Marcu 1:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã a'ubuni wi sãmra ré, bâdâ hã ahâ na ma ãma si'utõrĩ, 40 na. Tame sãmra ré, Satanasi hã te aré nasi wada'u, isimiroti na te te saze da. A'ubuni ãma abaze zahi hã te 're hâimana za'ra. Tane nherẽ, te taha wamhã 'Re ihâimana u'âsi mono ma romhuri'wa norĩ hã hâiwa hawimhã we siwi 'madâ'â pese.

Marcu 1:13 ပူးပေါင်းရင်းမြစ်များ

Ezodu 24:18

Tawamhã Mozési ẽtẽ na te te sai'uri ré, ma tô oto hâiwa'a wa'wa u hã ãzé. Tahawa, ẽtẽ ãma 40 bâtâ na, duré 40 mara na ma tô tihâiba.

Ezodu 34:28

Tawamhã Mozési, Uburé Danhib'apito siré ma tô tamemhã tihâiba, 40 bâtâ na, 40 mara na sai ãna duré te te hâ'rẽne ãna. Tawamhã ma tô ẽtẽpo'o na 10 sina 'Re ihâimana u'âsi mono nhimirotizém na hã ãma rob'ui'éré zahuré.

Mateu 26:53

Te ĩsima wẽ 'wa'âhã, wa aré Ĩmama wi waptẽ, hâiwa ãma tãma iromhuri'wa norĩ hã ahâ uptabi na te te we ĩtẽme satõrĩ za'ra da, ãhã na ĩ'ãma sisaprĩ za'ra da, dawi. E ãne na ĩ'ãma rosa'rada hã waihu'u ã bâ bété.

Mateu 4:1

Tawamhã 'Re ihâimana u'âsi mono pẽ'ẽzani ma tô Zezusi hã saprõ a'ubuni u, tame Wa'uburé hã te te nasi pibu da.

Luca 4:1

Tawamhã Zodã pa hawi, te oto mo Zezusi hã, tirob u apâ morĩ da. 'Re ihâimana u'âsi mono pẽ'ẽzani ré, te 're mo. Taha si, te te 're wapari pese. Tawamhã Ipẽ'ẽzani hã te saprõ, a'ubuni u.

1 Timotiu 3:16

Tô sena Zezu Cristuhu wasu'uwẽ hã wẽ uptabi di, aré dama sa'rese õ nherẽ, Wamama hã te te oto dama ihâi'ré hã wa te 're isaze za'ra mono zé hã, ãma 're iwanomro wẽ mono zéb da hã. Ãne te te dama iwaihu'uzé hã: “A'uwẽ na ma podo, ti'ai ãma. Duré tô sena i'ra 're imorĩ wẽ uptabi na, ma tô Tipẽ'ẽzani na dama waihu'u za'ra. Duré hâiwa ãma 'Re ihâimana u'âsi mono ma romhuri'wa norĩ hã ma tô titõmo na 'madâ'â za'ra. Duré a'uwẽ mono bâ 're idahâimana za'ra mono norĩ hã ma tô iwasu'uwẽ na da te 're dapo're pu'u za'ra, daro mono bâ. Ma tô duré da te dasina 're umnhasi za'ra. Duré rowẽ uptabi u ma tô mo, hâiwa u.”

Hebreu 4:15

Tawamhã tô õ hã sasedoti ipire uptabi na, te te wa'ãma 're iromhuri mono hã, e wahâimana nhib'uware na 're wahâimana za'ra mono nherẽ, wa'ãma 're siwamri mono õ di za bété, ta hã. Te za tô wa'ãma 're siwamri u'âsi. E marĩ wa. Ta hã ma tô Wa'uburé hã te te 're pibu aré, tiwasédé hã te te 'manharĩ da, wawasédé hã wa te 're 'manharĩ za'ra mono da, te te 're iwa'apibui u'âsi mono ne. Tane nherẽ, tiwasédé hã te te 'manharĩ õ uptabi di, Zezusi hã.