Marcu 1:20 - ꞌRe Ihâimana Uꞌâsi Mono Zadawa Wasuꞌu

²⁰ Tawamhã Zezusi te duré ta norĩ zô hã tihârâ zahuré, isiré neb zahuré da. Ãhã wamhã, õne haré ma tô timama zahuré hã, duré tite zahuré romhuri'wa norĩ hã sisa'u rẽme za'ra, uba're 're isi'ubumro norĩ hã, Zezusihi siré si oto 're neb zahuré da.

Marcu 1:20 ပူးပေါင်းရင်းမြစ်များ

Mateu 10:37

— Ni'wam norĩ hã te te 're ĩzawi za'ra mono zém nhipai u, timama norĩ hã te te 're sawi pese za'ra mono wamhã, ĩ'ãma 're nomro waihu'u mono õ di za. Duré ni'wam norĩ hã ĩzawi nhipai u ti'ra norĩ te te 're sawi pese za'ra mono wamhã, ĩ'ãma 're nomro waihu'u mono õ di za duré.

Marcu 1:19

Tawamhã suru na sina pahâ wi, ma duré 'madâ'â zahuré, Tiagu norĩ hã Zuwãhã me. Ta norĩ hã Zebedehe 'ra zahuré. Abazipara sisinarĩ hã te apâ te te ãma a'rã'õtõ zahuré, uba're 're.

Marcu 1:21

Tawamhã Zezusi norĩ hã ma tô aihutu, Cafanau na 'ri nho'õmo nhisi u. Tawamhã sabadu na wa, ma awa'awi ãzé Zezusi hã, zudeu norĩ te rowahutuzéb u, te te dama rowahutu da, tô romhuri zahârizém na wa.

Marcu 10:29

Tawamhã Zezusi hã ãne ma duré tãma waihu'u za'ra: — Tane tô. Ĩwapari pese za'ra wa'aba. Ãté ni'wa hã te te 're ĩzawi pese mono zéb zarina, te za tinhorõwa hã a'â tirẽ, te te dama 're ĩzadawa wasu'u mono da. Ãté tisisãnawã norĩ, duré tihidiba norĩ te za a'â rẽme za'ra. Ãté tina, timama, duré ti'ra norĩ hã te za a'â rẽme za'ra. Ãté tinhipti'a zama, te za a'â tirẽ.

Luca 14:26

— Ãté, ni'wam norĩ hã te za we ĩtẽme ai'aba'ré, ĩzazei'wa, 're nomro mono da. Tawamhã te za te te 're ĩzawi pese za'ra, timama zawi nhipai u, duré tina zawi nhipai u, duré timro zawi nhipai u, duré ti'ra norĩ zawi nhipai u, duré tisisãnawã norĩ zawi nhipai u, duré tihâimanazém nhipai u.

Luca 5:11

Tawamhã uba're, ma tô sani za'ra, rob'ré u. Uburé ma tô marĩ hã rẽme za'ra, tinhimiromhuri za'ra zé hã, Zezusihi siré oto 're nomro mono da.

2 Corĩtu 5:16

Ãne wa, ti'ai ãma isazei'õ'wa norĩ nhimirosa'rata zarina, wa te da'ãma 're rosa'rata za'ra mono õ di za oto, 're idahâimana za'ra mono zém na hã. Wa hã bété. Isazei'õ'wa norĩ nhimirosa'rata zarina, wa tô aré te 're rosa'rata, Cristu 're ihâimana mono zém na hã, taré newa. Tane nherẽ, taha zarina, te ãma 're rosa'rata mono õ di oto, wa hã.