Tawamhã ĩsi'awasisizé isinhai ré hã wa tô waze. Te wazere wamhã, wa tô oto sãsã'ã. Tahawa, wa tô tãma nharĩ za'ra ãne: — Ãne te za 'Re ihâimana u'âsi mono hã ai'masãsã'ã 'wa, asimiropisutuzé tãma ãma 'mai'uwaimrami aba õ wamhã. Tawamhã te za asõrõwa wa'wa hã aiwi 'maiwazere 'wa. Te za duré uburé asimarĩ wa'wa hã aiwi 'mazani wa'wa, asimarĩ õ uptabi na oto 're ai'maihâimana aba mono da. Tawamhã uburé õme idahâimana za'ra hã te ãne nharĩ za'ra: — Tane tô! Tane romhâimana da hã iwẽ! Tawamhã Uburé Danhib'apito ãma te tiwata za'ra. Tawamhã tinhimiropisudu te te i'manharĩ za'ra zém na hã ma tô oto duré ãma uwaimrami za'ra.
Luca 9:5 - ꞌRe Ihâimana Uꞌâsi Mono Zadawa Wasuꞌu5 Datẽme 're aihutu aba mono wamhã, ãté asô 're datob'uzu za'ra wa'aba mono õ di za. Tawamhã dahawi te za 're aiwairébé aba mo, darob amoi u. Dahawi 're aiwairébé aba mono wamhã, aipara'uza zapru hã te za 're itata'a za'ra wa'aba mo, ti'ai u 're rere'e mono da, dawasété ma ropibuma, asimirowasu'u na, da te dasiwi 're aiwẽ'õ za'ra wa'aba mono wa. အခန်းကိုကြည့်ပါ။ |
Luca 9:5
13 ပူးပေါင်းရင်းမြစ်များ
Duré ĩ'ãma si 're anomro aba mono wa, te za dama ipire norĩ u da te 're asimroi wa'wa, zudeu'õ norĩ nhib'apito norĩ u, te te 're aiwaihu'u za'ra wa'aba mono zéb zarina, te te siwi 're aiwẽ'õ za'ra wa'aba mono da. Taha ré, isõ're 're aimasa aba mono ré, te za õ norĩ ma hã ĩwasu'uwẽ na, duré isib'a'uwẽ norĩ ma zama hã tãma 're irowasu'u za'ra wa'aba mo za.
Da te 're aiwaibui wẽ za'ra wa'aba mono õ wamhã, duré da te 're aiwapari ze za'ra wa'aba mono õ wamhã, te za dahawi 're aiwairébé su'u aba mo. Tawamhã dahawi 're aiwairébé aba mono õ ré, te za asisa'u aipara zapru hã 're itata'a za'ra wa'aba mo, ti'ai u 're rere'e mono da, dapo're õ na 're danomro mono wa, 'râwi 're dasisãmri za'ra mono da.
Tawamhã te tãma nharĩ za'ra, tisiré 're inomro mono norĩ ma, ãne: — Ni'wam norĩ hã ĩzadawa wasu'u na, te te 're aiwapari pese za'ra wa'aba mono wamhã, ĩmreme 'madâ'â pese 'wa na, wa za ta norĩ hã te ĩsina 're awaihu'u. Duré ni'wam norĩ hã ĩzadawa wasu'u na te te 're aiwẽ'õ za'ra wa'aba mono wamhã, ĩwẽ'õ'wa na, wa za duré ta norĩ hã ĩsina te 're awaihu'u. We ĩzatõrĩ'wai wẽ'õ'wa na zama, wa za ta norĩ hã te ĩsina 're awaihu'u.
Tawamhã Zezusi ma tô sina sadawa uwati, te te dama sina wasu'u tõ da. Te tãma tinha, ãne: — 'Re ihâimana u'âsi mono ma, da'ãma romhuri'wai u, te za aimo, aihâiba wẽ zô te te aihâiba 'madâ'â da. Taha parip si, te za tãma asõpru, 'Re ihâimana u'âsi mono ma, Mozésihi nhimiroti zarina, dama aipibu pese zéb da, aipesezém na hã.
Te duré tãma nharĩ za'ra, ãne: — Ni'wam norĩ hã te te 're ĩzawi pese za'ra mono wa, ai'uté zô 're tob'uzu za'ra mono wamhã, ta norĩ u'âbâ te duré ĩzô 're tob'uzu za'ra. Tawamhã e ĩzô si te 're tob'uzu za'ra. Mare di. We ĩzatõrĩ'wa zô zama te duré sô 're tob'uzu za'ra. Dama iwapu norĩ hã 're sawi pese za'ra wa'aba mono wamhã, asima ai'maipire zô asõpré wa'aba ãna, wa za aipire na te 're ai'awaihu'u 'wa.
Tane nherẽ, iwasu'u hã ma tô tiwi wẽ'õ za'ra. Timreme wasété na ma tô siwi azâ, Paulu hã. Tahawa, Paulu hã ma tô ti'uza zapru wami, damreme wasété na ãma dâ'â tõ da. Tawamhã te tãma nharĩ za'ra, ãne: — E ĩnhimirowahutuzéb zarina te za ropipa u 're anomro aba mo. Mare di. Asi'uihâ na te za 're asisimini za'ra wa'aba mo. Zudeu'õ norĩ u si wa za oto 're ĩne, ta norĩ ma si te 're rowasu'u za'ra mono da oto, iwasu'uwẽ na hã.
ကြော်ငြာတွေ