Marcu 1:35 - ꞌRe Ihâimana Uꞌâsi Mono Zadawa Wasuꞌu

³⁵ Tawamhã robza'rã ré, ma wahudu Zezusi hã, 'ri nhiti morĩ da, a'ubuni u. Taha wamhã, te tame a'â tihâiba, 'Re ihâimana u'âsi mono ma, mreme da.

Marcu 1:35 ပူးပေါင်းရင်းမြစ်များ

Salmu 5:3

Mararé sidâpâsi te nasi ĩmreme hã 're iwapari u'âsi mo. Bâdâ 'rãiwatobro wi, ãma aima 're ĩmreme mono wamhã, wa za ãma ĩzada'âbâzéb zô 're ĩnhimipari.

Mateu 14:13

Tawamhã Zezusi hã Zuwãhã wasu'u te te wapari wamhã, ma tô danhiti uba're na siwaprosi hã mo, romnhiwasi sãmra da. Tane nherẽ, nimomo romnhiwasi siwaprosi isãmra na iwasu'u da te wapari za'ra wamhã, ma tô darom hawimhã tawairébé ni da'ahâ na, isarina dasi'aba'ré da isõ'rãmi, ti'ai baba.

Mateu 14:23

Te te dama rob'rui pari, te oto Zezusi hã mo sa'a u, siwaprosi Timama ma mreme da. Taha wamhã, tame siwaprosi sãmra ré, ma tô ãma timara.

Marcu 1:36

Tawamhã Sima Pedru norĩ hã te Zezusihi zô ropâ sô sõpré, tisiré norĩ me, te te siwi sõpẽtẽ da.

Luca 5:16

Tane nherẽ, Zezusi hã ma tô dawi 're ne, a'ubuni u, 're mreme mono da hã, Timama ma.

Luca 6:12

Tawamhã ẽtẽ 'rãihâ na ma tô Zezusi hã sai'u, 'Re ihâimana u'âsi mono ma, mreme da. Tawamhã mara bâre te tãma mre.

Zuwã 4:34

Tawamhã te Zezusi hã asa tãma nharĩ za'ra, ãne: — 'Re dasaihuri mono wamhã, dama 're rowẽ za'ra mono di za. Tane, wa hã. We ĩzatõrĩ'wa te te ĩ'ãma irotizé hã te ĩsina uwaimrami wamhã, ĩma rowẽ di za. Ĩnhimiromhuri hã te tãma uprosi wamhã, ĩma rowẽ di za duré.

Zuwã 6:15

Tawamhã Zezusi, damreme hã ma tô sina waihu'u. Tahawa, te siwaprosi sa'a nhisi u mo apâ, danhiti.

Éfézu 6:18

Te aima iroti za'ra wa'aba zéb zarina, te za uburé 're i'manharĩ u'âsi za'ra wa'aba mo. Duré ipẽ'ẽzani te te wama 're i'awaihu'u mono zéb zarina, te za Wamama ma 're aimreme zusi aba mo. Te za tiwi 're irowaptẽrẽ u'âsi za'ra wa'aba mo, te te 're aipawaptob za'ra wa'aba mono da. Asimiza'rese sina te za 're aihâimana za'ra wa'aba mo, tãma 're aimreme zusi aba mono da. Aiwi 're robzei'õ za'ra wa'aba mono õ di za. 'Re ihâimana u'âsi mono nhib'a'uwẽ 're ihâimana za'ra mono norĩ ma, te za duré tiwi 're irowaptẽrẽ u'âsi za'ra wa'aba mo, te te 're apawaptob u'âsi mono da, daro mono bâ.

Filipu 2:5

Cristu Zezusi hã sima si 're hâimana mono õ di. Tahawa, isimirosa'rata ne, te za duré a norĩ wa'wa hã 're irosa'rata wẽ za'ra wa'aba mo.

Hebreu 5:7

Zezusi hã ti'ai ãma 're morĩ ré hã, ma tô wawa sina Timama ma mre, mreme 'rãihâ na, za te te irobzépatazém na te te pawaptob da. Tawamhã 'Re ihâimana u'âsi mono, Zezusihi mreme te te wapari wamhã, ma tô sima wẽ tô, te te pawaptob da. Zezusi hã uburé marĩ hã Imama te te tãma ipisutuzéb uwaibaba si, te te 're ab'manharĩ mono da, te te sima 're wẽ u'âsi mono wa, ma tô Imama hã sima wẽ, te te pawaptob da. Duré 'Re ihâimana u'âsi mono, niha na hã te te sima wẽ 'wa'âhã, te aré tô tiwaihu'u pese na hã sõ'reptu, dâ'â tõ da.