Marcu 1:26 - ꞌRe Ihâimana Uꞌâsi Mono Zadawa Wasuꞌu

²⁶ Tawamhã sisa'u te sa'ẽtẽ hâiba wasutu, wa'uburé hã. Taha pari sadari sina, ma aibâ hawi watobro.

Marcu 1:26 ပူးပေါင်းရင်းမြစ်များ

Marcu 1:25

Tawamhã Zezusi te asa tãma tinha ãne, wa'uburé ma: — Tô'ã, we ĩma nharĩ tõ. Mo oto aibâ hawi aiwatobro.

Marcu 1:27

Tawamhã ma ãma tatob'uzu za'ra ni. 'Râwi te ãma dasima rowasu'u za'ra ni, ãne: — Õ hã, e niha. Wama isa'rese õ na, te wama rowahutu za'ra. Wa'uburé norĩ ma, te te rob'rui wamhã, ma tô duré wapari za'ra, imreme hã.

Marcu 9:20

Tawamhã ma tô itẽme siwi saprõ, ai'repudu hã. Itẽme te te siwi ãwisi wi, te wa'uburé Zezusi hã 'madâ. Tahawa, te sisa'u ai'repudu hã wasutu. Sa'ẽtẽ te 're sipizari, ti'ai wa. Ma duré sadaiproi waze.

Marcu 9:26

Tawamhã wa'uburé, ma tizadari. Sisa'u te duré wasutu, ai'repudu hã. Tawamhã ihawi ma tô watobro. Ai'repudu hã rési ãna te oto nomro, dâ'â newa. Tahawa, te dasima rowasu'u za'ra ni, ai'repudu hã idâ'â na.

Luca 11:22

Ãté aibâ isiptete u te za oto wi, isipai u isiptete uptabi hã. Tãma siptete wa, te za 'marõwĩ. Te za tiwi waibu isi'wa'rudu hã, te te i'umnhasizé hã. Uburé isibrob zama te za tiwi waibu. Tawamhã te za oto dama ãma aipé.

Luca 9:39

Wa'uburé hã te za upi. Te te upi wamhã, te za tizadari, ĩ'ra hã. Te za sitete. Te za sadaiproi watobro. Te te 're u'a u'âsi. Te te sazâri õ di. Õne u'â.

Luca 9:42

Tawamhã te te itẽme saprõni ré, ma tô wa'uburé hã 'marõwĩ. Te sitete. Tahawa, te Zezusi hã tãma rob'ru, ai'reputu hawi watobro da. Tahawa, ma ihawi watobro. Rowẽ na te oto 're sãmra, ai'repudu hã. Tahawa, te Zezusi hã imama ma tinha, ãne: — Ãhãta ai'ra hã. Tãma rowẽ di oto.