Luca 9:39 - ꞌRe Ihâimana Uꞌâsi Mono Zadawa Wasuꞌu

³⁹ Wa'uburé hã te za upi. Te te upi wamhã, te za tizadari, ĩ'ra hã. Te za sitete. Te za sadaiproi watobro. Te te 're u'a u'âsi. Te te sazâri õ di. Õne u'â.

Luca 9:39 ပူးပေါင်းရင်းမြစ်များ

Marcu 9:18

Wa'uburé hã te te 're wabzuri, ti'ai u. Tawamhã isadaipro hã te tiwi 're pusi. Te duré 're 'wahãihãsi. Te duré 're sitete. Te duré 're sib'uwa. Wa tô aré waptẽrẽ za'ra, asiré 're inomro mono norĩ hã wa'uburé te te siwi me da, tãma. Tane nherẽ, tãma waihu'u za'ra õ di, ĩ'ra ma, te te siwi ime da hã.

Marcu 9:20

Tawamhã ma tô itẽme siwi saprõ, ai'repudu hã. Itẽme te te siwi ãwisi wi, te wa'uburé Zezusi hã 'madâ. Tahawa, te sisa'u ai'repudu hã wasutu. Sa'ẽtẽ te 're sipizari, ti'ai wa. Ma duré sadaiproi waze.

Marcu 9:26

Tawamhã wa'uburé, ma tizadari. Sisa'u te duré wasutu, ai'repudu hã. Tawamhã ihawi ma tô watobro. Ai'repudu hã rési ãna te oto nomro, dâ'â newa. Tahawa, te dasima rowasu'u za'ra ni, ai'repudu hã idâ'â na.

Luca 4:35

Tahawa, ma tô Zezusi hã wa'uburé ma tinha, ãne: — Tô'ã, we ĩma nharĩ tõ, tane na hã. Mo oto aiwatobro, aibâ hawi. Tawamhã sisa'u ma tô aibâ hã time ti'ai u, danho'a. Taha pari, ma aibâ hawi watobro, te te u'a ãna.

Luca 9:38

Aibâ hã dawa'wa isa hã ma tô 'mahâ, ãne: — Rowahutu'wa, ĩ'ra ma, wa aiwi rowaptẽ, ĩma pese da. Ĩ'ra misire hã, ai'repudu.

Luca 9:40

Asiré 're inomro mono norĩ ma, wa tô aré tãma 'ru za'ra, wa'uburé te te tãma me za'ra da. Tazahã, te te tãma mei waihu'u za'ra õ di.

Zuwã 8:44

Aimama za'ra wa'wa hã, Wa'uburé. A norĩ wa'wa hã i'ra te 're anomro aba mo. Te te sima 're iwẽ mono zém na si, te asima 're iwẽ za'ra wa'aba mo, tãma ãma 're uwaimrami za'ra wa'aba mono da. Ta hã dapoto na'rata hawi dapãrĩ'wa te 're mo. Sadawa nhipese u'âsi wa, tô sena te te dama 're rowasu'u mono õ di. Tizadawa nhipese na ma tô sãna'rata. Simirosa'rata wasété u'âsi wa, sadawa nhipese u'âsi di. Tahawa, i'ra 're anomro aba mono wa, ĩnhimirowasu'u hã tô sena nherẽ, ãma 're ĩzaze za'ra wa'aba mono õ di.

1 Pedru 5:8

Ma'ãpé, aihâimana nhimiza'rese sina 're aihâimana za'ra wa'aba mono. Duré 're asi'madâ'â pese za'ra wa'aba mono. E marĩ wa. Da'rui'wa hã datẽme 're morĩ wa, wa'uburé norĩ nhib'apito hã. Hu'u zéré pa hã wairõ sina, tisa zô 're inomro mono ne, te ta hã datẽme 're morĩ u'â, Wanhib'apito si da te dasina 're i'madâ'â u'âsi za'ra mono zé hã te te dawi 're a'uprosi mono da.

Apocalipsi 9:11

Duré isib'apito za'ra hã te 're hâimana, ab're 'rehâ 'madâ'â'wa hã. Hebreu norĩ nhiminhisizém na hã, Abadõ na. Duré gregu norĩ nhiminhisizém na hã Apoliã na. Isisi hã Da'uprosi'wa, te wasu'u.