Marcu 1:24 - ꞌRe Ihâimana Uꞌâsi Mono Zadawa Wasuꞌu

²⁴ — Zezusi, Nazaré nhihudu, e marĩ zô te we aimo. E wa'uprosi da, te we aimo. A hã ĩma aiwaihu'u pese di, 'Re ihâimana u'âsi mono, we te te i'asatõrĩ na hã. Duré aiwẽ uptabi di, a hã.

Marcu 1:24 ပူးပေါင်းရင်းမြစ်များ

Salmu 16:10

E marĩ wa. A hã 'Re ihâimana u'âsi mono, dadâ'â nhiptetezé wi 're ĩ'madâ'â u'âsi mono wa. Wa hã ai'ãma si 're ĩmorĩ wa, ĩrẽme õ di za, dadâ'â pese zéb u ĩmorĩ da hã.

Ezodu 14:12

Ezitu ãma hã wa tô aima nharĩ za'ra ni aré, ãne: Wawasutu za'ra tõ! Wasima iwẽ na wahâimana za'rare. Ezipsiu norĩ ma, wapawa'âbâ ãna wa te tô 're romhuri za'ra mono! Wama wẽ za'ra di aré, ezipsiu norĩ ma, wa te 're iromhuri za'ra mono da hã. Oto tô rop si 're irosa'wari mono ãmap si iwasété uptabi hã iwasi'utõrĩ da hã ãme!

Daniéu 9:24

— Daniéu, asib'a'uwẽ ma, duré ate 'ri nho'u iwazéb zahi ma, 'Re ihâimana u'âsi mono nhimihâzé ai'ãma za'ra wa'aba ihâimanazéb ãma hã te za ãma tiwahu, 70 x 7 na ãma iwahum na, õhõ wi 're i'aiwasété za'ra wa'aba mono zé hã isi'utõrĩzéb u. Tahawa, te za isib'a'uwẽ norĩ, 'Re ihâimana u'âsi mono, iwasédé te te oto ãma 're i'ab'madâ'â mono õ zé hã te te sina 're uwaimrami za'ra. Te za duré 'Re ihâimana u'âsi mono, i'uwaibaba na te te dama 're i'arowairébé mono zé isi'utõrĩ'õ hã dama pisutu. Duré uburé marĩ we i'a'madâ'â mono zém na, duré 'Re ihâimana u'âsi mono zadawa 'mahârâ'wa nhimirowasu'u na te za te te ãma a'uwaimrami. Te za duré isõrõwa 'ri 'rãihâ iwazéb zahi na apâ ãma da te dasima 're romhu'u za'ra.

Mateu 2:23

Tame te oto 're simasisi zahuré, Nazaré na 'ri wa'õtõ nhisi ãma. Ãne iromhâimanazé hã, duréihã 'Re ihâimana u'âsi mono zadawa 'mahârâ 'rata 'wa norĩ nhimi'ui'éré hã te te ãma uwaimrami da. Ãne duréihã iwasu'u na rob'ui'éré 'rada hã: “Ta hã Nazaré ãma 're isãmra mono na te za oto da te 're sisi za'ra.” Ãne ma tô waihu'u siromo za'ra, za da te dasima 're iwasu'u za'ra mono zéb da na hã.

Mateu 8:29

Tawamhã rosa'rese õ ré, ma tô sa'ẽtẽ 'mahârâ zahuré Zezusi hã, ãne: — 'Re ihâimana u'âsi mono 'ra, e marĩ wa'ãma 'manharĩ da, te we aimo, wawa'wai baba. E ropsi'utõrĩzé wana wa'ahâri da, te we aimo, wa te oto robzépata mono da.

Marcu 1:23

Tawamhã te te dama rowasu'u ré, ma we aibâ hã ãzé, rowahutuzéb u, wa'uburé ré 're imorĩ hã. Sébré wi, te sa'ẽtẽ 'mahâ ãne:

Marcu 1:25

Tawamhã Zezusi te asa tãma tinha ãne, wa'uburé ma: — Tô'ã, we ĩma nharĩ tõ. Mo oto aibâ hawi aiwatobro.

Marcu 10:47

Tawamhã ma tô Zezusihi wasu'u hã wapa, Nazaré nhihudu hã isababa te te iro'razâri na hã. Tahawa, te te sina 'mahârâ, sa'ẽtẽ, itob'a hã, ãne: — Zezusi, Dawihi nhihudu, ma'ãpé ĩ'ãma aipẽ'ẽzé na.

Marcu 14:67

Wisi wi, ma Pedru hã tisã, unhama ãma hâi'ro ré. Tawamhã te te 'madâ'â pese pari, te Pedruhu ma tinha, ãne: — A zama te duré Zezusihi siré 're aimo, Nazaré ãma 're ihâimana mono siré.

Marcu 16:6

Tawamhã ãne te tãma nharĩ za'ra, pi'õ norĩ ma: — Ĩma aipahi za'ra wa'aba tõ. Zezusi hã Nazaré ãma aré iprédu hã wedepo'o nhonhi'rãmi na, da te dasiwi isasõmri zô robzabu za'ra wa'aba da, te we ai'aba'réi wa'wa. Ãne na, wa tô aiwaihu'u za'ra wa'wa. Ãme hâimana õ di oto. Apâ ma tô hâiwa'udu. Ma'ãpé, inomrozé hã sabu za'ra wa'aba. Robaba di.

Marcu 5:7

Sa'ẽtẽ te 'mahâ, ãne: — Zezusi, 'Re ihâimana u'âsi mono, danhipai u 're isãmra mono 'ra, e marĩ ĩ'ãma 'manharĩ da, te we aimo. Ĩ'azâri õ di za. 'Re ihâimana u'âsi mono nho'a, wa ĩsina aipa'uwati.

Luca 1:35

Tawamhã asa te duré tãma tinha, ãne: — 'Re ihâimana u'âsi mono, te za we aipawapto, tiwaihu'u pese na aiwasã da, ai'ra da. Taha da, te za Tipẽ'ẽzani hã we atẽme satõ. Tahawa, 'Re ihâimana u'âsi mono 'ra na, te za ai'ra hã da te 're sisi za'ra.

Luca 24:19

Tahawa, ma tô Zezusi hã asa sadanharĩ zahuré ãne: — E marĩ, hâimana bâ. — Zezusi, Nazaré hawi imorĩ ma, ma tô rob'manharĩ wasété za'ra ni. 'Re ihâimana u'âsi mono zadawa 'mahârâ'wa, te 're mo aré. Tiwaihu'u pese na ma tô aré marĩ hã te te dama 're ab'manharĩ, iwẽ hã. Duré mreme pire na, te 're mo. Ãne na ma tô waihu'u, 'Re ihâimana u'âsi mono hã. Ãne na hã uburé ma tô waihu'u za'ra ni.

Luca 4:34

— Zezusi, Nazaré nhihudu, e marĩ zô, te we aimo. E wa'uprosi da, te we aimo. A hã ĩma aiwaihu'u pese di, 'Re ihâimana u'âsi mono we te te asatõrĩ na hã. Aiwẽ uptabi di, a hã.

Luca 8:28

Aibâ hã da'rata 're sãmra mono ré, ma tô da te 're 'madâ'â za'ra, 're pusi tõ mono da. Ma tô da te dasiwi 're hi wasisi, isi'uwazi nhorõ rutu na. Te duré da te dasiwi 're pa wasisi. Tazahã, tihi wasisizé hã te te sina 're anhinarĩ, tipawasisizéb zama. Taha pari, te wa'uburé hã te te siwi 're saprõni, a'ubuni u. Tawamhã aibâ hã Zezusi te te 'madâ'â wamhã, ma tô 're sadari. Tahawa, hi'rãtitõ ma aime, Zezusihi papara. Tawamhã mreme 'rãihâ na te tãma tinha, ãne: — Zezusi, 'Re ihâimana u'âsi mono 'ra, e marĩ ĩ'ãma 'manharĩ da, te we aimo. Ĩ'azâri õ di za. Ãne, wa ĩsina aipa'uwati.

Luca 8:37

Tawamhã aibâ wasu'u te te wapari za'ra wamhã, ma tô tãma tipẽ'ẽwara za'ra. Tahawa, te Zezusihi ma rob'ru za'ra, irom nhiti morĩ za'ra da. Aihĩni te tãma rob'ru za'ra, Zeraza ãma 're isi'ubumroi mono norĩ hã. Tawamhã Zezusi te za oto ãzé, uba're wa, danhiti morĩ da.

Zuwã 6:69

'Re ihâimana u'âsi mono, ma tô we asatõ. Wa norĩ hã wa tô asaze za'ra ni. A hã 're aimorĩ wẽ uptabi di. Ãne na wa tô aiwaihu'u za'ra ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:27

Ĩdâ'â nherẽ, ĩrẽme õ di za, adâ 're ihâimana za'ra mono zéb ãma hã. Wa hã te aima 're romhuri wẽ u'âsi mono wa, ĩdâ'â wamhã, ĩhâiba 'roi õ di za. Tahawa, ĩdâ'âzé, wa hã te ĩsima pipa õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:5

Õ hã aibâ hã wa tô waihu'u za'ra ni, timreme na daré ro'wa'rutu'wa na hã. Duré daro mono bâ zudeu norĩ hã te te iropéi mono tẽme 're morĩ wamhã, ma tô te te da'ãma 're aro'wa'rutu. Duré nazarenu na dasina dasipo'ozém nhisi niwĩ, 're inomro mono ma hã pire di, õ hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 3:14

Zezusi hã 're morĩ wẽ uptabi nherẽ, ma tô asiwi iwẽ'õ za'ra wa'wa. Rob'manharĩ wasété'wa si ma tô asima iwẽ za'ra wa'wa, dazazém hawi da te dasiwi wazere da, Zezusihi upana.

Zezusihi zadawa wasuꞌuꞌwa norĩ nhimiromhuri na robꞌuiꞌéré 4:27

— Ãhã na, tô sena Zeruzalẽ ãma ma tô tasi'rã'õtõ ni, aima romhuri wẽ 'wa zada, Zezusihi zada, Danho'reptui'wa da ipisutu zada. Erodi norĩ hã ma tô sitẽme ubumro, Põsiu Pilatuhu me. Ta norĩ hã zudeu'õ norĩ me duré Izaraéu nhihudu norĩ me, ma tô sada si'rã'õtõ, te te siwi wĩrĩ da.

Tiagu 2:19

Misire uburé Danhib'apito uptabi hã te 're sãmra. Ãne na hã aima waihu'u pese di. Taha wasu'u na ma tô ãma isaze. Wa'uburé norĩ zama ma tô misire Danhib'apito uptabi wasu'u hã waihu'u za'ra. Tahawa, te pipa te, 're rẽrẽ'ẽ za'ra.

1 Zuwã 2:20

A norĩ wa'wa hã ma tô Zezusi hã 're imorĩ wẽ uptabi hã te te 're aipisutu za'ra wa'wa, Timama pẽ'ẽzani hã te te aima 're sõmri za'ra wa'aba mono da. Tahawa, ma tô oto Wamama nhimiroti tô sena uptabi hã aihâiba mono bâ iwaihu'u za'ra wa'wa.

Apocalipsi 3:7

— Te za oto duré irob'ui'é, Filadéufia na 'ri nho'õmo nhisi ãma ĩzazei'wa norĩ 'madâ'â'wai ma. Te aima iwaihu'uzém na te za tãma irob'ui'é, ãne: “Wa hã 're ĩwasété mono õ, wa za oto aima roti za'ra wa'wa, ĩnhimiropisutuzéb zarina, sena na te dama ãma 're i'a'uwaimrami mono 'wa hã. Duréihã Dawi hã te 're hâimana, dama ipire hã. Isõrõwa hã i'ri za'ẽtẽ uptabi. Tame te ni'wa hã 're sãmra, 'ridawazéb ré hã, te te dama 're i'ridawa mono da hã, duré te te dawi 're i'ridawa nhito mono da hã. Tane wa hã, wa hâiwa ãma Ĩmama nhorõwa 'ridawazéb ré 're ĩhâimana u'âsi, ĩwétési. Wa hã te dama 'ridawa wamhã, ni'wa apâ te te dawi sito waihu'u õ di. Duré te 'ridawa nhito wamhã, ni'wa hã te te 'ridawa waihu'u õ di.