Marcu 1:27 - ꞌRe Ihâimana Uꞌâsi Mono Zadawa Wasuꞌu

²⁷ Tawamhã ma ãma tatob'uzu za'ra ni. 'Râwi te ãma dasima rowasu'u za'ra ni, ãne: — Õ hã, e niha. Wama isa'rese õ na, te wama rowahutu za'ra. Wa'uburé norĩ ma, te te rob'rui wamhã, ma tô duré wapari za'ra, imreme hã.

Marcu 1:27 ပူးပေါင်းရင်းမြစ်များ

Mateu 15:31

Tawamhã imreme'õ norĩ hã ma tô mreme wairé. Duré i'rãtẽire norĩ hã ma tô timorĩ wẽ za'ra. Imorĩ'õ norĩ hã te duré oto para na 're nomro. Itob'a norĩ hã te te duré rob'madâ'â wẽ za'ra di oto. Tawamhã ãne hã da te 'madâ'â za'ra wamhã, ma tô ãma tatob'uzu za'ra ni. 'Re ihâimana u'âsi mono ãma, ma tô duré ãma tawata za'ra ni, Izaraéu nhihudu norĩ nhib'apito ãmamhã.

Mateu 8:9

Wa hã da'wapéi'wa norĩ wada'uri'wa zapari romhuri'wa. Ĩzapari te duré 're hâimana za'ra, da'wapéi'wa norĩ hã. Nimomo te 'mazatõrĩ wamhã, te za 'maimo. Duré sô ĩ'maihârâ wamhã, te za we ĩtẽme hã 'maimo. Duré ĩma romhuri'wai ma, marĩ hã te 'rui wamhã, te za 'manha awa'awi, ĩzadawa para.

Mateu 9:33

Tawamhã Zezusi hã ma tô wa'uburé ma rob'ru, ihawi watobro da, isiti. Te te tãma rob'rui wi, ma tô aibâ hã mreme watobro. Tahawa, ma ãma tatob'uzu za'ra ni. Te duré dasima nharĩ za'ra ni, ãne: — Niwa, wa te i'madâ'â za'ra õ, ãne hã, Izaraéu nhihudu norĩ nhipti'ai 'remhã.

Marcu 1:26

Tawamhã sisa'u te sa'ẽtẽ hâiba wasutu, wa'uburé hã. Taha pari sadari sina, ma aibâ hawi watobro.

Marcu 1:28

Tahawa, Zezusihi wasu'u hã ma tô waptu na hã ropé, Galiléa na danhipti'ai 're, daro mono bâ.

Marcu 10:24

Tawamhã te ãma rosa'rata za'ra, te te tãma iwaihu'u za'ra zém na hã. Ãne ma duré tãma waihu'u za'ra: — Ĩsiwadi norĩ, e niha te za 'Re ihâimana u'âsi mono ãma, 're sib'apito za'ra, itẽme 're isisisi mono zéb da hã. Tãma pire uptabi za'ra di.

Marcu 10:32

Tawamhã Zezusi norĩ hã ma oto bâdâdi na hã sõ'a na sai'uri za'ra, Zeruzalẽ u. Zezusi hã tisiré 're inomro mono norĩ nhowa, ma tô mo. Sina hâtâ'â ãna, morĩ wa, te ãma rosa'rata za'ra. Tahawa, ma tô isiré 're inomro mono norĩ me isi'aba'ré norĩ hã sina tipahi za'ra. Tawamhã danhiti te sima satõrĩ za'ra, tisiré 're inomro mono norĩ hã, te te tãma rowasu'u siromo za'ra da, za tãma iromhâimanazém na.

Marcu 16:5

Tawamhã ab're 're, sisisi wamhã, ma tô aibâ hã siwi sõpẽtẽ iprédupté hã, uza hâirã ré isãmra hã. Inomrozé nhimire niwĩ te nhamra. Tahawa, pi'õ norĩ hã ma tãma tipẽ'ẽwara za'ra.

Marcu 16:6

Tawamhã ãne te tãma nharĩ za'ra, pi'õ norĩ ma: — Ĩma aipahi za'ra wa'aba tõ. Zezusi hã Nazaré ãma aré iprédu hã wedepo'o nhonhi'rãmi na, da te dasiwi isasõmri zô robzabu za'ra wa'aba da, te we ai'aba'réi wa'wa. Ãne na, wa tô aiwaihu'u za'ra wa'wa. Ãme hâimana õ di oto. Apâ ma tô hâiwa'udu. Ma'ãpé, inomrozé hã sabu za'ra wa'aba. Robaba di.

Marcu 7:37

Tawamhã isimirowasu'u, da te wapari za'ra wamhã, ma tô ãma tatob'uzu za'ra ni. Ãne te Zezusi hã dasima wasu'u za'ra ni: — Tô sena, te uburé marĩ iwẽ hã te te dama 're ab'manharĩ. Ipo'reptõ mreme waihu'u'õ na 're ihâimana mono hã ma tô pese.

Luca 4:36

Tawamhã da te 'madâ'â za'ra wamhã, ma ãma tatob'uzu za'ra ni, uburé. Tahawa, te ãne dasima nharĩ za'ra ni: — Õ hã mreme pire di. Waihu'u pese di. Dahawi si'aba'ré da, te za tãma rob'ru za'ra. Tawamhã te za dahawi ai'aba'ré.

Luca 9:1

Tawamhã Zezusi hã ma tô sitẽme sô tihârâ za'ra, isiré 're inomro mono norĩ zô, aibâ norĩ hã 12 na ihâiba za'ra zô. Tawamhã ma tô tãma pisutu za'ra, waihu'u pese na 're nomro mono da, wa'uburé norĩ hã te te dama 're sãmra za'ra mono da, duré ihâzé ré norĩ hã te te 're pese za'ra mono da, isadawa para.

Zezusihi zadawa wasuꞌuꞌwa norĩ nhimiromhuri na robꞌuiꞌéré 17:19

Tawamhã Paulu hã ma tô siwi saprõ, Are'opadu na rosa'rata'wa norĩ si'rã'õtõzém nhisi u. Tame ma tô tãma nharĩ za'ra, ãne: — E te za wama iwaihu, asimirowahutuzép té hã. E marĩ, te wama iwasu'u za'ra.