Luca 9:22 - ꞌRe Ihâimana Uꞌâsi Mono Zadawa Wasuꞌu

²² Tahawa, te tãma siwasu'u za'ra, ãne: — Ti'ai ãma Dasiré Ipodo hã te za robzépata za'ẽtẽ. Dama roti'wa norĩ hã te za siwi wẽ'õ za'ra. Duré 'Re ihâimana u'âsi mono ma, da'ãma romhuri'wa ipire norĩ hã, te za siwi wẽ'õ za'ra, sasedoti ipire norĩ hã. Rowahutu'wa norĩ zama, te za siwi wẽ'õ za'ra. Tahawa, te za dasiwi wĩrĩ ni. Tawamhã bâdâ maparane ãma si'utõrĩ õ ré, te za hâiwa'udu apâ.

Luca 9:22 ပူးပေါင်းရင်းမြစ်များ

Zenezi 3:15

Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.

Daniéu 9:26

Tawamhã ã hã romhâimanazé oto isi'utõrĩ ãma, 'Re ihâimana u'âsi mono dama i'rã nho'õmo da, te te ipisudu hã te za dasiwi wĩrĩ ni, marĩ iwasédé te te 'manharĩ õ nherẽ. Taha pari te za danhib'ihâ'a hã tite dasi'wapéi 'manharĩ'wa norĩ siré 'ri nho'u hã duré 'Re ihâimana u'âsi mono nhorõwa 'ri 'rãihâ hã siwi te te prub za'ra. Tawamhã romhâimana 'rãsutuzé hã 're i'âpusi mono ne te za datẽme wi. Tahawa, te za dasi'wapé hã duré datẽme ãwisi, 'Re ihâimana u'âsi mono te te sima irowairébézéb zarina, marĩ te te i'uprosi da hã.

Mateu 17:12

Tane nherẽ, wa za aima waihu'u za'ra wa'wa. Eliasi hã ma tô wei morĩ pa. Tane nherẽ, ta hã da te dasiwi waihu'u õ wa, ma tô tãma rob'manharĩ wasété ni, da te dasima iwẽ za'ra zéb zarina. Tane te za duré da te ĩma 're rob'manharĩ wasété za'ra, ti'ai ãma dasiré ĩpoto ma.

Mateu 17:22

Tawamhã Zezusihi siré 're inomro mono norĩ hã ma tô isiré asimro, Galiléa ãma. Isiré si'ubumroi wamhã, ma tô Zezusi hã tãma siwasu'u za'ra, ãne: — Ti'ai ãma Dasiré Ipodo hã te za dasima hâiba nhomri za'ra ni.

Mateu 27:63

Itẽme si'rã'õtõ wamhã, ãne te tãma nharĩ za'ra: — Apito, õ hã isadawa nhipe hã zahadu 're morĩ ré, dama 're isiwasu'u mono zém na wa tô ãma wapo're pu'u za'ra ni, ãhã na hã. Ãne te dama 're siwasu'u: “Bâdâ si'ubdatõ ĩ'ãma si'utõrĩ õ ré, wa za apâ hâiwa'udu.” Ãne dama 're isiwasu'u mono zé hã.

Marcu 8:31

Tawamhã ãne te Zezusi hã tãma siwasu'u za'ra, tisiré 're inomro mono norĩ ma: — Ti'ai ãma Dasiré Ipodo hã, 'Re ihâimana u'âsi mono te te tãma ipisutuzéb zarina, te za robzépata za'ẽtẽ. Dama roti'wa norĩ hã te za siwi wẽ'õ za'ra, ihi norĩ hã. Sasedoti ipire norĩ zama, duré dama rowahutu'wa norĩ zama, te za siwi wẽ'õ za'ra. Tawapsi te za dasiwi wĩrĩ ni. Tawamhã bâdâ maparane ãma si'utõrĩ õ ré, te za hâiwa'udu apâ.

Luca 17:25

Tazahã, te za a'â robzépata za'ẽtẽ, ã nimosi dapoto tém norĩ hã te te siwi wẽ'õ za'ra wa.

Luca 24:44

Tahawa, te Zezusi hã tãma nharĩ za'ra, ãne: — Romhâ ré wa tô aima rowasu'u za'ra wa'wa, ai'rata 're ĩnhamra za'ra wa'aba mono ré hã, marĩ hã za ĩzô iwairébé mono na, Mozésihi nhimi'ui'éré zarina, duré 'Re ihâimana u'âsi mono zadawa 'mahârâ 'rata 'wa norĩ nhimi'ui'éré zarina, duré isõ're na rob'ui'éré zarina.

Luca 9:44

— Wa za aima ĩsiwasu'u za'ra wa'wa. Aima ĩsiwasu'u za'ra wa'aba zém na, aipo're si'âri za'ra wa'aba õ di za. Ti'ai ãma Dasiré Ipodo hã te za dasima hâiba nhomri ni.

1 Pedru 1:11

Ãne te ta norĩ hã te te sima 're nharĩ za'ra: “E 'wa hã, Danho'reptui'wa za. E niwa te za tawamhã te te 're da'anho'reptu.” Ãne te ta norĩ hã te te sô 're rosa'rata pese za'ra, te te waihu'u za'ra da. Cristuhu pẽ'ẽzani hã ipẽ'ẽ 're, 're hâimana za'ra mono wa, ma tô tãma waihu'u siromo za'ra, Cristu hã za te te irobzépatazém na. Taha pari, rowẽ uptabi hã hâiwa ãma za tãma 're ihâimana mono na ma tô duré tãma waihu'u siromo za'ra.