Luca 9:30 - ꞌRe Ihâimana Uꞌâsi Mono Zadawa Wasuꞌu

^30-31 Tawamhã aibâ hã maparane, ma tô itẽme sihâi'ré zahuré, Mozési norĩ hã, Eliasihi me. Ihâiba na hã rowa'a sa'ẽtẽ zahuré di. Ta norĩ hã Zezusihi me, te sima rowasu'u za'ra, 'Re ihâimana u'âsi mono te te tãma ipisutuzéb zarina, za idâ'âzém na Zeruzalẽ ãma.

Luca 9:30 ပူးပေါင်းရင်းမြစ်များ

Luca 1:17

'Re ihâimana u'âsi mono zadawa 'mahârâ'wa, te za 're mo. Wahi'rada Eliasihi ne, te za 're mo, mreme pire na, duré waihu'u pese na. Tawamhã ai'ra nhimiroti zarina, te za damama norĩ ti'ra norĩ hã te te 're sawi pese za'ra. Duré danhimipari ãna 're idanomro mono hawimhã, te za 're dasipizari za'ra, 're idanomro wẽ mono zarina, oto 're danomro mono da. Ãne wamhã, te za danhimiza'rese sô 're danhimipari za'ra, Danhib'apito zô.

Luca 24:27

Romhâ ré, ma tô iwana Danho'reptui'wa na rob'ui'éré za'ra ni. Tawamhã Mozési te te ãma irob'ui'éré na, te oto tãma rob'rãzarõtõ zahuré. Taha pari, uburé 'Re ihâimana u'âsi mono zadawa 'mahârâ 'rata 'wa norĩ, te te ãma irob'ui'éré za'ra na, te tãma rob'rãzarõtõ zahuré duré.

Luca 24:44

Tahawa, te Zezusi hã tãma nharĩ za'ra, ãne: — Romhâ ré wa tô aima rowasu'u za'ra wa'wa, ai'rata 're ĩnhamra za'ra wa'aba mono ré hã, marĩ hã za ĩzô iwairébé mono na, Mozésihi nhimi'ui'éré zarina, duré 'Re ihâimana u'âsi mono zadawa 'mahârâ 'rata 'wa norĩ nhimi'ui'éré zarina, duré isõ're na rob'ui'éré zarina.

Luca 9:19

Tahawa, ma asa ãne ãma sada'âbâ za'ra: — Aiwasu'u hã, ahâ di. A hã, u, Zuwã Batista, apâ aihâiwa'udu. A hã, u, duré, Eliasi apâ we i'aimorĩ. A hã, u, duré, 'Re ihâimana u'âsi mono zadawa 'mahârâ 'rata 'wa, duréi pese atâ, apâ i'aihâiwa'udu. Ãne, wa tô aiwasu'u hã wapari za'ra ni.

Luca 9:29

Zezusi hã Timama ma, mreme ré hã, aimawi oto i'ubu hã. Duré, ma tô ti'uza hâirã. Hâirã uptabi di, i'uza hã. Ma ai'ubuzi.