Luca 9:55 - ꞌRe Ihâimana Uꞌâsi Mono Zadawa Wasuꞌu

⁵⁵ Tahawa, ma Zezusi hã itẽme aipi'ra zahuré. Imreme hã ma tô tiwi sisisi zahuré.

Luca 9:55 ပူးပေါင်းရင်းမြစ်များ

Provébiu 9:8

Niwamhã da'ãma 're iwa'ẽi mono ma hã 're pẽtẽ mono tõ. Ãnei õ wamhã, te za asada hã 're sahi. Tane nherẽ, ni'wa i'rãi waihu'u wẽ ma, 're pẽtẽ mono wamhã, te za te te 're aiwazé.

Mateu 16:23

Tawamhã Zezusi hã ma tô aipi'ra, Pedruhu u. Ãne te tãma tinha: — Satanasi, mo oto aimorĩ, ĩnhiti. Marĩ hã bâdâdi wa, 're isimi'wara mono, te te 're ida'marõpãrĩ za'ra mono ne, te ĩwasutu u'âsi mo, Ĩmama te te ĩma ipisutuzéb zarina te ĩsina dama uwaimrami tõ da. 'Re ihâimana u'âsi mono nhimirosa'rata nei õ di, asimirosa'rada hã. Ti'ai ãma danhimirosa'rata zarina si te a hã ĩ'ãma irosa'ra.

Mateu 26:33

Tawamhã Pedru, te Zezusihi ma tinha, ãne: — Asiré 're iwanomro mono norĩ hã aihĩni za te te airẽme za'ra nherẽ, wa hã te dame i'airẽme da hã mare di za.

Mateu 26:51

Tawamhã Zezusihi siré 're imorĩ hã i'rata isa hã ma tô sib'ézé 'wapa waze. Te te wazere wi, ma romhuri'wa hã ãma po're nhizâ, sasedoti ipire uptabi ma, romhuri'wa hã.

Luca 9:54

Tawamhã samaritanu norĩ wasu'u, ma tô wapari zahuré, Tiagu norĩ hã, Zuwãhã me. Iwasu'u hã te te wapari zahuré wamhã, te Zezusi 'mahârâ zahuré, ãne: — E aima wẽ di, unhama zô wahârâ da, hâiwa hawi we te te da'uprosi da.

Luca 9:56

Taha pari, ma tô ai'aba'ré, 'ri wa'õtõ hâiba amoi u.

Tiagu 3:10

Siwazari wazadawa hawip si, te wamreme hã 're wairébé, Wamama ãma 're iwawata za'ra mono zém na hã, duré wa te da'ãma 're iwasété za'ra mono zém na zama. Ĩsisãnawã norĩ, ãne aimreme hã 're 'manharĩ za'ra wa'aba mono õ di za.

1 Pedru 3:9

Duré asada 're dahâimana wasété za'ra wa'aba mono wamhã, asa dama ãma 're wa'rãmi za'ra wa'aba mono õ di za, aihâimana wasété na. Duré dapẽ'ẽ na taré da te 're ai'ruiwapari za'ra wa'aba mono wa, da te aima 're nharĩ za'ra wa'aba mono nherẽ, asa dama ãma 're wa'rãmi za'ra wa'aba mono õ di za, aimreme wasété na hã. Wamama wi si, te za ta norĩ ma 're iwaptẽrẽ za'ra wa'aba mo, iwẽ si te te tãma 're sõmri za'ra mono da, ta norĩ ma hã. Ãne da, ma tô Wamama hã sitẽme asô tihârâ za'ra wa'wa, iwẽ na si aima 're sõprub za'ra wa'aba mono da.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.