Luca 9:51 - ꞌRe Ihâimana Uꞌâsi Mono Zadawa Wasuꞌu51 Zezusi hã hâiwa u za imorĩzé hã romhuture wa, ma tô sina roti, Zeruzalẽ u morĩ da. အခန်းကိုကြည့်ပါ။ |
Luca 9:51
29 ပူးပေါင်းရင်းမြစ်များ
Tawamhã Zezusi hã hâiba pisutu ma tô sani za'ra, tisiré 're inomro mono norĩ hã, aibâ 12 na ihâiba za'ra hã. Ãne te tãma nharĩ za'ra: — Ĩwapari pese za'ra wa'aba. Ãhã na, wa Zeruzalẽ u ai'aba'ré ni. Tame te za marĩ hã ĩzô watobro. 'Re ihâimana u'âsi mono zadawa 'mahârâ'wa norĩ hã, dasiré ĩpoto ãma, te te ĩ'ãma irob'ui'éré za'ra zéb zarina, te za marĩ hã ĩzô watobro.
Apâ wa za oto aiwi ĩmorĩ za'ra wa'wa, we ĩzatõrĩ'wai u. Tahawa, ãhã na si wa tô uburé aima rowasu'u za'ra wa'wa, asina waihu'u siromo za'ra wa'aba da. Ãne aima ĩsiwasu'u za'ra wa'aba wa, aipẽ'ẽzé ahâ za'ra wa'aba di, we ĩzatõrĩ'wai u za oto aiwi ĩmorĩ za'ra wa'aba wa. “E momo te za aimo,” ãne asiwi ĩzadanharĩ na sahu za'ra wa'aba õ di za, te aima waihu'u pese za'ra wa'aba da.
Ãhã na ãme 're ĩnhamra u'âsi mono õ di za oto. Atẽme wa za oto ãma mo. Ã norĩ si te za ĩza'u 're si'ubumro, ĩzazei'õ'wa norĩ 'rata. Ĩmama, a hã aiwẽ uptabi na te 're asãmra mo. Ma'ãpé, we ĩma ipisutu za'ra hã we 're apawaptob u'âsi mono, aiwaihu'u pese na, wasine 're sisawi pese za'ra mono wa, tinhimirosa'rata na 're sisazei pese u'âsi za'ra mono da.
Tawamhã tizadawa wasu'u'wa norĩ ma, te te tãma roti za'ra pari, ma tô Imama hã tiwi âri za'ra, isõ'a za'ra, hâiwa u morĩ da oto, Zezusi hã. Morĩ ré, te te siwi sawẽrẽ. Tawamhã hâiwa'a 'rowi ma tô tiwi tizébré za'ra oto. Tahawa te te siwi 'madâ'â waihu'u õ di oto. Tawamhã hâimo te te siwi sawẽrẽ mono ré, aibâ norĩ hã ma tô sa'rese ãna aima'wara zahuré, isababab za'ra, uza hâirã ré.
Wa duré aima za'ra wa'aba te tiwi 're rowaptẽrẽ u'âsi, te te 're aipawaptob u'âsi za'ra wa'aba mono da, iwaihu'u pe hã asina 're waihu'u za'ra wa'aba mono da. Tiwaihu'u pese na ma tô Cristu hã ab're hawi hâiwa'utu, dâ'â nherẽ. Taha pari, ma tô pisutu, pire na isimire niwĩ 're sãmra mono da oto, hâiwa ãma.
Tô sena Zezu Cristuhu wasu'uwẽ hã wẽ uptabi di, aré dama sa'rese õ nherẽ, Wamama hã te te oto dama ihâi'ré hã wa te 're isaze za'ra mono zé hã, ãma 're iwanomro wẽ mono zéb da hã. Ãne te te dama iwaihu'uzé hã: “A'uwẽ na ma podo, ti'ai ãma. Duré tô sena i'ra 're imorĩ wẽ uptabi na, ma tô Tipẽ'ẽzani na dama waihu'u za'ra. Duré hâiwa ãma 'Re ihâimana u'âsi mono ma romhuri'wa norĩ hã ma tô titõmo na 'madâ'â za'ra. Duré a'uwẽ mono bâ 're idahâimana za'ra mono norĩ hã ma tô iwasu'uwẽ na da te 're dapo're pu'u za'ra, daro mono bâ. Ma tô duré da te dasina 're umnhasi za'ra. Duré rowẽ uptabi u ma tô mo, hâiwa u.”
Dawara na 're dasipibu za'ra mono wa, dawara, da te 're i'rãsutu za'ra mono zéb u si, da te 're i'madâ'â za'ra mono ne, wa za Zezusihi ãma si wa te wasina 're rosa'rata u'âsi za'ra. Ta hã Zezusi hã ma tô isãna'rata hawimhã te te 're wa'apawapto, 'Re ihâimana u'âsi mono si wa te wasina 're umnhasi u'âsi za'ra mono da. Tane te za duré te te 're wa'apawaptob u'âsi, 're iwadâ'â za'ra mono zéb u, õhõ si wa te wasina 're umnhasi u'âsi za'ra mono da, tiwi 're wasipizari za'ra mono ãna. Ta hã Cristu hã sihâiba zawi õ di, wedepo'o nhonhi'rãmi na dazada dâ'â tõ da hã, wedepo'o nhonhi'rãmi hã dazada 're ihâimana wasété za'ra mono norĩ pãrĩzép si nherẽ. Taha wa'rãmi, hâiwa ãma to sina 're ihâimana u'âsi mono zé hã za tãma 're ihâimana mono na, te te sina waihu'u siromo wa, tahawa, sihâiba zawi õ di tô, wedepo'o nhonhi'rãmi na dazada dâ'â tõ da hã. Ãhã na hã 'Re ihâimana u'âsi mono nhimire niwĩ, te oto pire uptabi na 're sãmra, isiré 'râwi te te 're da'ab'madâ'â u'âsi mono da oto.
ကြော်ငြာတွေ