Marcu 1:16 - ꞌRe Ihâimana Uꞌâsi Mono Zadawa Wasuꞌu

¹⁶ Tawamhã â zaihâ u ma tô wi, Zezusi hã, Galiléa na isõ'u nhisi u hã. Wisi wamhã, â zababa 're morĩ ré, ma tô tepe mrami na romhuri'wa norĩ hã sõpẽtẽ zahuré. Sima Pedru norĩ, isisãnawã Ãdréhé me. Ta norĩ hã tepe zô, te nasi abazipara hã wabzuri zahuré.

Marcu 1:16 ပူးပေါင်းရင်းမြစ်များ

Mateu 10:2

Isisi za'ra hã, ãne: Sima, isisi amo hã Pedru na. Duré ino nhisi hã Ãdré na. Duré Tiagu, duré isisãnawã, Zuwã. Ta norĩ hã Zebedehe 'ra zahuré.

Marcu 3:16

Aibâ norĩ hã, 12 na ihâiba hã ãne isisi za'ra hã: Sima hã Pedru na, ma tô sisi té, Zezusi hã. Isiré norĩ hã ãne isisi za'ra hã: Tiagu, Zuwãhã me, Zebedehe 'ra norĩ hã. Bu'anezi na, ma tô sisi téb zahuré, Tiagu norĩ hã Zezusi hã. Bu'anezi na, isisi hã, tãirãrã te wasu'u, isisi té hã.

Marcu 3:18

Duré isiré norĩ hã ãne isisi za'ra hã: Ãdré, duré Filipi, duré Batolomeu, duré Mateu, duré Tome, duré Tiagu, Afeuhu 'ra hã, duré Tadeu, duré Sima, Zeroti norĩ niwĩ aré 're ihâimana mono hã, duré Zuda Icarioti, si'uihâ na Zezusihi hâiba nhomri'wa da hã dama. Ãne isisi za'ra hã.

Luca 6:14

Ta norĩ nhisi za'ra hã ãne: Sima Pedru, ino Ãdréhé me. Pedru na te za sisi té, Zezusi hã. Duré Tiagu norĩ hã tisisãnawã Zuwãhã me, duré Filipi norĩ hã, Batolomeuhu me,

Zuwã 12:22

Tahawa, te Filipi hã mo Ãdréhé u, te te tãma sadawa wasu'u za'ra da. Ãhã wamhã, Zezusihi u hã te duré sisaprõni zahuré, te te tãma sadawa wasu'u za'ra da.

Zuwã 6:8

Tahawa, Zezusihi siré 're imorĩ hâiba amo hã ma tô duré tãma tinha, Ãdré Sima Pedruhu no hã ãne: — 'Watébrémi te, i'u'ẽtẽ wapu hã te tihâiba, arozum ne u'ẽne hã. 5 na ihâiba hã. Duré pe'a hã maparanere. Ãhã wamhã, aihĩni dasaihuri õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 1:13

Ãhã wamhã, ma tô oto aihutu, Zeruzalẽ u. Sihutu wamhã, 're idanhimi'wara mono zéb u te oto ai'aba'ré. Hâimo te sai'uri za'ra, tisi'ubumrozéb u sisisi da, 'ri nhisi u. Isadawa wasu'u'wa norĩ hã ãne isisi za'ra hã: Pedru, duré Zuwã, duré Tiagu, duré Ãdré, duré Filipi, duré Tome, duré Batolomeu, duré Mateu, duré Afeuhu 'ra Tiagu na isisi, duré Sima zeroti norĩ me aré 're imorĩ, duré Zuda Tiaguhu 'ra. Ta norĩ hã ma tô hâimo sai'uri za'ra.