Luca 9:47 - ꞌRe Ihâimana Uꞌâsi Mono Zadawa Wasuꞌu

⁴⁷ Isimirosa'rada hã ma tô waihu'u za'ra, Zezusi hã. Tahawa, ma tô ai'uté hã sisababa tisã.

Luca 9:47 ပူးပေါင်းရင်းမြစ်များ

Mateu 12:15

Tawamhã Zezusi hã ma tô sina waihu'u, farizeu norĩ te te sima ãma iroti za'ra zé hã te te siwi wĩrĩ da. Tahawa, ma tô ihawi timorĩ za'ra. Ihawi morĩ za'ra wamhã, da'ahâ na ma tô isarina ai'aba'ré ni. Tawamhã daro mono bâ 're morĩ ré, ma tô uburé dahâzé ré idahâimana za'ra hã da'apese, Zezusi hã.

Mateu 9:4

Tane nherẽ, ma tô Zezusi hã sina waihu'u, isimirosa'rata za'ra hã. Tahawa, te ãne tãma nharĩ za'ra: — E marĩ da, ma tô ãne ĩ'ãma irosa'rata wasété za'ra wa'wa.

Luca 5:22

Tawamhã Zezusi ma tô sina waihu'u za'ra, isimirosa'rata za'ra hã. Tahawa, te tãma nharĩ za'ra, ãne: — E marĩ da, te ãne ĩ'ãma irosa'rata za'ra wa'wa.

Zuwã 21:17

Te duré sadanharĩ na sahu, ãne: — Sima, Zuwãhã 'ra, e tô aima ĩzawi pese uptabi di. — Ãne te duré Pedru hã sina sadanha, si'ubdatõ ãma. Tawamhã si'ubdatõ te te sadanharĩ wa, pẽ'ẽzé di oto, Pedru hã. Tawamhã Zezusihi ma, te duré tinha, ãne: — Uburé marĩ hã aima waihu'u pese di. A hã ma tô asina ĩwaihu'u siro, te 're i'asawi pese mono zém na. Tawamhã Zezusi te tãma tinha, ãne: — Ma'ãpé, ĩzazei'wa norĩ hã 're ab'madâ'â pese mono za, pone'ẽrebâ 'madâ'â wẽ 'wa ne.

1 Corĩtu 14:20

Ĩsisãnawã norĩ, ai'uté norĩ hã siwa'ru te te sima 're irosa'rata za'ra mono ne, asima ãma 're rosa'rata za'ra wa'aba mono õ di za, te aima ãma irowasu'u za'ra wa'aba zém na hã. Duré ai'utépré norĩ hã tiwasédé te te 're i'manharĩ za'ra mono õ ne, te za aiwasété ãna 're anomro aba mo. Aihâimana prédub sina, te za asima ãma 're irosa'rata u'âsi za'ra wa'aba mo.

Hebreu 4:13

Marĩ hã 'Re ihâimana u'âsi mono wi isima'uri pese na hã 'maihâimana õ di, te te 're i'ab'madâ'â mono õ na hã. Ai'uréiwi te uburé marĩ hã tãma 're hâimana, sõ'awi. Taha ma si, wa za nimahã na hã wahâimanazém na tãma wasiwasu'u za'ra ni, wahâiba mono bâ. Tahawa, wahi'rata norĩ ne, 're wahâimana za'ra mono õ di za, wa norĩ hã.

Apocalipsi 2:23

Pi'õ nhirã zarina 're ihâimana za'ra mono norĩ hã wa za duré hâ za'ra, si'utõrĩ da, isimiroti zarina ta norĩ hã we 're hâimana za'ra mono wa. Tawamhã ãne te tãma rob'manharĩ za'ra wamhã, te za uburé ĩzazei'wa norĩ hã ãma ĩwaihu'u za'ra, pi'uriwi marĩ hã da te 're 'manharĩ za'ra mono newa, duré pi'uriwi danhimirosa'rada hã da te 're 'manharĩ za'ra mono newa, uburé marĩ hã te dawi 're i'awaihu'u mono na hã. Uburé danhimirosa'rada hã ĩma waihu'u pese di, duré marĩ zô 're idanhimnhasi za'ra mono zéb zama. Tawamhã ni'wam norĩ hã marĩ iwẽ hã te te 're i'manharĩ za'ra mono zé wa'rãmip si, wa za marĩ iwẽ na te tãma 're awa'âbâ. Duré ni'wam norĩ hã marĩ te te 're i'manharĩ wasété za'ra mono zéb zarina si, wa za te 're ahâ za'ra.