dawabzuri hã Zezusihi ma 'manha, Zodã pa na â nhisi ãma.

Marcu 1:9 ပူးပေါင်းရင်းမြစ်များ

Mateu 2:23

Tame te oto 're simasisi zahuré, Nazaré na 'ri wa'õtõ nhisi ãma. Ãne iromhâimanazé hã, duréihã 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã te te ãma uwaimrami da. Ãne duréihã iwasu'u na rob'ui'éré 'rada hã: “Ta hã Nazaré ãma 're isãmra mono na te za oto da te 're sisi za'ra.” Ãne ma tô waihu'u siromo za'ra, za da te dasima 're iwasu'u za'ra mono zéb da na hã.

Marcu 1:10

Tawamhã â hawi watobro wi, ma hâiwa hã si'ridawa. Hâiwa hawi, ma we 'Re ihâimana u'âsi mono pẽ'ẽzani hã itẽme si'ra, utu'u ne. Taha wamhã, ma tô sina 'madâ, Zezusi hã.

Marcu 1:8

Wa hã wa tô â uptabi na si te 're aihâiba ubu za'ra wa'wa, â dawabzuri hã te aima 're ab'manharĩ aba mono wamhã. Tanei õ di za oto. Ĩma ipire hã wei wisi wapsi, te za oto 'Re ihâimana u'âsi mono pẽ'ẽzani na te te 're aihâiba ubu za'ra wa'wa, iré 're anomro u'âsi aba mono da. Wẽ uptabi di, taha pẽ'ẽzani hã.

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.