Luca 9:49 - ꞌRe Ihâimana Uꞌâsi Mono Zadawa Wasuꞌu

⁴⁹ Tawamhã Zuwã hã te tinha, ãne: — Rowahutu'wa, aibâ, wa tô 'madâ'â za'ra ni, asisi na wa'uburé ma, te te 're irob'rui mono hã, dama 're wairébé mono da. Tahawa, ma tô dama 're wairébé. Õ hã, wasiré 're morĩ õ di. Tahawa, wa tô tiwi sawi za'ra ni, asisi na wa'uburé ma, te te 're arob'ru tõ mono da, wasiré 're morĩ õ wa.

Luca 9:49 ပူးပေါင်းရင်းမြစ်များ

Mateu 3:14

Tane nherẽ, Zuwã Batista, isimirosa'rada te te ãma tiwi saprĩ da, ma tô aré pibu, â dawabzuri te te tãma 'manharĩ tõ da. Tahawa te ãne tãma tinha: — E marĩ da, te ĩma aipire uptabi nherẽ, ĩma asi'ru, â dawabzuri te aima 'manharĩ da. A hã te aré ĩma i'manha.

Luca 5:5

Tahawa, ma tô Sima hã asa tãma siwasu'u, ãne: — Mara bâre, wa tô wei wa te sô sãmra. Tane nherẽ, wa te 'mai'âri za'ra õ di. Tepe õ di. Tane nherẽ, i'ruzéb zarina wa za wasiwi me ni.

Luca 9:33

Aibâ norĩ hã oto apâ tiwi neb zahuré da wa, te Pedru hã Zezusihi ma tinha, ãne: — Rowahutu'wa, ãme wama rowẽ za'ra di. Si'ubdatõ, wa za aima 'ri za'ra wa'aba ni, aihâiba bâ wa'aba, ate da hã, duré Mozésihi te da hã, duré Eliasihi te da hã. — Ãne te tãma tinha, te te rosa'rata ãna, Pedru hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:28

— Wa tô aré aiwi sawi za'ra wa'aba ni, Zezusihi nhimiroti na dama 're rowahutu tõ za'ra wa'aba mono da. Tazahã dama 're wasu'u za'ra wa'aba mono wa, iwasu'u hã ma tô te te ropé 'ri pâ, ãme Zeruzalẽ ãma hã. Tahawa, ma tô da te dasima 're wawasu'u za'ra. Wa norĩ hã, u, Zezusihi wĩrĩ'wa.

1 Tesalonita 2:16

Tawamhã wa norĩ hã zudeu'õ norĩ ma, wa tô wa te tãma 're rowasu'u za'ra iwasu'uwẽ na, da te 're sazei pese za'ra mono da, Zezusi hã te te 're da'anho'reptui mono da. Tawamhã ta norĩ hã zudeu nherẽ, isazei'õ'wa norĩ hã, ma tô te te wawi 're ro'wa'rutu za'ra, te te 're wazadawa uwati za'ra mono da aré, iwasu'uwẽ na wa te dama 're rowasu'u za'ra mono tõ da. Ãne tiwasété na 're ihâimana za'ra mono zém na, ma tô 're siwasété za'ẽtẽ za'ra. Tawamhã tâibâ oto. 'Re ihâimana u'âsi mono hã ma tô wawi ro'wa'rutu'wa norĩ hã te te 're wẽ'õ pese za'ra. Rowẽ'õ, ma tô duré tãma pisutu za'ra. Tawamhã isiti te za oto 're nomro u'âsi.